Македонија
(Видео) Филипче, Караџовски и Зибери: Новите случаи се врзани со собир и прослава на 24 и 25 мај
Министерот за здравство, доц. д-р Венко Филипче, претседателот на Комисијата за заразни болести, прим. д-р Жарко Караџовски, и директорот на Центарот за јавно здравје, д-р Арбен Зибери, денеска одржаа заедничка прес-конференција на која информираа за состојбата со коронавирусот Ковид-19.
„Во изминатите денови, практично цела измината недела, се направи таргетирано тестирање – скрининг на контакти на заболени. Екипите на Центрите за јавно здравје интензивно работеа на терен во кризните региони и бројката која ја гледаме овие неколку дена е резултат на тоа. Ова беше сосема очекувано и ние тоа го најавивме. Таквото тестирање беше рана дијагностика и навремена изолација на контактите на лицата кои се носители на вирусот во рамки на познатите кластери. Се покажа дека најголем број од заболените се всушност заболени на семејни и други собири, па со ваквата стратегиja практично ги изолиравме сите контакти на заболените, кои се без симптоми. Полицискиот час за викендов дозволи многу полесен пристап и брзо тестирање на сите контакти, што беше многу отежнато во последните денови. Позитивно е што покрај првичниот отпор кај дел од контактите, сега веќе имаме подобра соработка и успеваме полесно да пристапиме и тестираме. Апелирам уште еднаш граѓаните максимално коректно да соработуваат со епидемиолозите и да даваат точни податоци. Огромен процент од дијагностицираните случаи се со лесна клиничка слика или се асимптоматски и од вкупниот број, само осум пациенти се на механичка вентилација“, потенцираше министерот Филипче и додаде дека околу 65 проценти од активните позитивни случаи во Скопје се поврзани со познат случај, а од нив 90 проценти припаѓаат во 41 кластер. Слична е состојбата и во другите три кризни региони, каде најголем процент од заболените се од рамките на истите кластери.
Според Филипче, кластерската анализа покажа дека речиси сите нови случаи се врзани со некаква форма на собир, прослава во период на 24 и 25 мај, односно точно пред две недели, а на што укажа деталната анализа во епидемиолошките прашалници.
Тој изјави дека во периодот што следи, Комисијата ќе предложи до Владата, а во текот на утрешната седница ќе се дискутира за евентуална рестрикција на движењето.
„Успеавме добро да го амортизираме првиот бран и многу побезболно да ја ставиме епидемијата под контрола“, оцени министерот за здравство Филипче.
Претседателот на Комисијата за заразни болести, прим д-р Жарко Караџовски, истакна дека просечната возраст на заболените луѓе во државата изнесува 44,8 години, меѓутоа највисока инциденца во моментот има на возрасна група од 50 – 59 години.
„Во однос на стандардната епидемиолошка крива, на 25 мај бројката покажуваше 16 случаи. Тогаш предложивме олабавување на мерките. Она што се случи по 26 мај, исклучиво согласно епидемиолошките анкети што досега сме ги направиле, се должи на тотално непочитување на одредени превентивни мерки, кои ги дадовме како препорака од Комисијата за заразни болести и министерот за здравство, а тоа се: носење заштитна маска, спречување на групирање на повеќе од 2 лица, што ни се удри како бумеранг поради непочитување на мерките за време на верскиот празник Рамазан бајрам и ифтарските вечери, кои се случуваа во тој период. Вториот бран ни се појави сега, и доколку можам епидемиолошки да се изразам, вториот бран од 26 наваму може да се направи транслација кога би го помрднале во лево, дека тој ќе се поклопи или речиси ќе се поклопи со бројот на заболени во април месец. Значи дојдовме до една состојба кога цела Европа и нашите околни држави ги попуштаа мерките, го направивме тоа и ние, очекувајќи дека мерките ќе се почитуваат. Меѓутоа, крајно сум разочаран од непочитување на овие мерки“, потенцираше прим. д-р Караџовски.
