Македонија
(Видео) Членови на ДОМ бараат оставка од претседателката Морачанин

Членови на ДОМ, побараа Маја Морачанин да си поднесе оставка од претседателската функција во партијата. Тие сметаат дека Морачанин не спроведува зелена агенда, туку дека заедно со раководството кое го нарекуваат „елитистичко друштво“, таа ја киднапирала партија за одработувајќи за туѓи интереси да ја уништи. Ако Морачнин не си замине од функцијата, тие ќе го замрзнат членството во партијата, бидејќи барањето за вонреден конгрес им беше отфрлено пред неколку месеци.
„Ние зелените од 17 општински организации на ДОМ се дистанцираме од недемократските одлуки и постапки на раководството на ДОМ и претседателката Маја Морачанин. Повикуваме на оставка од Маја Морачанин, како најодговорна на уништување на единствената зелена партија на Македонија. Јасно и гласно изјавуваме дека нашето дистанцирање е поради недемократските, нестатутарните и нечовечките постапки на Маја Морачанин и елитистичкото друштво кое ја киднапираше зелената партија. Тоа друштво повеќе не ги застапува зелените интереси и зелените политики. Тоа друштво одработува за нечии интереси и се труди ДОМ како зелена партија целосно да ја уништи“, рече Ристенка Алтипармаковска, советник во општина Битола.
Од членовите има обвинувања дека Морачанин покрај разрешувањето на Ана Петровска откако таа побара вонреден конгрес, сега како одмазда дели откази и на вработени кои не се согласуваат со нејзините ставови.
„Маја Морачанин со актуелното раководство се само лица, поединци без поддршка од општинските организации на партијата. Истите, се интересираат само да приграбат нови позиции, жестоко се пресметуваат со некој неистомисленик, да го отстранат, разрешат и игнорираат. Започнаа со игнорирање на иницијативата за демократизација на партија зад која застанаа мнозинството членови на Централниот одбор и 2/3 од општинските организации. Потоа, нестатутарно, со фантомски гласачи ги разрешија од потпретседателска функција, Ана Петровска и Мирослав Богдановски, лица кои се признати борци против загадувачите. Потоа, излобираа и разрешување на Ана Петровска од директорската позиција во Инпсекторатот за животна средина. Не останаа само на тоа, преминаа кон делење на откази за лица кои не се согласуваат со нивните нестатутарни и недомкратски дејства. На улица оставаат лица со врвни резултати во нивното професионално работење, вршат на мобинзи, делат откази на лица кои се поддржувачи на инцијативата за демократизација на партијата“, додаде таа во име на ицијативата.
Оставката ја бараат од општинските организации на ДОМ во Битола, Велес, Лозово, Кисела Вода, Гази Баба, Куманово, Прилеп, Охрид, Тетово, Делчево, Берово, Радовиш, Аеродром, Пробиштип, Дојран, Ѓорче Петров.
„Од Маја Морачанин бараме оставка. Нашуштија Маја зелената партија на Македонија, не ја уништувај единствената зелена партија на Македонија. Судејќи според реакциите од разрешувањето на Ана Петровска се гледа дека на демократската јавност и е кристално јасно дека се работи за лажни демократи и лажни зелени. Барањето за оставка доаѓа од 17 општински организации на ДОМ“, потенцираше Алтипармаковска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре попладне дожд и грмежи

Под влијание на влажна и нестабилна воздушна маса, утре во попладневните часови ќе има локална појава на нестабилност со пороен дожд и грмежи. Во понеделник се очекува на повеќе места да биде нестабилно со пороен дожд и грмежи. Локално процесите ќе бидат поинтензивни со услови за невреме со пообилен пороен дожд, силен ветер и изолирана појава на град.
Како што информират од Управата за хидометеоролошки работи, во вторник ќе има услови за изолирана појава на нестабилност, а од среда ќе преовладува претежно стабилно време со постепен пораст на дневната температура.
Во Скопје, во понеделник времето ќе биде променливо облачно, попладне нестабилно со пороен дожд и грмежи. Во делови од котлината ќе има услови за појава на невреме со силен ветер и изолирана појава на град.
Од УХМР апелираат во случај на појава на електрични празнења гражаните да бидат повнимателни, да не престојуваат на отворен простор и под осамени дрвја.
Македонија
Зајкова: Жичарницата на Водно работела без дозвола додека превезувала деца и туристи, кој ќе одговара за пропустот?

