Македонија
(Видео) Тимоние: Не беше пожелно да му се стави европска етикета на Законот за јазици

Не беше пожелно да му стави европска етикета на Законот за јазици, изјави амбасадорт на Франција во Македонија, Кристијан Тимоние, во интервју за „Макфакс“. Амбасадорот одговарајќи на новинарско прашање за блокирањето на Собранието со над 35 илјади амандмани на ВМРО-ДПМНЕ за овој закон, рече дека тој не бил почнат на најсоодветен начин.
„Собранието не функционира така како што треба“, рече Тимоние. „Законот не беше приоритетен за Европската Унија“, изјави амбасадорот. Tој се повика на изјавата на еврокомесарот Јоханес Хан.
„Албанските партии се легитимни и посакуваат ова прашање да биде решено“, додаде Тимоние. Амбасадорот се повика на изјавата на лидерот на ДУИ, Али Ахмети, кој рече дека за овој закон чекале 150 години и ќе почекаат уште малку.
„Треба да се најде инспирација во неговата мудрост“, изјави амбасадорот на Франција.
Тимоние потенцираше дека многу поважно е земјата да го убеди Брисел дека македонската демократија е функционална. Амбасадорот изјави дека е изненаден од леснотијата со која им бил симнат имунитетот на пратениците во Собранието. „Не е најважен притворот, туку конечната пресуда“, изјави амбасадорот за „Макфакс“.
(Целото интервју на „Макфакс“ ќе биде објавено викендот)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Не е сега момент за лидерска, тоа би било губење на време, рече Таравари

Министерот за здравство Арбен Таравари, кој е и дел од коалицијата „Вреди“ се огласи за понудата од страна на лидерот на СДСМ, Венко Филипче, за лидерска средба, но вели дека тоа би било само губење време.
„Заинтересирани сме да се решат проблемите што ги имаме како институции, работиме неуморно, па тоа би било губење време“, рече Таравари, одговарајќи на новинарско прашање.
Тој цени дека сега не е момент за лидерска, особено бидејќи институциите беспрекорно работат и за здравјето на луѓето и за третманот, но и за да се најдат виновниците на овој случај, но и на претходните слични случаи во изминатите пет години.
Филипче наскоро ќе упати и официјални покани за лидерска средба.
Македонија
Влошена е состојбата кај двајца критични пациенти кои се лекуваат по пожарот, информира Таравари

Влошена е состојбата кај двајца пациенти кои се лекуваат по пожарот во дискотеката „Пулс“ во Кочани. Вкупно четворица се во критична состојба.
Министерот за здравство, Арбен Таравари информираше дека се’ уште има и интубирани пациенти во тешка, но не и животно загрижувачка состојба.
Одлична вест е тоа што денес ќе бидат пуштени дома пет пациенти од хоспитализираните 21 во Скопје. Во странство се лекуваат 89 пациенти, а двајца се враќаат денес од Литванија и Шведска. Како и со претходните пациенти кои се вратија од странство, и тие, првин ќе бидат прегледани на скопските клиники, задржани 24 часа, па пуштени дома.
Македонија
Тошковски и Ристовски: Центарот за обука на МВР е клучна алка во системот на безбедност

Министерот за внатрешни работи, Панче Тошковски заедно со министерот за спорт, Борко Ристовски, остварија работна посета на Центарот за обука на МВР, каде што е во тек сеопфатна реконструкција на постоечките капацитети. Овој центар е клучна алка во системот на безбедност, каде што се обучуваат и подготвуваат идните полициски службеници и токму затоа вложувањето во неговата инфраструктура е вложување во стабилноста и безбедноста на државата.
„Со министерот разговаравме за можностите за меѓуресорска поддршка, особено во делот на спортската инфраструктура, односно спортските терени, полигонот, игралиштата и базенот. Особено загрижува состојбата со базенот, кој иако бил реновиран претходно, воопшто не е ставен во функција и оставен е да пропаѓа. Заеднички констатиравме дека со релативно мали инвестиции, овој сериозен капацитет може повторно да се стави во функција и да стане дел од системската подготовка на полициските кадри.“, потенцираше министерот Тошковски при посетата.
Министерот Тошковски нагласи дека целта е изградба на модерен, целосно опремен и функционален центар за обука, кој во иднина ќе има и регионално значење и дека преку соработка помеѓу институциите, со јасна визија и одлучност, можеме да изградат услови што ќе одговорат на современите потреби.