Македонија
(Видео) Трипуновски: Земјоделецот нема да биде повеќе социјална категорија, туку еден од столбовите на економијата

Земјоделецот нема да биде повеќе социјална категорија, туку еден од столбовите на економијата, порача Цветан Трипуновски од ВМРО-ДПМНЕ, кој е предлог министер за земјоделство, шумарство и водостопанство.
„Поминаа 7 тешки години, понижувања на трудот и маката на чесниот македонски земјоделец.
Свртуваме нов лист. Земјоделецот нема да биде повеќе социјална категорија, туку еден од столбовите на економијата.
Јас сум земјоделски инжинер, потекнувам од земјоделска фамилија, раководев со земјоделски ресори и работев во МЗШВ долги години. Нема село во државата кое не го знам, не сум го посетил или каде немам решено некој проблем. Тоа така и ќе продолжи да биде. Драги земјоделци знаете дека сум еден од вас, ваша тврдина и ваш најголем пријател.
Следуваат години на развој на земјоделието. Инвестиции во откупни центри и преработувачки капацитети. Доаѓа време кога сите вие ќе биде среќни, затоа што вашиот труд ќе се исплати.
Време е за насмевка на лицата на земјоделците. Време е за подобро утре. Македонија за тебе. За сите нас. Почнуваме“, порача Трипуновски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).