Македонија
(Видео) Стоилковски: Денеска е 14-ти ден на колапсот на Хирургија, а со СДС/ДУИ тоа значи уште најмалку една недела блокада на здравството

Денеска е 14-ти ден од колапсот на Хирургија и колапсот на сиот здравстен систем во Македонија, вели портпаролот на ВМРО-ДПМНЕ, Наум Столковски.
„14-ти ден! И ден – петок. Што значи, со СДС/ДУИ, уште најмалку 4 дена, и тоа оптимистички, проблемот ќе трае. Бидејќи за нив нели, викендот мора да се истера, има поважни работи, како внатрепартиските интриги.
Ова е вистинското светло во коешто ќе блеснеше и иднината заедно со европскиот фронт. 14-ти ден на колапсот на Хирургија, ден петок, а со СДС/ДУИ тоа значи уште најмалку една недела блокада на здравството.
14 дена. Ништо не е преземено, здравството во цела држава е во колапс.
14 дена, министерот Илир Демири ја префрла топката те на ЈО, те на колективна одговорност – владата на СДС/ДУИ.
Од 12 директори и раководители, најголем број од нив по 7 години на таа позиција, не изустија ни збор, ниту чувствуваат одговорност, а се недопирливи за Илир Демири. Раководители по 7 години за што најмалку по два пати можеле да преземат акција да се санира Хирургија во целост“, истакнува Стоилковски.
Срамно и недостоинствено, е додава тој, но својствено за СДС/ДУИ.
„Нема грам грижа за пациенти, нема брза реакција да се санира Хирургија, ама има брза реакција за има провизии за вакцини, провизии за модуларни, црна трговија со лекови за рак.
14 дена, 12 оддели на хирургија, оставени во хаос, ништо не се презема. Клиниката за Хирургија е клучниот момент на Клинички, по правило врвот на здравствениот систем, а со ова терцијалното здравство во Македонија е доведено во колапс.
Одговорност ќе има“, прецизира тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Таравари не преговарал со ДУИ, а од „Влен“ не добил понуда да бидат една партија: „Ако решиле да се здружат ќе им го дадеме името“

Досега сме немале понуда од „Влен“ за да бидеме една партија, ако имаме ќе ја разгледаме, не брзаме, но ако одлучиле заедно да бидат, името им го даваме, нека го задржат „Влен“, ние ќе останеме „Алијанса за Албанците“, ќе продолжиме со нашата пратеничка група. Ова го истакна Арбен Таравари, одговарајќи на новинарски прашања.
Тој рече дека остануваат отворени за соработка со сите.
Вели дека не преговарал со ДУИ. Прашан за информациите дека добил понуда од „Влен“ која содржела 35 отсто за советничките листи, и 5 градоначалници, а истата понуда ја имал од ДУИ, Таравари рече: „’Влен’ ми пуштија нешто што повеќе ми изгледаше како ултиматум пред вчершното собрание. Јас никогаш во животот не прифаќам ултиматуми, сакам разговори“.
Македонија
Почина уште еден пациент што беше на лекување во Литванија, 61. жртва на пожарот во кочанската дискотека

Почина пациент што бил на лекување во Литванија, со што тој е 61. жртва на пожарот што се случи на 16 март во дискотеката „Пулс“ во Кочани, дознава „Макфакс“.
Повеќе детали ќе бидат објавени набргу на прес-конференција.
Минатата недела, исто во Литванија, почина Александар Карадакоски, управителот на „Пулс“. Со тоа две лица ги загубија животите на лекување во странство по смртоносниот пожар.
Македонија
(Видео) Односите со „Вреди“ се коалициски, одлични, рече Мицкоски, кој не планира владина реконструкција

Премиерот Христијан Мицкоски не планира реконструкција на Владата пред локалните избори.
Прашан од новинарите за оваа можност, а за која деновиве се зборува поради несогласувањата во коалицијата „Вреди“, Мицкоски кусо одговори: „Не“.
Дополнително за тоа какви се односите со „Вреди“, Мицкоски одговори: „Коалициски, одлични“.
Претходно денес, и вицепремиерот Изет Меџити беше прашан дали се планира реконструкција на Владата пред локалните избори. Тој рече: „Ќе видиме тоа, ќе процениме кои се аргументите“.
Темата за можна реконструкција се отвори откога стана извесно дека постојат несогласувања помеѓу лидерите на политичките партии во „Вреди“ во врска со настапот на претстојните локални избори. Тројца од четворицата лидери, меѓу кои и Меџити, се согласни дека треба да настапат заедно на локалните избори, но Арбен Таравари од Алијансата за Албанците, кој е актуелен министер за здравство, размислува поинаку. Дополнителено, лидерите не се согласуваат ниту за комуникацијата со ДУИ, што за Таравари не е спорна. Меџити денес изјави дека Таравари треба да расчисти со дилемите бидејќи неприродно е и „Влен“ и соработка со ДУИ.