Македонија
(Видео) Спасовски: Северна Македонија е на јасен, чист пат, заедно со најсилните сојузи во светот

Денес, можеме гордо да кажеме: времињата на несигурност и нестабилност се зад нас. Северна Македонија е на јасен, чист пат, заедно со најсилните сојузи во светот, рече техничкиот премиер, Оливер Спасовски, на седницата на Собранието, на која беше ратификуван договорот за стапување во членство на Северна Македонија во НАТО.
Тој рече дека веднаш кога Шпанија, како последна земја ќе го ратификува протоколот за членство, нашата земја ќе го депонира договорот во Вашингтон во Соединетите Американски Држави како земја депозитар што ги чува ратификуваните договори на сите земји членки, заедно со основачкиот договор за НАТО од 1949 година.
Спасовски рече дека историјата се пишува со храбри одлуки и дека нашата земја од целосна изолација се вратила на агендата на ЕУ и НАТО.
„Историјата се пишува со храбри одлуки. Историјата се пишува со компромиси достоинствени и прифатливи за сите страни. Кога сите мислеа дека нема излез, беа преземени чекори што нè извлекоа од минатото и безизлезот и ни ги вратија перспективите за нашите аспирации за членство во НАТО и ЕУ во нивната полна и извесна реалност. Од тотална изолација на меѓународната сцена направивме пресвртница и ја вративме Северна Македонија на агендата на Европската Унија и НАТО и добивме членство во НАТО“, рече тој.
Договорот од Преспа, додаде Спасовски, го потврди и го афирмира нашиот идентитет.
„Граѓаните на Северна Македонија поднесоа навистина голема жртва. Пратениците во Собранието донесоа тешки, но историски одлуки. Сите тешки одлуки ги донесовме во согласност со важечките закони преку легални процедури. Не беше едноставно да се помине низ процесот за промена на името на државата. Сепак, се согласивме да додадеме географска одредница пред името на нашата држава, а да ги задржиме сите идентитетски обележја на нацијата“, рече Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.
Македонија
Посебен сообраќаен режим утре во Скопје

Од утре петок до сабота, во официјална посета на Р.С.Македонија ќе присуствува претседателот на Владата на Република Србија, Ѓуро Мацут.
Од тие причини Едницата за безбедност на патниот сообраќај ќе преземе мерки за посебен режим на сообраќај на подрачјето на град Скопје.
МВР апелира до граѓаните да се почитуваат наредбите што ќе ги даваат униформираните полициски службеници.