Македонија
(Видео) Спречен меѓународен транспорт на 85 килограми дрога, заедничка акција со грчката полиција

Вчера од страна на Одделот за криминалистичка полиција, Сектор за недозволена трговија со дрога, оружје и опасни материи, Регионалниот центар Исток и СВР Струмица во координирана акција со Службата за борба против дрога од градот Килкис, Грција, спречен е транспорт на 85 килограми марихуана и притоа во Република Северна Македонија лишени се од слобода четири лица, додека во Република Грција е распишана потрага по едно лице грчки државјанин.
„На 15.11.2023 во претпладневните часови од страна на полициски службеници на РЦ Исток биле забележани во движење лица со трактор и едно лице со моторцикл на планината Беласица, кои се упатиле во правец на државната граница помеѓу двете земји. Под сомнение дека лицата со тракторот преземаат нелегални активности односно пренесуваат наркотична дрога веднаш бил известен Одделот за криминалистичка полиција, Сектор за недозволена трговија со дрога, оружје и опасни материи од чија страна е стапено во контакт со надлежната служба во Република Грција“, велат од МВР.
Како резултат на заедничките координирани активности помеѓу македонските и грчките служби на територијата на Грција околу 13:00 часот по преземени мерки од страна на полициските служби од Килкис, Р.Грција било лоцирано патничко возило со грчки регистерски ознаки, во кое при преглед од страна на полициските службеници од Грција биле пронајдени и запленети 54 најлонски пакети кои содржеле вкупно 85 килограми канабис.
Во исто време, од страна на полициски службеници од СВР Струмица и РЦ Исток преземени се мерки и откако се утврдени лицата кои биле инволвирани во наведениот транспорт на марихуана лишени се од слобода М.Р. (34) од Струмица, С.Р. (29) од Струмица, Г.Х. (33) од Струмица и Ј.И. (38) од Струмица. На 16.11.2023 од страна на СВР Струмица поднесена е кривична пријава против наведените лица до Основно Јавно Обвинителство за гонење на организиран криминал и корупција Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.