Македонија
(Видео) Ѓорчев: Во Македонија во моментот се случува демографска катаклизма

Во Македонија во моментот сега се случува буквално демографска катаклизма, никогаш помалку родени бебиња и страшни, ужасни демографски падови, истакна Влатко Ѓорчев, член на ИК на ВМРО-ДПМНЕ.
„Само во март оваа година во Македонија има 18 % помалку родени бебиња одошто минатата 2022 година. 2022 година беше најлошата, убедливо најлошата демографска година во историјата на Македонија со најмалку родени бебиња, на таа најлоша година сега во март имаме 18 % дополнителни родени бебиња помалку. Тоа значи празни училишта, празни градинки, празни градови и села, тоа значи пуста, пуста земја. Овие бројки се ужасни. Ова се политиките на Таче Ковачевски и Стево Пендаровски. Тие политики буквално ја уништуваат Македонија. За Македонија да живее и преживее, мора овие нивни политики да бидат што побргу поразени“, истакна Ѓорчев.
Во март 2022 година, како што посочи Ѓорчев, родени се 1.557 бебиња, во март 2023 година родени се 1.279 бебиња во Македонија, тоа, како што оцени, се 278 бебиња помалку само во еден месец. За Ѓорчев, тоа е фрапантен ужасен пад од 18 %, 14 паралелки помалку со деца, 14 паралелки со 20 деца.
„Имаме куп места и куп училишта во кои имаме паралелки со три деца, пет деца, седум деца или девет деца. Во првиот квартал во 2023, во однос на, уште еднаш ќе повторам, најслабата во историјата со најмалку родени бебиња – 17.700 бебиња се родени во Македонија во 2022 година, сите негативни рекорди се пробиени. Значи, во првиот квартал минатата најлоша демографска година родени се 4.009 бебиња. Во овој квартал од 2023 година родени се 3.656 бебиња, тоа е 353 помалку бебиња за еден квартал, односно намалување на квартално ниво во однос на најлошата година од 9 проценти“, додаде тој.
Тоа, според него, значи дека Македонија исчезнува, „тоа значи дека Македонија ја нема“.
„Тоа значи дека со овие политики на Таче Ковачевски и Стево Пендаровски ќе имаме празни училишта, празни градинки, празни полиња, празни села, празни градови, испразнети маала, без детски џагор. Тоа значи дека буквално стануваме пуста земја. Нема ниту една земја, ниту една земја во светот, која во март има ваков пад од 18 проценти. Најлоши во светот, уште еднаш на Македонија, за жал, со Стево Пендаровски и Таче Ковачевски и се случува демографска катаклизма, колапс и буквално катастрофа“, дополни Ѓорчев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„И брат на пратеник на СДС се офајдил со над 200 илјади евра од Еразмус+“, вели ВМРО-ДПМНЕ

„Сумите од по 200 илјади евра од Еразмус +, како од шала, се делеле на лица блиски од СДС. Покрај Фрчкоски, судијата Лазар Нанев, во времето на Лидија Димова и Зоран Заев, со 205 илјади евра, пари од агенцијата, се офајдил и брат на пратеник од редовите на СДС“, велат од ВМРО-ДПМНЕ.
„Станува збор за братот на тогашниот пратеник од СДС, Диме Велковски. На него, Заев и Димова преку Еразмус+ му доделиле грантови финансиски средства за два проекти и тоа, за дресирање магариња и правење сирење.
Едниот бил во висина од 83 илјади евра, и тоа, верувале или не, за дресура на магариња. Нешто до тогаш, но и до сега, невидено и невообичаено. Наместо средствата да завршат за образовни проекти за младите, тие завршиле кај брат на пратеник од СДС, за дресирање магариња.
Но, СДС не застанаа тука, на братот на пратеникот Велковски од Агенцијата му доделиле дополнителни 125 илјади евра, и повторно не за образовен проект, туку за проект „Избери сирење“, кој нема никаква врска со образовни програми.
Преку Димова, СДС и Зоран Заев ги цедеа финансиските средства од Еразмус+, за парите да ги делат на нив блиски луѓе. За да ги задоволат партиските потреби, делеа пари на судии, професори, на браќа на пратеници.
Ваквата злоупотреба и проневера на финансиски средства наменети за образовни програми за младите, не помина незабележана ниту од јавноста, ниту од Европската заедница која бара да и се вратат дел од проневерените пари.
Ова е потврда и доказ дека СДС, Заев и Димова не си ја вршеле чесно својата работа, туку дека финансиските средства ги користеле за задоволување на партиските интереси, со што го уривале и угледот на државата.
Затоа го повикуваме обвинителството, да не молчи и да ги штити како до сега, туку да се стави во служба интересите на државата и конечно да донесе правда и секој кој се огрешил или проневерил финансиски средства, да одговара“, соопшти ВМРО-ДПМНЕ.
Македонија
(Видео) Ангелов: Пожарот кај Јасен е ставен под контрола

Дождот којшто вчера попладне заврна во делови од државата, меѓу другото ни помогна во гаснењето на пожарот во ловиштето Јасен, извести директорот на ДЗС, Стојанче Ангелов.
„Иако за жал во текот на ноќта детектиравме пламени јазици на еден крај од ловиштето и не можам да кажам дека овој пожар е изгаснат, туку дека е ставен под целосна контрола. Рано утрово 30-тина припадници на армиските специјалци волци и ренџери се упатија кон местото кадешто има активно горење, притоа се спуштаат по исклучително стрмен и непристапен терен за да го зададат завршниот удар на овој исклучително тежок за гаснење пожар“, изјави Ангелов.
Сезоната на пожари не е завршена, а тој апелираше до сите граѓани да бидат исклучително внимателни и да го пријавуваат секое сомнително поведение на граѓани за кои се сомневаат дека можеби подметнуваат или несакајќи ќе предизвикаат пожар.
Македонија
„Влен“: 23 години лаги, доста е!

„ДУИ и нејзините сојузници ја претворија политиката во игра на логоа и бои. Понекогаш се прогласуваат за Европски фронт, понекогаш за Национален фронт, денес под името НАИ, секој ден нов идентитет, само за да ја сокријат внатрешната криза и 22-годишните неуспеси“, велат од „Влен“.
„Ова е јасен показател за партија која не знае која е и каде оди. Еден ден зелена боја, следниот ден сина, но во секој случај, граѓаните ги гледаат истите луѓе, со истите неуспеси и истата корупција.
Во меѓувреме, “Фронтот“ еден по еден, го напуштаат, турската партија, која беше сериозна сила со околу 20 илјади поддржувачи, си замина; Мендух Тачи си замина, и ова е само почеток. Силите што во минатото жестоко се судрија едни со други, денес се обидуваат да се сокријат под заедничко лого, но граѓаните добро знаат дека ова е само фасада. Од друга страна, ВЛЕН никогаш не била поуникатна, никогаш пообединета. Го докажуваме ова секој ден, во секоја одлука и пред сè со нашите заеднички кандидатури, кои се надежта на граѓаните за промена.
Вредноста не се мери со променети логоа и бои, туку со конкретни дела за граѓаните. Во овој поглед, ВЛЕН е единствената вистинска алтернатива за промени и развој. 22 години на власт, а сега мислат дека со промена на боите и името можат да ја избришат историјата на измами. Но, Албанците не забораваат: корупцијата, пазарењето и разочарувањата не се покриени со никакво ново лого. Октомври ќе има само еден победник, а тоа е ВЛЕН!“, се додава во соопштението на „Влен“.