Македонија
(Видео) Шилегов го отцепи Бутел од Скопје, затворени две улици
Нема возач ниту, пак, патник во ЈСП што не го пцуе скопскиот градоначалник Петре Шилегов додека минува низ Бутел последнава недела. Километарски колони возила се создаваат околу кружниот тек во близина на Општината оти од минатата недела тој е единствениот начин од Центар да се стигне до Бутел, Радишани и околните населени места. По налог на градоначалникот Шилегов, затворен за сообраќај е дел од улицата Цетињска кој претставува продолжение на булеварот Христијан Тодоровски Карпош и единствена алтернатива за да не се минува низ кружниот тек. Третиот пристап, пак, до Бутел 1, улицата Александар Урдаревски, е затворена за сообраќај уште од лани летото, поради реконструкција што се одолговлекува со месеци.
Бутелчани велат дека Шилегов насила го отцепил Бутел од останатиот дел од градот бидејќи ја затворил и Цетињска, а не ја довршил реконструкцијата на Александар Урдаревски па сега сиот сообраќај е насочен кон кружниот тек кој не може да ги прими сите возила.
„Колоните се подолги од оние на грчка граница и само нашиот кружен тек го регулираат двајца полицајци. Наутро и попладне е толку заглавено што нема каде да помине ни Брза помош ни пожарна, не дај боже да има потреба од нив, ќе умираме и ќе гориме“, велат бутелчани.
Од Град Скопје велат дека нема решение за метежот уште најмалку еден месец.
„Во согласност со изведбениот проект во оваа фаза на реализација на булеварот Христијан Тодоровски Карпош, треба да се изведе спојување на атмосферската и фекалната канализација со постојната подземна инфраструктура на улицата Цетинска. Изведбените решенија се затекнати и врз основа на нив претходно се изработени времени сообраќајни решенија кои треба да ги спроведе сообраќајната полиција за регулација на сообраќајот и непречено движење на возилата и јавниот превоз. Работите на оваа фаза треба да завршат надоцна до 15 април, оваа година“, велат од Град Скопје.
Затворена за сообраќај останува и улицата Александар Урдаревски. Рокот за нејзино завршување, според последната најава на градските власти, е првата седмица на мај. Работите се одолговлекле поради зимските и влажни денови. На улицата веќе биле завршени инфраструктурата и тротоарите, а останал за уредување само коловозот.
Метежот од Бутел се пренесува и на сите околни крстосници, а автобусите на Јавното сообраќајно претпријатие (ЈСП) кои минуваат низ оваа неселба доцнат и во другите делови на градот. Скопјани од Нерези и Козле се жалат дека веќе една недела на автобуските постојки се собираат луѓе како на митинзи.
„Четириесет минути чекав 57 во Козле. Кога сериозно задоцнив на работа морав да барам такси. Шилегов треба да најде начин да нè обесштети за доцнењето на работа. Не можеме да сметаме на јавниот превоз кој ние го плаќаме“, вели скопјанка револтирана од доцнењето на автобусите на ЈСП.
Град Скопје не одговори на прашањата на „Макфакс“ дали ќе најдат начин да им надоместат на скопјани за изгубените дневници и доцнењето на работа, а не одговорија ниту на прашањето зошто ја затвориле Цетињска без да ја довршат улицата Александар Урдаревски. Од ЈСП тврдат дека сите поаѓања на линиите кои минуваат низ Бутел се навремени, а доцнење се јавува во текот на движењето поради градежните активности. Не можат да најдат ниту времено решение за автобусите да не доцнат оти не можеле да влијаат на градежните активности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Православните верници го слават Богојавление – Водици, над 220 граѓани ќе се обидат да го фатат крстот во Вардар
Православните верници денеска го слават празникот Богојавление, а централните манифестации, традиоционално ќе се одржат во Скопје и Охрид со осветување на водите на реката Вардар и Охридското езеро со положување на крстот во нив.
Празникот се одбележува од вториот век, а уште се нарекува и Водици поради големиот водосвет што го врши црквата на овој ден.
