Македонија
(Видео) Стоилковски: Обвинителствота да испита како Филипче со државна плата стигна до имот од 15.500 м2, „Шпанско село 2“, на Водно

ВМРО-ДПМНЕ, денеска, до Основното јавно обвинителство и Републичкото јавно обвинителство поднесе индиции за сторен криминал и можна корупција во врска со скандалот за „Шпанско село 2“, што според нас е во режија на министерот за здравство, Венко Филипче.
„Ги поднесовме индициите и очекуваме институциите сами овој пат да поработат експедитивно, како што експедитивно поднесуваат обвиненија и носат пресуди кога станува збор за оние што имаат критика кон власта, кон октоподот, кон Зоран Заев, па да видиме со каква експедитивност ќе поработат Вилма Русковска, Љубомир Јовевски и другите обвинители како во Републичкото и Основното јавно обвинителство така и Обвинителството за организиран криминал и корупција.
Сметаме дека постојат сериозни индиции што одат до откривање сериозен криминал и корупција, кршење на Законот за јавните набавки и сметаме дека со ова ќе се покаже дали Венко Филипче ќе остане незаменлив за октоподот на власт предводен од Зоран Заев или, пак, хибридниот режим ќе упати порака – „многу си ги одбрал друже“.
Очекуваме реакција од страна на Јавното обвинителство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Во историјата на овој суд не е изречена 12 години казана затвор за вакво дело, но го задржуваме правото да бараме поголема, рече обвинителот

Обвинителот Александар Марковски го задржа правото да бара поголема затворска казна од 12 години колку што денес му пропиша Основниот кривичен суд во Скопје на Васил Јованов кој смртно ја прегази 22- годишната Фросина Кулакова. Обвинителот по пресудата кажа дека судот изрекол досега највисока казна за вакво дело.
„Ова беше една мала победа за Обвинителството. Инаку станува збор за трагичен настан и нема простор ниту за славје ниту за разочараност. Во поглед на тоа самопризнание мислам дека придонесе и ефикасната и брза истрага кон која, со свој кадар и напори, придонесе и МВР кои беа на висина на задачата како и истражителите од ОЈО Скопје. Денешниот ден за Обвинителството е поголема победа затоа што беше изречена казна затвор која во историјата на овој Суд, за ова кривично дело и кога станува збор за една жртва, не била досега изречена, сметајќи на висината од 12 години казна затвор. Сепак Обвинителството го задржува правото на жалба и да бара повисока казна затвор“, рече обвинителот Марковски.
Денес Кривичниот суд му изрече 12 години затворска казна за 20-годишниот Васил Јованов, кој смртно ја прегази Фросина Кулакова на пешачки премин на булеварот Партизански одреди во јануари, годинава.
Во образложението, судијката Снежана Марковска кажа дека при одлучувањето судот ги земал во предвид сите олеснувачки и отежнувачки околности. Јованов доби и забрана за управување на возило од Б категорија во времетраење од пет години, а ќе треба и да ги надомести сите трошоци на кривичната постапка.
Uncategorized
(Видео) Кузеска: Влада составена само за лични интереси е логично да се распаѓа