За бројот на тестирани и процент на позитивни, тој изјави дека ништо не е променето во стратегијата.
„Ние последните седум дена направивме големи напори, лабораториите ги ‘растегнавме’ до крајни граници да може да изработуваме повеќе од илјада или околу илјада тестови дневно. Меѓутоа, добивме и неколку лаборатории на помош: Центарот за јавно здравје – Скопје, МАНУ, Судска медицина, како и останатите кои изминатиот период ни дадоа драгоцена помош за да спроведеме едно поголемо тестирање. Тестирањето покажа дека што повеќе тестираме, имаме и поголем број позитивни, меѓутоа процентот на овие позитивни се движи меѓу 3,1 / 7,9 / 14,2 / 13 и 15 проценти“, истакна прим. д-р Караџовски, кој додаде дека Комисијата за заразни болести усвојува свои протоколи и ги дава на министерот за здравство за усвојување на седница на Владата.
„Ние не сме Влада на државата, ние не сме луѓе кои се директно инволвирани во донесување одлука. Главниот кризен штаб на оваа држава ги донесува одлуките. Ве молам да ги почитуваме мерките, само со доследно почитување на овие мерки можеме да ‘испливаме од оваа вода’. Ве молиме, да не дозволуваме самите себе да си пресудуваме во моменти кога цела Европа и цел свет ги намалуваат сите мерки, а ние да воведуваме нови рестрикции. Верувам дека 20 проценти од населението сè уште не нè сфаќа сериозно, ниту нас, ниту болеста. Само тие што не биле на Инфективна клиника не знаат која е таа мачна атмосфера. Не е сеедно да гледате како умираат луѓе. Воопшто не е сеедно да донесувате мерки кои се рестриктивни како за мене, така за мојата фамилија. Меѓутоа, и на нашите најблиски. Дајте да сфатиме дека мерката за носење заштитна опрема, дистанца од два метра е основата во цел свет. Никаде ништо се нема променето во овие мерки. Дајте да се здружиме сите заеднички. А партии и политика, и кои било други работи да ги тргнеме на страна. Оставете ги пишувањата против Комисијата, ние сме најголемите професионалци во државата“, истакна д-р Караџовски.
Директорот на Центарот за јавно здравје – Скопје, д-р Арбен Зибери, информираше дека бројката на активни случаи е 658 пациенти, додека на оздравени е 569 пациенти.
„Во моментов во Скопје, имаме активни случаи во Чаир – 169, Бутел – 63, Гази Баба – 61, Аеродром – 57, Сарај – 56, Карпош – 45, Кисела Вода – 35, Арачиново – 23, Студеничани – 19, Илинден – 18, Ѓорче Петров – 20, Шуто Оризари – 17, Петровец – 6, Чучер Сандево – 3, Сопиште – 2 и Општина Зелениково досега нема ниту еден регистриран случај. 60 проценти, односно 390 од вкупниот број на активни позитивни случаи се поврзани со веќе познати позитивни случаи. Тие се асимптоматски, што е многу важно, и затоа треба сите да бидеме претпазливи, затоа што во последниве денови имаме многу случаи коишто се асимптоматски и коишто може полесно да ја шират болеста. Триесет и пет проценти, односно 210 од вкупната бројка на активни позитивни случаи во Скопје не се поврзани со веќе познати позитивни случаи, но кога зборуваме со нашите епидемиолози и ги анализираме случаите увидуваме дека оваа бројка е уште помала. Од вкупниот број на активни позитивни случаи во Скопје, 41 се кластери. Деведесет проценти од вкупниот број на активни случаи припаѓа на кластерите. Ова е доказ дека нашите епидемиолози на територијата на Град Скопје ја имаат состојбата под контрола. Точно знаеме од каде се овие новодијагностицирани пациенти последниве денови“, рече д-р Зибери.