Според христијанското предание, на овој ден се одбележува крштевањето на Исус Христос од страна на Свети Јован Кристител во реката Јордан.
Скопската православна епархија при МПЦ-ОА ќе го организира традиционалното осветување на водите на реката Вардар и чинот на положување на Чесниот крст. Над 220 граѓани денес ќе се обидат да го фатат крстот што ќе биде положен во реката Вардар во Скопје. Според верувањата, оној кој ќе го фати крстот, ќе го следи среќа и благослов цела година. Фаќањето на крстот значи соединување на човекот со Христа, а се верува дека со положувањето на крстот, водите стануваат лековити.
Посебен режим на сообраќај
Одделението за безбедност на патниот сообраќај при СВР Скопје денеска по повод празникот Водици ќе воведе посебен режим на сообраќај за одредени сообраќајници во централното градско подрачје на Скопје, како и во општините Ѓорче Петров, Кисела Вода и Аеродром.
Така, во центарот на град Скопје за сообраќај ќе биде затворена улицата „Филип Втори Македонски“ на потег од крстосница со булеварот „Гоце Делчев“ до крстосница со улицата „11-ти Октомври“ во двете насоки.
Во општина Кисела Вода за сообраќај ќе бидат затворени улиците „14-ти Декември“ и дел од улицата „Христо Татарчев“ до салата „Расадник“.
Во општина Ѓорче Петров за сообраќај ќе бидат затворени сообраќајницата од црквата „Свети Петар и Павле“, булеварот „Партизански Одреди“ до улицата „Ѓорче Петров“, потоа улицата „Ѓорче Петров“ до улицата „Васил Чакаларов“, како и од црквата „Свети Пантелејмон“, улицата „Козле“, дел од улицата „Васил Чакаларов“ до Железничкиот мост на реката Вардар.
Македонија
Сончево време со температура до 12 степени
Времето утрово е студено, насекаде со негативни утрински температури. По одделни котлини ќе има појава на магла. Преку денот времето ќе биде сончево и претежно тивко со мала до умерена локална облачност. Минималната температура ќе биде во интервал од -10 до -1, а максималната ќе достигне од 2 до 12 степени.
Во Скопје претпладне студено со појава на магла, преку денот сончево и тивко со мала до умерена облачност. Минималната температура ќе се спушти до -6, а максималната ќе достигне до 3 степени, јавува УХМР.
Во следните денови ќе преовладува променливо облачно време. Во понеделник по одделни котлини ќе има појава на магла, а локални врнежи од дожд, на планините од снег се очекуваат во вторник.
Македонија
Пивтијада по 15. пат на плоштадот во Автокоманда
Утре 19.01.2025 година (недела) со почеток во 13:00 часот на плоштадот во Автокоманда ќе се оддржи традиционалната манифестација Пивтијада која општина Гази Баба ја организира 15та година по повод христијанскиот празник Богојавление – Водици.
Оваа манифестација во себе соддржи музички, хуманитарен и натпреварувачки карактер. Преку купување на пивтии граѓаните ќе донираат за Клиниката за детски болести, а преку декоративно украсени пивтии ќе имаат можност да се натпреваруваат за награда.
Истовремено ќе уживаат во македонската песна со настапот на Јордан Митев, Ефто Пупиноски и Даниела Темелковска.
Православните верници го слават Богојавление – Водици, над 220 граѓани ќе се обидат да го фатат крстот во Вардар
Православните верници денеска го слават празникот Богојавление, а централните манифестации, традиоционално ќе се одржат во Скопје и Охрид со осветување...
Израел го задржува правото да ја продолжи војната против Хамас во секое време, рече Нетанјаху
Израел го задржува правото да ја продолжи војната против Хамас во секое време, со поддршка од САД, според условите на...
Поради трговија со дрога уапсен е Раде Трајковски – Штекли кој трипати се обидоа да го ликвидирааат
Полицијата го уапси Раде Трајковски-Штекли по Наредба на Основно јавно обвинителство за гонење на организиран криминал и корупција. Тој се...
