Македонија
(Видео) Шутаров: Состојбата со сметот во Скопје е крајно сериозна, предлагаме повеќе мерки
Состојбата во градот е крајно сериозна, или крајно сериозно ќе ѝ пристапиме или на крајот на мандатот ќе немаме ниту град, ниту институции, ниту јавни претпријатија, порача советникот од СДСМ во Советот на Град Скопје, Гордан Шутаров.
„Скопје ова не го заслужува, а најмалку од сè што може да направи и градоначалникот на град Скопје, но и мнозинството во Светот на Градот, предводено од ВМРО-ДПМНЕ, е да излезат јавно и да им се извинат на граѓаните бидејќи дозволија да се случат вакви ситуации“, истакна советникот од СДСМ, Гордан Шутаров, на денешната вонредна седница на Советот иницирана по барање на советниците од СДСМ.
Шутаров нагласи дека однесувањето на надлежните во ЈП „Дрисла“, кои не дозволија да се истовари веќе собраниот смет, е недозволиво исто како што е недозволиво истурањето смет на јавна површина од страна на градоначалниците на ДПМНЕ.
Шутаров предложи повеќе краткорочни и долгорочни мерки за справување со состојбата предизвикана од хаосот со сметот и во ЈП „Комунална и хигиена“, меѓу кои за вклучување на сите претпријатија во чистењето за редовно миење и чистење на сите улици и сообраќајници во град Скопје, дезинфекција и дезинсекција на контејнерите и на сите места каде што се наоѓаат контејнерите и нивната околина, како и итна набавка на 5 нови камиони и механизација за собирање смет и отпад и на 5 нови модерни еколошки чистачи на улици и сообраќајници.
Шутаров упати повик до сите државни и надлежни институции детаљно и до крај да ги испитаат сите наводи, кои се наведени во поднесените кривични пријави и во кривичните пријави што допрва ќе се поднесуваат, детаљна проверка на договорите за вработување за лицата за кои има сомнеж дека не се појавуваат на работа и остваруваат право на плата, одговорност за сите кои директно и индиректно учествувале во креирањето на ваквите состојби во ЈП „Комунална хигиена“, проверка на состојбите со договорите за вработување и во другите ЈП во соработка со надлежните државни институции, ревизија на работата членовите на УО и НО на ЈП „Комунална хигиена“, ревизија и формирање работно тело за надзор на работата на ЈП, редовни и чести координации меѓу градоначалникот на град Скопје, претседателот на Советот и координаторите на советничките групи, како и соработка на ЈП за надминување на состојбите во градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: ВМРО-ДПМНЕ сака да ја врати Македонија во времето на страв и уцени
ВМРО-ДПМНЕ сака повторно да ја врати Македонија во времето на страв, на уцени и притисоци, но граѓаните нема да потклекнат, рече претседателот на СДСМ, Венко Филипче, на вечерашниот собир во Конче во поддршка на кандидатот за градоначалник од СДСМ, Благој Илиев.
Тој остро ги осуди притисоците врз граѓаните во текот на кампањата, потенцирајќи дека власта на ВМРО-ДПМНЕ се обидува да ги заплаши луѓето преку институциите.
„Со полиција, финансиска полиција, шумска полиција, преку социјалните служби, прават притисок врз граѓаните. Сакаат да потсетат на времето кога сите живеевме во страв и уцени. Но тоа време заврши. Луѓето сакаат нормален живот, без притисоци, без закани, без поткуп,“ рече тој.
Филипче повика на масовна излезност во недела и поддршка за кандидатот на СДСМ, Благој Илиев.
„Да излеземе во огромен број во недела и да го заокружиме бројот 5 за Благој Илиев, човекот кој работи за вас, не за себе. За Конче да продолжи да се развива“, рече Филипче.
Тој кажа дека градоначалниците од СДСМ реализирале 90 до 100 проценти од ветеното.
„Нема општина во која СДСМ има градоначалник, а да ветената програма не е завршена 90 или 100 проценти“, рече Филипче.
Тој истакна дека граѓаните најдобро ја чувствуваат разликата кога општините ги водат луѓе кои работат чесно и посветено во интерес на сите.
„Многу добро знаете како Благојче работеше во минатиот мандат, како се однесуваше додека беше градоначалник, дека вратата му беше секогаш отворена и дека работеше за доброто на општината и на вас, граѓаните“, порача Филипче.
Претседателот на СДСМ во своето обраќање нагласи дека токму оваа разлика меѓу одговорно и неодговорно владеење се гледа насекаде низ државата.
„Нема општина во држава во која што има градоначалник од ВМРО-ДПМНЕ, а да програмата е завршена повеќе од 20 проценти. Како да се натпреваруваат кој помалку ќе работи за граѓаните“, рече Филипче.
Македонија
Претседателката на ЛДП, Моника Зајкова, со поддршка на Горан Герасимовски за втор градоначалнички мандат
Претседателката на ЛДП Моника Зајкова, денеска даде поддршка за втор градоначалнички мандат на Горан Герасимовски, којшто воедно е и актуелен градоначалник на Општина Центар.
Таа, потенцира дека сега е моментот да се изберат резултати, одговорност и отчетност, а не празни ветувања, токму затоа ја дава поддршката на Горан Герасимовски, кој, според Зајкова, ја препознава граѓанската визија, има искуство и е подготвен да работи посветено за доброто на заедницата.
„Одејќи накај Собрание (бидејќи работиме на новиот Предлог- закон за комунална полиција), наидов на предизборните активности на кандидатот за градоначалник на општината во која живеам. Водејќи се од визијата дека на граѓаните им се потребни искусни луѓе кои испорачуваат резултати, а не изговори, упатувам особен повик до сите граѓани кои во првиот круг гласаа за кандидати кои не влегоа во вториот круг: Поддржете кандидат кој ги разбира вашите потреби, кој со своето искуство и посветеност ќе испорача повеќе резултати и веднаш ќе започне со работа – со завршување на започнатите проекти и реализација на нови решенија во интерес на сите нас. Затоа давам поддршка за луѓе како Горан – кои ја препознаваат граѓанската визија, имаат искуство и се подготвени да работат посветено за доброто на заедницата. Сега е моментот да избереме резултати, одговорност и отчетност, а не празни ветувања“, напиша Зајкова, на својата објава на Фејсбук.
Македонија
Утре сончево време со температура до 21 степен
Времето утре наутро ќе биде постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец, информира УХМР.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла

