Македонија
(Видео) Стоилковски: Богојески е сменет поради неисполнување на партиските обврски
Заменик-генералниот секретар на ВМРО-ДПМНЕ, Петар Богојески, е разрешен на синоќешниот состанок на Извршниот комитет поради неисполнување на партиските обврски и задачи, вели партискиот портпарол Наум Стоилковски. Тој не сакаше да одговори дали истото ги чека и потпретседателот на ВМРО-ДПМНЕ, Митко Јанчев, и реформаторот Костадин Богданов како членови на ИК кои гласа на референдумот.
„Како и во секоја партиска структура, секој кој има функција, има задолженија и обврски. Разрешен е поради несработување на тоа што му беше задача. Инсинуации се дека Богојески е тргнат поради негов став. Неговите обвинувања се негов став, а тоа што е сработено, а што не е сработено, се оценува од партиските тела“, рече Стоилковски.
Во однос на можно тајно гласање во Собранието за уставни измени, Стоилковски вели декa ВМРО-ПДМНЕ нема да прифати промена на Уставот за промена на уставното име.
„Сега сме на став дека референдумот е неуспешен, што е констатирано и од страна на ДИК. Договорот е неважечки, не може да има правни последици. Менување на Уставот е правна последица, а народот рече не. Заев и извршната власт и секоја друга институција треба да ја почитуваат волјата на над еден милион и 200 илјади граѓани“, порача Стоилковски.
Стоилковски не одговори конкретно зошто ВМРО-ДПМНЕ ги игнорира препораките на меѓународната заедница- да не се игнорира волјата на над 600 илјади граѓани кои гласаа „за“ на референдумот и процесот да продолжи во Собранието.
„Како да се почитува волјата на народот, а да продолжи процесот во Собранието? Ние не ги игнорираме, тоа се пријатели на Македонија и тие сакаат што побрзо да влеземе во евро-атлантските институции, но кршењето на Уставот и закони не е европска вредност“, рече партискиот портпарол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На Табановце за влез во Македонија се чека околу 15 минути
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен.
На ГП Табановце се бележи зголемена фреквенција на возила, времето на чекање за влез во Македонија е околу 15 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Дел од Скопје без струја и вода
Регионалниот центар за управување со кризи на Град Скопје, ги известува граѓаните дека, поради технички зафати во електро дистрибутивната мрежа, од 09:00 до 14:30 часот, без електрична енергија ќе останат, корисниците од населените места: Дивље, Сушица и Катлановска Сушица. (Општина Петровец)
Регионалниот центар за управување со кризи на Град Скопје исто така ги известува граѓаните дека
• поради отстранување дефект на водоводна мрежа со пречник од ф- 500 мм на Бул. Кочо Рацин (спроти Олимписки Базен), од 08:00 часот до завршување на интервенцијата, прекинато водоснабдување ќе имаат корисниците од: Бул. Кочо Рацин (потегот од ул.11-ти Октомври до Кеј 13-ти Ноември), ул. Тетовска, ул. Стив Наумов, дел од ул. Раде Јовчевски Корчагин, како и објектите на Амбулантата на МВР, Полициската станица – Пролет и ресторанот Ла Тана. (Општина Центар)
• поради изведување на водоводен приклучок ф – 80 мм на ул. 852 бб (кај Салонот Мерцедес), од 09:00 часот до завршување на интервенцијата, прекинато водоснабдување ќе имаат корисниците од зградите на ул. 852. (Општина Гази Баба)
Македонија
Претпладне сончево и топло време, попладне нестабилно со пороен дожд и грмежи
Претпладне сончево и топло со мала до умерена облачност. Попладне нестабилно со пороен дожд и грмежи, на повеќе места ќе има појава на невреме со обилен пороен дожд за кратко време, грмежи, силен ветер (над 60 км/час) и град. Минималната температура ќе биде во интервал од 13 до 20, а максималната ќе достигне од 29 до 35 степени. UV=7
Во Скопје претпладне сончево и топло со умерена облачност. Попладне ќе има пороен дожд и грмежи, во делови од котлината во форма на невреме со пообилен пороен дожд за кратко време, грмежи, силен ветер и појава на град. Минималната температура ќе се спушти до 17, а максималната ќе достигне до 33 степени.
До петок ќе се задржи променливо облачно и нестабилно време со пороен дожд и грмежи. На повеќе места ќе има појава на невреме со обилен пороен дожд за кратко време, грмежи, силен ветер (над 60 км/час) и град. Дневната температура постепено ќе опаѓа. За време на викендот се очекува стабилно и потопло време.