Тој информираше дека екипите на Центарот за јавно здравје – Скопје, од почеток на оваа пандемија на Ковид-19 во нашата земја имаат земено повеќе од 8.000 бриса за тестирања во домашни услови на заболени и контакти, во пунктовите на поликлиниките и познатите пунктови во Скопје, како што се поликлиниките „Ченто“, „Јане Сандански“, „Идадија“ и во „Чаир“.
Тој упати апел да се почитуваат мерките, да се држи физичка дистанца, да се носи заштитна маска и луѓето да не се групираат, затоа што со секое непочитување на мерките може само да се одолговлечи оваа пандемија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Под истрага началник и виш инспектор
Под истрага се двајца полициски службеници поради попречување на правдата, продолжено кривично дело Злоупотреба на службената положба и овластување и продолжено кривично дело Фалсификување исправа.
Според прибраните докази, осомничените како службени лица – началник и виш инспектор, по претходен договор и заедно, не извршувајќи ја својата службена должност ја злоупотребиле својата службена положба со намера да го спречат докажувањето во постапки што се воделе пред ОЈО Куманово.
Така, во август 2023 година во предмет против осомничен за кривично дело Предизвикување општа опасност, иако при претрес била пронајдена пушка, второосомничениот не го известил надлежниот јавен обвинител и со Известувањето што го подготвил до ОЈО Куманово, а кое го одобрил и потпишал првоосомничениот, не го доставил пронајденото оружје, ниту побарал негово вештачење. На тој начин осомничените злоупотребувајќи ја својата положба со неизвршување на својата службена должност, го прикриле предметот што служел за докажување на стореното кривично дело и овозможиле пријавата против осомничениот да биде отфрлена со што потешко ги повредиле правата на оштетените пријавители на кривичното дело.
Кон крајот на месец декември минатата година, првоосомничениот изработил Потврда за вратени предмети со која на осомничен во предмет му вратиле возило што претходно било одземено поради постоење основи на сомневање на сторено кривично дело Фалсификување исправа. Иако знаеле дека идентитетот на возилото според извршеното вештачење е променет, првоосомничениот наместо да поднесе кривична пријава, подготвил Известување до ОЈО Куманово кое второосомничениот како началник го одобрил и потпишал, а потоа истото било доставено до обвинителството. Враќајќи го возилото осомничените му овозможиле на друг да прибави имотна корист во вредност од 7.640 евра, информираа од Обвинителството.
Согледувајќи ги околностите што укажуваат на опасност од бегство доколку осомничените се бранат од слобода, како и дека ќе ја попречуваат кривичната постапка со влијание врз сведоците и соучесниците кои би дале важни информации за случените кривично правни настани, а имајќи ги предвид работните позиции, јавниот обвинител цени дека реално постојат и особени околности кои го оправдуваат стравот дека осомничените ќе го повторат кривичното дело. Затоа, до судијата на претходна постапка при Основен кривичен суд Скопје обвинителството достави предлог за определување на мерка притвор за двајцата осомничени кој предлог е прифатен и со Решение им е определена мерка притвор во траење од 30 дена.
Македонија
„Паркови и зеленило“: Не е вистина дека било обележано за сечење дрвото кое повреди дете во Карпош
Паркови и зеленило ги демантира наводите на општина Карпош дека дрвото било обележано за сечење дрвото, кога гранка повреди дете во Карпош.
Од тука велат дека до нив, не пристигнало никакво барање ниту пак има издадено Решение за сечење.
„По барањата на странките за интервенција врз дрвјата редовно се постапува. Во досегашното работење на сите барања на Општина Карпош е одговорено. Во член 29 став 2 во Законот за урбано зеленило стои дека врз основа на поднесеното барање, општината е должна во рок од седум дена да донесат решение со кое ќе ја утврдат потребата за сечење, односно кастрење на оштетеното дрво, и на видливо место се обележува дека дрвото е за сечење или кастрење со црвена боја на височина од 130 сантиметри (сечење: „С“ или кастрење: „К“). Во случајот е евидентно дека дрвото не е обележано со никаков знак како што е утврдено во Законот за урбано зеленило“, велат од „Паркови и зеленило“.