По неполна година од формирање на Владата предводена од ВМРО-ДПМНЕ, таа почнува да се распаѓа. Тоа е директна потврда на она што граѓаните го чувствуваат секој ден, дека Владата на Христијан Мицкоски е нефункционална, деструктивна и целосно заглавена во сопствени интереси, истакна на прес-конференција Богхданка Кузеска, портпаролка на СДСМ:
За неполна година, вели таа, оваа Влада почнува да се распаѓа, затоа што е составена само за да задоволи лични апетити.
Коалицијата, оценува Кузеска, полека се ситни, затоа што нема ни причина да постои, ништо не ја држи заедно освен функциите.
„Граѓаните немаат никаква добивка од оваа власт. Сведоци сме на катастрофални економски резултати, нула реформи, распад на институции и понижување на државата на меѓународна сцена. Мицкоски е премиер без насока, ја води државата како да е приватна компанија, фокусирана само на тоа кој каде ќе се вдоми и што ќе земе. Владата не ја води со визија и храброст, туку со калкулантски однос за секое важно прашање. Јасно е дека нема лидерство и одлучност во оваа Влада.
Нема ни трага од ветената ефикасност. Народот живее сè потешко, цените растат, платите тапкаат во место, а Владата троши милиони за луксуз и гоштевања. Додека работниците молат за повисока минимална плата, народните пари одат на папаја, манго, бејби-биф, октоподи. Додека граѓаните се борат да преживеат месец за месец, Владата живее на висока нога, како да сме во економски бум“.
На локално ниво, состојбата, додава Кузеска, е уште пострашна.
Според неа, општините предводени од ВМРО-ДПМНЕ се расадници на корупција. Градоначалниците, како што појаснува се фокусирани на местење тендери, не на решавање на проблемите.
„Улици не се поправаат, училишта пропаѓаат, а јавните услуги се во хаос. Граѓаните се оставени сами, системот е глув и слеп за реалните проблеми. Партнерите си заминуваат а граѓаните се во апатија затоа што гледаат дека оваа влада нема капацитет. Никој не треба да биде соучесник и дел пропаѓањето на државата во провалија кон која не води Мицкоски. Сите што остануваат со Мицкоски се дел од истиот проблем. Свесно ја поддржуваат штетната насока и ја носат истата одговорност.
Ова е Влада без систем, без план, без резултати. Единствено што функционира во оваа влада се личните интереси“.
Државата, како што вели Кузеска, не може да се води така. Според неа, граѓаните не можат вечно да трпат заради туѓи договори, туѓи сметки и туѓи амбиции. Ова, додава, е момент за соочување со политичката вистина: Македонија нема време за експерименти, нема простор за играње држава. Потребна ни е функционална, одговорна и сериозна власт.
СДСМ, како што нагласи, ќе продолжи да биде гласот на разумот и одговорноста.
„И оваа власт, како и сите што се градат врз лаги и интереси, ќе падне. Прашње е само колку штета уште ќе направат дотогаш“.
Македонија
Таткото на Фросина: Судот ги скри клучните сведоци кои биле во возилото со Васил, едниот снимал, па ја избришал снимката

Дванаесет години казна е награда за ова најбрутално убиство во сообраќајот, изјави таткото на усмртената Фросина, Тодор Кулаков. Тој повика на нови протести пред судот и Судскиот совет, порачувајќи дека симболично, со црвени раце треба да биде залепен целиот суд.
„Ова е држава во која дилери на дрога и немилосрдни убиства се прогласуваат за светци – спортисти, посветени студени, според зборовите на одбраната. Пресудата е срамна и тажна за целото општетство“, рече Кулаков.
Тој укажа и дека никој во постапката не посветил внимание на, како што рече, мноштвото од сведоците кои биле прикриени, за уништување клучни докази, како оние на совозачот Лорен, кој додека се возеле снимал, а потоа таа снимка ја избришал, според тврдењето на Кулаков.
„Лорен е син на познат скопски кафанџија и затоа ја има цела заштита од системот. Судот е чиста мафија и такви пресуди носи. Лорен како клучен сведок кој никаде не фигурира требаше да добие кривична за уништување докази за убиство и сигурно од таа снимка ќе произлезеа докази за нови кривични дела, а казната ќе беше погголема и за него и за другите тројца во колата. Овој систем ги скри нив. Системот треба да одговара за соучешништво во прикривање на убиство“, рече таткото на Кулакова.
Многумина, вели родителот, на душа ќе ја носат неговата ќерка која е ангел.
„Арам да им се парите и се друго што добиле како компензација. Бог нека им суди, ние не се откажуваме“, рече Кулаков.
Тој претходно кога беше изречена пресудата од 12 години затвор за Васил Јованов, ја напушти судницата со зборовите „Судот-мафија“.
Јованов на 29 јануари, без возачка дозвола, управуваjќи возило со брзина од 91 километар на час под дејство на алкохол, на пешачки премин на Партизански одреди удри во Фросина Кулакова, која ја минувала улицата на зелено светло. Кулакова од силината на ударот почина на самото место.