Македонија
(Видео) Чулев: Додека Спасовски на товар на граѓаните прави екскурзии во САД, народот на минусни температури чека за лични документи
Додека Оливер Спасовски, на неколку дена пред заминувањето од Министерството за внатрешни работи, со цела делегација, на товар и на сметка на граѓаните, прави прошетки и екскурзии во Соединетите Американски Држави, Македонија е на прагот на најголемата криза поврзана со личните документи, со акцент на пасошите. Имено, во крајно нехумани услови граѓаните со часови чекаат во редица и на студ, а во холовите на Министерството за внатрешни работи стојат илјадници лични документи што чекаат да бидат поделени, а уште илјадници чекаат да бидат изработени, вели Наќе Чулев од ВМРО-ДПМНЕ.
Потполно идентично, како и минатиот, така и овој пат, во пресрет на техничката влада и парламентарните изборите, кога министерот доаѓа од редовите на опозициската партија, граѓаните, вели Чулев, се соочени со застој во издавањето лични документи, што е директна последица од неодговорното работење и лошата организација од страна на Оливер Спасовски.
„Станува збор за сериозно прекршување на законот и несовесно работење за кое Јавното обвинителство мора веднаш да реагира.
Позади километарските редици, каде што граѓаните чекаат со часови да се фотографираат или си подигнат лична карта, возачка дозвола или пасош, стои само еден виновник, а тоа е министерот за внатрешни работи од редовите на Социјалдемократскиот сојуз – Оливер Спасовски. Оливер Спасовски е единствениот виновник за мачењето и нервозите на граѓаните, кои стравуваат дека нема да бидат во можност да подигнат плата и пензија или да заминат на медицинска интервенција во странство, студии, конференции, обуки, да си ја вршат професијата професионален возач, да го обноват престојот во странство итн“, вели Чулев.
Според него, наместо навремено да направи соодветна внатрешна организација и соодветно да ги алоцира ресурсите за изработка на личните документи, Оливер Спасовски прави привидно решение со отворање нов пункт – оставајќи ги граѓаните во состојба на студ и на минусни температури со часови да чекаат во редица.
„Но, парцијалното решение на Спасовски, наместо да го реши проблемот, создаде хаос со цели купови лични документи, кои чекаат изработка во депоата на Министерството за внатрешни работи, а за подигнување во нехумани услови се чека со денови. Паралелно со ова, според информациите со кои во моментот располагаме, во Министерството за внатрешни работи веќе се трошат и последните резерви на обрасци за пасоши неопходни за изработка на документите“, потенцира Чулев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.
Македонија
Остануваат уште 9 дена изборна кампања: партиските агенди и денеска набиени
Уште 9 дена изборна кампања. И денеска лидерите на партиите, заедно со носителите на листи, како и кандидатите за претседател, ќе ги презентираат своите изборни програми.
Кандидатот за претседател поддржан од СДСМ, Стево Пендаровски, денеска ќе оствари средба со жителите на село Велебрдо и со жителите на општина Маврово.
Гордана Силјановска Давкова, исто така, ќе има средби со граѓани, додека коалицијата што ја поддржува предводена од ВМРО-ДПМНЕ ќе ја презентира програмата за парламентарните избори пред граѓаните во Могила, Ресен, Демир Хисар и Битола.
Претседателот на Движењето ЗНАМ – За наша Македонија, Максим Димитриевски, ќе оствари средби со граѓаните на Крушево, Кичево, Струга и Охрид.
Во Штип на народен собир ќе се обрати претседателот на Левица, Димитар Апасиев.
Првиот човек на ДУИ, Али Ахмети, ќе се сретне со граѓаните на Струга и Дебар, а претседателот на Демократското движење, Изет Меџити, дел од Коалицијата „Вреди“ во рамките на изборните активности ќе даде изјава за медиумите во 12 часот во близина на „Веро“ во Чаир.