Македонија
(Видео) Ѓорѓиевски: Спасовски и МВР цела недела не излегоа со јасни податоци кој е виновен за автобуската несреќа

Оливер Спасовски и МВР вчера признаа дека компанијата „Дурмо турс“, која е и сопственик на станицата за технички преглед „Авто-мото здружение“- Гостивар, работела непрописно и со недостатоци во работењето, рече Орце Ѓорѓиевски од ВМРО-ДПМНЕ.
„Оливер Спасовски и МВР фатени живи се обидоа да ги излажат граѓаните дека извршиле увид на 4 април 2018 година и издале забрана за работење од 30 дена поради неисполнување на условите и чл. 8 од правилникот за технички преглед на возила. Според документот што стигна до нас, јасно покажува дека решението од МВР за забрана на работа е издадено на 16 јули, односно три и пол месеци подоцна.
Тука се поставува прашањето: Кога е извршен надзорот и увидот и дали можеби ако навистина МВР во април го извршиле увидот во станицата, чекале 3 и пол месеци за да издадат забрана за работа? Дали можеби и тие 3 и пол месеци се работело незаконски?
Самиот овој податок покажува дека МВР нешто крие. До кога ќе кријат и ќе лажат од МВР, додека ни гинат луѓе по автопатиштата?. Спасовски за ова мора да поднесе оставка уште веднаш!
Седум дена молк од страна на власта и надлежните органи за причините за катастрофалната несреќа во која животот го загубија 15 наши сограѓани. Спасовски и МВР цела недела не излегоа со јасни податоци кој е виновен за несреќата што ја зави државата и нас граѓаните во црно.
Граѓаните бараат одговори дали и зошто станицата за технички прегледи „Авто-мото здружение“- Гостивар, чиј сопственик е сопственикот на „Дурмо турс “, откако ѝ била одземена дозволата за работа од страна на МВР и била вратена за неполна недела, иако според закон тоа не можело да се случи за период пократок од 30 дена.
Спасовски и другите одговорни мора да сносат одговорност. Кој го потпишал решението за враќање на дозволата за работа, иако постоела сериозна законска пречка, но и дали се вршени регистрации во рокот кога техничкиот преглед немал лиценца?
Граѓаните очекуваат одговори наместо лаги. Спасовски и надлежните мора во најкус можен рок да излезат со комплетни детали за несреќата. Власта не смее да бега од одговори и одговорност“, порача Ѓорѓиевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„ЈО не смее да затвора очи при очигледните сомнежи за криминал и милионските суми кои завршиле во бугарските фирми на Заев и Филипче“, вели ВМРО-ДПМНЕ

„Помина веќе една недела како ги покренавме прашањата за бугарската фирма Пауер Ај 8, која е 100% сопственост на Венко Филипче, и е на иста адреса со фирмите на Заеви, за три пати поскапата препродажба на јаглен од Грција на ЕСМ од 2022 до 2024 година, за најскапиот договор за јаглен, кој го склучила ЕСМ, а е по цена од 82.5 евра за еден тон со вкалкулиран ДДВ, со компанијата Зобек мининг груп“, велат од ВМРО-ДПМНЕ.
„Филипче не дава одговор ниту за Аудито Q8 кое е поклон, а го возеше и во предизборната кампања и е од фирмата која продавала 3 пати поскап јаглен на ЕСМ.
Од Венко Филипче и СДС и понатаму молк. Дали Филипче и СДС немаат став или молкот е нивна стратегија со цел да се заборават скандалите тоа е нивна одлука.
Но молкот на Филипче и СДС е потврда на сите поставени прашања. Колку и тие да молчат силно одекнаа скандалите на фирмите и шемите кои ги креирале со кланот Заеви и испумпале милионски суми врз грбот на народот кој плаќал повисоки сметки за струја.
Венко Филипче и СДС со години ја експлоатира државата и јавните интереси на граѓаните за свои лични цели и тесно партиски интереси.
Додека Филипче се обидува да ги прокламира социјалдемократските вредности кај членството на СДС, граѓаните имаа можност да ги видат шемите за милионски профити на бугарски фирми и адреси кои ги креирале заедно со кланот Заеви. За бизнисите во Македонија, Бугарија, соседството, Персискиот залив и Дубаи.
Филипче и СДС може да молчат и да го потценуваат народот, но ЈО не смее да молчи и да затвора очи при очигледните сомнежи за милионски криминал, граѓаните ја знаат вистината.
ЈО да не молчи и да покрене постапка за сите изнесени сомнежи во јавноста“, се наведува во соопштението на ВМРО-ДПМНЕ.
Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.