Полицаец зел 50 евра поткуп за побрзо вадење на пасош: „Знаете дека ние не се трудиме џабе” – и’ рекол на оштетената
Eдиниците на МВР во текот на вчерашниот ден приведоа полициски службеник осомничен дека примил поткуп од 50 евра. Според информаците...
Муртезани во Киев потпиша Меморандум за соработка со Украина
Министерот за европски прашања, Орхан Муртезани, денеска во Киев оствари средба со заменик претседателката на Владата на Украина, задолжена за...
Седумдесетгодишник со маска и пиштол се обидел да ограби канцеларија за кредити во Битола
Основното јавно обвинителство Битола донесе Наредба за спроведување истражна постапка против едно лице за кое постои основано сомнение дека сторило...
Во животно загрозувачка состојба е пешакот кој беше удрен од автобус на ЈСП
Во животно загрозувачка состојба е пешакот кој вчера беше удрен од автобус на ЈСП во Скопје кај Транспортниот центар. Од...
Мицкоски патува на инаугурацијата на Трамп, Владата објави кој ќе го придружува
Претседателот на Владата Христијан Мицкоски од утре па во наредните неколку дена ќе присуствува во САД. Премиерот коj ќе биде...
Америка подигa бодликава жица на границата со Мексико пред инаугурацијата на Трамп
Агентите на американската гранична патрола вчера подигнаа бодликава жица меѓу градот Ел Пасо во Тексас и неговиот мексикански сосед Сиудад...
„Тик-ток“: Утре се гаснеме во Америка
„Тик-ток“ синоќа предупреди дека ќе биде принуден да престане со работа во САД утре, освен ако не добие јасна изјава...
Израел ќе ослободи 737 палестинци во замена за заложниците
Израел ќе ослободи 737 палестински затвореници во замена за првите израелски заложници, што е првата фаза од договорот за прекин...
Мелони ќе присуствува на инаугурацијата на Трамп, Орбан не доаѓа
Италијанската премиерка Џорџа Мелони во понеделник ќе присуствува на инаугурацијата на новоизбраниот американски претседател Доналд Трамп, соопштија синоќа претставници од...
Ракометарите загубија од Холандија – Холанѓаните се пласираа во втората фаза
Фото/ facebook.com/rfmofficial Македонските ракометари загубија од Холандија 32:37 (15:18), во второто коло на 29.Светско првенство во ракомет. Избраниците на Кирил...
Големи гужви попладнево на повеќе скопски улици – сообраќајот закочен
Огромни гужви има попладнево во повеќе делови од главниот град, а граѓаните се жалат дека се заглавени во своите автомобили...
Николоски: Ја пуштаме за сообраќај новата пруга Куманово-Бељаковце, за две-три недели ќе имаме и нова железничка линија
Само со посветенот и одговорност, за две недели можат да се пуштат во употреба три крупни капитални проекти. Денеска ја ...
Штрајк и тужби за државата се можни доколку Владата не го продолжи дијалогот со административците, кои бараат 30 отсто поголема плата
Вработените во неколку министерства и државни институции, кои и денес, четврти ден по ред, излегоа на протест за 30 отсто...
Починаа две новороденчиња близначиња: трагедија во Прилепско
Две новороденчиња, близначиња, на околу 20 дена старост починале вчера околу пладне, а јавен обвинител од основното јавно обвинителство од...
Обвинение против 10 лица, членови на организираната криминална група, за посредување при проституција, перење пари и трговија со дрога
По завршувањето на истражната постапка која ја водеше Основното јавно обвинителство за гонење на организиран криминал и корупција, а во...
(Видео) Институтот за проучување на војната: Борбите се брутални, сите Севернокорејци во Курск би можеле да бидат уништени за 3 месеци
Целиот севернокорејски контингент од околу 12.000 војници во моментов во рускиот регион Курск би можел да биде убиен или ранет...
Груби крадеше додека на чело на МВР беше Оливер Спасовски, а обвинители и судии се избираа во Зајас и Струмица, вели ВМРО-ДПМНЕ
„СДС и Филипче месец дена се препелкаат во лавиринтот на сопствените лаги за криминалот на Груби. Артан Груби направи милионски...