Жичарницата на Водно со месеци работела, додека била опасна за патниците. Синдикатот на ЈСП јасно предупреди дека жичарницата работела без дозвола и не смеела да превезува луѓе, пишува во објава на социјалните мрежи претседателката на Либерално-демократската партија (ЛДП) и пратеничка во македонското Собрание, Моника Зајкова.
„Колку скопјани (возрасни, деца), колку туристи биле изложени на ризик по својот живот во овие месеци?!? Јас лично го носев мојот петгодишен внук до врв на Водно со истата… морници ме лазат од помислата што сѐ можело да се случи на секој од нас. Колку пати мораме да бидеме сведоци на неизмерна штета, па и човечки животи, за конечно да сфатиме дека мораме да ја поставиме безбедноста на прво место? Колку нови трагедии треба да ни покажат дека стандардите не се луксуз, туку се поставени заради безбедност и заштита?“, прашува Зајкова.
Секоја жичарница мора да минува годишен технички преглед и вонредни инспекции пред секоја сезона. Инспекциите мора да ги вршат независни тела (не само ЈСП или оној кој ги стопанисува), а извештаите да бидат јавни и достапни, наведува таа.
Зајкова бара да се воведат современи сензори за вибрации, опуштеност и странични движења кои автоматски го сопираат системот при ризик (како што е пракса во Австрија, Швајцарија и Германија). Овие современи технологии ги спречуваат катастрофите пред да се случат.
„Кривична одговорност за раководството во случај на исклучучени безбедносни уреди, дозволување или игнорирање на функционалните несигурности или работење без дозвола. Ние не сме статистика. Сме луѓе. И не мора да ја плаќаме цената со живот заради импровизации и неспособност“, заклучува претседателката на ЛДП, Зајкова.
Македонија
Собранието одлучи по скратена постапка да бидат донесени измените и дополнувањата на Изборниот законик

Собранието денеска одлучи по скратена постапка да бидат донесени измените и дополнувањата на Изборниот законик, кои, меѓудругото, го регуралираат учеството на независните кандидати на претстојните локални избори. Наместо еден отсто, со измените се превидува – кога подносител на листа на кандидати за пратеници е група избирачи, потребно е да се соберат најмалку 0,95 проценти потписи од запишаните избирачи во изводот на Избирачкиот список на изборната единица (ИЕ).
Со измените се предвидува и кога подносител на листа на кандидати за пратеници е група избирачи од изборните единици за гласање во странство, да се соберат најмалку 1 000 потписи од запишаните избирачи во изводот од Избирачкиот список за тие изборни единици пред службените лица на ДКП, односно конзуларните канцеларии на образец пропишан од Државната изборна комисија.
Откако го утврдија дневниот ред на собраниската сеница, на кој единствена точка е ова законско решение, претседателот на Собранието Африм Гаши ги задолжи матичната Комисија за политички систем и односи меѓу заедниците и Законодавно-правната комисија да одржат седници на кои ќе ги разгледаат измените и дополнувањата, а потоа за нив ќе се гласа на пленарната седница чие продолжение ќе биде дополнително закажано во текот на денот.
Предлагачи на измените и дополнувањата се пратениците Никола Мицевски од ВМРО-ДПМНЕ, Бобан Карапејовски од ЗНАМ и Саранда Имери Сафаи од коалицијата ВЛЕН. За да се донесе законот по скратена постапка гласаа 65 пратеници, а 17 беа против, воздржани пратеници немаше. Пратениците од СДСМ присутни во салата дадоа поддршка законските измени да се донесат во скратена постапка, додека пратениците од Европскиот фронт и другите опозициски партии од албанскиот блок беа против.
-Со ова решение се обидуваме да ја пополниме оваа правна празнина по одлуката на Уставниот суд за укинување на членови од Изборниот законик каде што е предвиден број/процент на потписи за предлагање листи на група избирачи, за да се воведат одредени јасни правила за собирање потписи за кандидатури за градоначлници и советици од страна група избирачи за да бидат фер и еднакви условите во секоја општина поддеднакво. Ова е обид за појасни фер и трансарентни изборни равила за овие избори. Нагласувам и најавувам дека ова е времено решение за овие избори и оти работата на конечниот Изборен законик ќе биде со вклучување на Министерството за правда, сите релевантни политички структури, политички партии, невладини организации и експерти за носење на долгорочно и одржливо речение, рече Мицевски образложувајќи го предложеното законско решение.
Со предложеното законско решение, се дефинираат и интернет порталите согласно Законот за медиуми, со што, според него, би се регулирала и регистрацијата на електронските медиуми во платено и политичко рекламирање.
-Бидејќи процесот за донесување апликации до ДИК е почнат, а има одредени реакции од ваквиот вид медиуми, ќе интервенираме и со амандман за истата одредба да важи од 11-ти 2026 година. Со ова може да дозволиме на сите електронски медиуми кои учествуваат во платеното политичко рекламирање на овие избори да имаат еднакви права и услови а подоцна да бидат регулирани, рече координаторот на пратеничката група на ВМРО-ДПМНЕ.
Со овој закон се врши и усогласување со Законот за организација и работа на органите на државната управа.
Претходно ДИК на седница минатата сабота усвои заклучок вон сила да се стави Упатството на ДИК од 2024 за регулирање на постапката за собирање потписи и начинот на определување на нотарите согласно Изборниот законик. Како што рече претседателот на ДИК Борис Кондарко, тоа Упатство за регулирање на постапката за собирање потписи се става вон сила поради одлуката на Уставниот суд со која се укинати членови 61 и 62 од Изборниот законик каде што е предвиден број/процент на потписи за предлагање листи на група избирачи.