Сметаат дека надлежните од општината го злоупотребиле овој немил настан од причина што доколку се работи за подрачје на нивна општина за кое требало да поднесат барање.
„Паркови и зеленило“ изрази жалење за случајот.
Малолетникот беше повреден во Карпош, кога се откорна голема гранка од дрво. Општина Карпош претходно побара Министерството за внатрешни работи да го документира овој настан, да се утврди одговорноста и да се сносат правни последици.
Македонија
Мицкоски и Орбан повикаа на постигнување траен мир во Украина: „Европа преку партнерството со САД да заземе поинтензивна улога во процесот“
Заедно да поттикнеме и да поддржиме Европа да заземе поинтензивна улога во процесот на постигнување траен и одржлив мир во Украина преку партнерство и сојузништво со САД, нешто што е и во полза на украинските пријатели и на самата Европа. Ова го истакна премиерот Христијан Мицкоски на заедничката прес-конференција со унгарскиот премиер, Виктор Орбан.
За војната во Украина зборуваше и Орбан, кој рече дека Унгарија останува на ставот дека војната треба да прекине.
„Три години живееме во сенката на војната. Ние ги поздравуваме преговорите меѓу САД и Русија и сме заинтересирани за успешен исход. Ние им се спротиставуваме на оние држави од Европската уинија, кои се наши пријатели и сојузници, но кои решија дека војната во Украина мора да продолжи. Продолжувањето на војната е лошо, погрешно и е грешка. Во четврток за тоа ќе зборуваме во Брисел“, рече Орбан.
Двајцата зборуваа и за европските интеграции на Македонија, пришто премиерот Мицкоски истакна и дека стратешка цел на државата останува членство во Европската Унија и за тоа не треба да постои дилема, а истовремено изрази надеж дека Унгарија ќе помогне да се откочи процесот.
„Нашата стратешка цел како држава да бидеме дел од европското семејство, нешто што го заслуживме многу одамна, била, е и ќе остане наша стратешка цел. Но, исто така мораме да потенцираме дека тоа што македонските граѓани го дадоа за реализирање на оваа стратешка цел, која за жал не е поместена од состојбата која беше пред 20 години, е навистина бесценета, односно цената е толку голема, што не може да се утврди, бидејќи пред се зборуваме за процесот на билатерализација на преговори, а не за европеизација на преговорите“, рече Мицкоски.
На слична линија е и Орбан, кој децидно порача дека овој процес трае премногу долго.
„Не само што е срамно што овој процес толку бавно оди напред, а за тоа не е одговорна Северна Македонија, туку ние, членките на Европската унија. Затоа ние го поддржуваме залченувањето на Северна Македонија. ЕУ мора да ја подобри конкурентноста и не гледам друго решение за подобрување на конкурентноста од проширувањето“, рече Орбан.
Според унгарскиот премиер не е фер и тоа што некои европски лидери ја фаворизираат Украина пред Северна Македонија за придвижување на патот кон Унијата.
Приведен 19-годишниот возач поради несреќата на автопатот кај Тетово во која жена загина на лице место
Приведен е 19-годишен возач, по сообраќајната несреќа на патот Тетово-Гостивар, во која животот го загуби 81 годишна жена од Охрид,...
Што значи за Украина прекинот на воената помош од САД
Одлуката на американскиот претседател Доналд Трамп привремено да ја прекине помошта за Украина е горчлив удар – не само за...
Мицкоски и Орбан повикаа на постигнување траен мир во Украина: „Европа преку партнерството со САД да заземе поинтензивна улога во процесот“
Заедно да поттикнеме и да поддржиме Европа да заземе поинтензивна улога во процесот на постигнување траен и одржлив мир во...
Зеленски: Подготвени сме да го потпишеме договорот за минералите со САД и да седнеме на преговарачката маса што поскоро
Украинскиот претседател, Володимир Зеленски, изјави дека е подготвен да го потпише договорот за минералите и безбедност со САД и да...
