Македонија
(Видео) Условна казна за бизнисменот што призна вина во „Империја“, досудено да плати и отштета од 1,5 милион евра

Условна казна доби бизнисменот Зоранчо Митровски, кој седна на обвинителна клупа, па кога го слушна обвинението, реши да признае вина за случајот „Империја“. Пресудата ја изрече судијката Васка Николовска-Масевска. Таа посочи дека, освен условната казна, која нема да изврши ако во наредните пет години Митровски не стори ново кривично дело, бизнисменот ќе треба да плати отштета заедно со неговата фирма „Еземит вино“ во висина од речиси 1,5 милион евра во буџетот на Македонија.
Зоранчо Митровски беше обвинет за кривични дела злоупотреба на службената положба и овластувањето и перење пари.
„За двете кривична дела, судот му одредува една единствена алтернативна мерка – условна осуда казна затвор од две години затвор ако во следните пет години не стори друго кривично дело“, рече судијката Васка Николовска-Масевска.
Судењето ќе продолжи за бизнисменот Цветан Панделевски и за берзанскиот брокер Јованчо Тасковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Укината забраната за тешки товарни возила на патниот правец Маврово – Дебар

Забраната за сообраќај за тешки товарни возила на патниот правец крак Маврово – Дебар се укинува во 06.10 часот, извести АМСМ.
Сообраќајот на државните патишта се одвива по претежно влажни коловози, на некои повисоки места во западните и југозападните делови од државата со остатоци од кашест снег на коловозот по интервенција на дежурни екипи на Македонијапат.
Македонија
Променливо облачно и студено со повремено засилен ветер, претпладне услови за слаб снег

Времето денеска ќе биде променливо облачно и студено, претпладне наместа ќе има услови за провејување на слаб снег. Ќе дува умерен до засилен ветер од северен правец (над 70 km/h).
Минималната температура ќе биде во интервал од -4 до 1, а максималната ќе достигне од 3 до 10 степени.
Во Скопје, променливо облачно и студено. Ќе дува умерен, во делови од котлината повремено засилен ветер од северен правец. Минималната температура ќе се спушти до 0, а максималната ќе достигне до 8 степени.
Времето во наредните денови
Во следните денови времето ќе биде стабилно и ветровито со температури под просекот за овој период од годината. Утринските температури на повеќе места ќе бидат негативни, а дневните во постепен пораст.
Македонија
Дел од Карпош денеска без вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, на денеска поради санирање појавен дефект на водоводна мрежа со пречник Ф-1 цол на улицата Ванчо Мицков бр. 18, во општина Карпош, прекинато водоснабдување ќе имаат корисниците од истата улица.
Водоснабдувањето ќе биде прекинато од 09:30 часот до завршување на интервенцијата.