Македонија
(Видео) Стоилковски: Во еден ден нови 137 административци, а нема пари за студентски оброк
„Во само еден ден расипничката власт објавува оглас за 137 вработувања на буџет, во администрација! Ова е показател за расипништвото и целосната забеганост. Во само еден ден нови 137 административци, а нема пари за студентски оброк и не дава за лек за цистична фиброза. Ова е начинот на кој се справува со кризите. Ова е примерот за политиката ‘намалување на обемната администрација’ за што се фалеа. Полнење на администрацијата со партиска војска, во услови на криза, во само еден ден 137 државни службеници“, рече на денешната прес-конференција портпаролот на ВМРО-ДПМНЕ, Наум Стоилковски.
Тој напомена дека „овие вработувања се дополнителен товар на земјоделците, дополнителен товар на работниците дополнителен товар на сите што се во реалниот сектор. Нема пари за студентите, нема пари за земјоделците, нема пари за лекови за пациентите што протестираат пред Здравство, ама има пари за партиската војска на СДС и ДУИ“.
„Од овие огласи за државни службеници, 100 во Министерството за финансии, 22 во Собранието, 9 во Министерството за труд и социјална политика, двајца во Фондот за пензиско и четворица директно во кабинетот на Димитар Ковачевски во Владата. Овој се огласи за 137 места, со просечна плата од 30.000 денари за плата и придонеси. Тоа се речиси еден милион евра в година за плати и придонеси за партиските вработувања на СДС и ДУИ сега, во пресрет на Нова година“, порача Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во Собранието седници на три комисии
Во Собранието денеска седници ќе одржат Комисијата за финансирање и буџет, Законодавно-правната комисија и Комисијата за политички систем и односи меѓу заедниците.
На дневен ред на Комисијата за финансирање и буџет и Законодавно-правната комисија се две точки – Предлог на законот за изменување и дополнување на Законот за експропријација, по скратена постапка и Предлог на законот за изменување и дополнување на Законот за спречување перење пари и финансирање на тероризам, со европско знаме и по скратена постапка.
Скопје
Делови од Ѓорче Петров и Кисела Вода денеска без струја
Поради планирани зафати во електро дистрибутивната мрежа, денеска без напојување со електрична енергија ќе останат:
-Во период од 10:30 – 11:00 часот, дел од корисниците на место.наречено Присојница – Горно Нерези во општина Ѓорче Петров
– Во период од 09:00 – 12:00 часот, дел од булевар Борис Трајковски (кај Вардар мебел) во општина Кисела Вова.
Македонија
Сончево со мала до умерена облачност
Времето денеска ќе биде сончево со мала до умерена облачност. Попладне и во вечерните часови облачноста ќе се зголеми, а во западните делови ќе има повремен локален дожд. Ќе дува умерен, а наместа долж Повардарието повремено засилен ветер од југоисточен правец. Минималната температура ќе биде во интервал од 1 до 10, а максималната ќе достигне од 22 до 27 степени.
Во Скопје сончево со умерена облачност, која кон крајот на денот ќе се зголеми. Ќе дува умерен, а во делови од котлината повремено засилен ветер од југоисточен правец. Минималната температура ќе се спушти до 5, а максималната ќе достигне до 27 степени.
Под влијание на циклонска активност во петок и во деновите од викендот времето ќе биде променливо облачно со повремени врнежи од дожд. Наместа врнежите ќе бидат пообилни, локално во форма на невреме, проследени со грмежи и засилен ветер.
Потоа во следните два дена ќе настапи стабилизирање на времето.