Орбан: Срамно е што процесот на зачленување на Македонија во ЕУ оди бавно
Премиерот на Унгарија, Виктор Орбан, на денешната заедничка прес-конференција со македонскиот премиер Христијан Мицкоски истакна дека посетата на македонската владина...
Државата ќе плаќа за кратење желудник на прекумерно дебелите, а операцијата ќе се прави кај нас место во странство
Место во странство, 40 пациенти со прекумерна дебелина ќе може да направат операција за намалување на тежината кај нас, а...
„Вреди“: Ахмети е очаен за политичко внимание, зад сценариото за бојкот на локалните избори се крие стравот од пораз
Тоа што ДУИ не се снаоѓаат во опозиција не може да го претворат во државен проблем. Али Ахмети е очаен...
Сиљановска ја штити и релативизира Кочоска, таа е нем набљудувач на дискриминацијата, велат од СДСМ
Претседателката Гордана Сиљановска-Давкова која во кампањата се претставуваше како борец за правата на жените, денес молчи пред отворена дискриминација кон...
Засилени контроли за увозното овошје и зеленчукот за заштита од пестициди, најави АХВ
Заради обезбедување на поголема безбедност на храната и постигнување на високо ниво на заштита на здравјето на луѓето, во услови...
(Видео) Граѓаните да не наседнуваат на измами со лажни сообраќајни незгоди, веднаш да пријават во полиција
Во изминатиот период во Министерството за внатрешни работи од страна на граѓаните пријавени се повеќе кривични дела „измама“, кои се...
Американски експерт за надворешна и безбедносна политика: Она што го прават САД, Путин го толкува како бело знаме
Добро е што САД „разговараат со противникот“, но во моментов звучи како да сакаат мир и договор повеќе од Русија,...
Утрово најстудено во Берово, денеска максималната температура до 16 степени
Утрово најстудено било во Берово каде што се измерени -8 степени, -7 било на Попова Шапка, -6 во Маврови Анови...
Би-би-си: Какви опции има Зеленски сега? Јасно е што сака Трамп
„Што може Зеленски да направи за да ја промени ситуацијата? Да му се извини на претседателот Трамп? Да го прифати...
(Видео) Венс: Зеленски не е подготвен за мир, тоа е вистинскиот проблем
Американскиот потпретседател Џеј Ди Венс рече дека верува оти украинскиот претседател Володимир Зеленски „на крајот“ ќе се помири со учеството...
Трамп ја паузира воената помош за Украина, објави „Ројтерс“
Соединетите држави ја паузираат воената помош за Украина само неколку дена откако сегашниот американски претседател Доналд Трамп се судри со...
Средба Муцунски-Сијарто: Унгарија е меѓу десетте најголеми трговски партнери и инвеститори во Македонија
Во рамките на Втората меѓувладина седница со Унгарија, министерот за надворешни работи и надворешна трговија, Тимчо Муцунски, денеска во Будимпешта...
Апелација му ја намали казната на Боки 13 за „Рекет“, од девет на пет години
Апелациониот суд ја преиначи пресудата за случајот „Рекет“ во кој е обвинет Бојан Јовановски – Боки 13. Боки 13 во...
Онака сложно како што ги зачуваа патните трошоци, пратениците да изгласаат дополнително покачување на минималната плата од 6.000 денари, побара Трендафилов
Сојузот на синдикатите на Македонија (ССМ), денес, до Владата, до Собранието и до работодавците достави предлог во кој бара дополнително...
Вработените во Филхармонијата до Мицкоски и Љутков: За директор треба да се избере најквалификуваниот, а не партиски договорениот кандидат
Пред неколку дена, министерот за култура и туризам, Зоран Љутков во изјава за еден медиум рече дека одлуката кој ќе...
Трамп: „Зеленски нема да има друга опција, освен да се предаде“
Американскиот претседател Доналд Трамп синоќа на својата социјална мрежа Truth Social сподели објава во која тврди дека украинскиот претседател Володимир...
