Македонија
(Видео) Јанушев: Очекуваме победа и ќе коалицираме со оние што ќе ја прифатат нашата програма

Опозициската ВМРО-ДПМНЕ очекува победнички изборен резултат и мандат за формирање влада, изјави генералниот секретар на партијата, Игор Јанушев, во интервју за „Макфакс“, но не одговори дали нивниот партнер во власта повторно би бил ДУИ.
Јанушев вели дека изборот на партнер од албанскиот блок ќе зависи од изборниот резултат.
„Оној што ќе биде партнер во власта со нас, ќе треба да ја прифати нашата програма, тоа е првото што ќе го побараме од сите партии. Изборот на коалициониот партнер сепак ќе зависи од изборниот резултат. Кој ќе биде и со кого, ќе видиме за неполна една недела кога ќе почнат и разговорите со партиите“, изјави Јанушев во интервјуто за „Макфакс“.
Во однос на аудиоматеријалите што се појавија во кампањата, каде што се слуша неговиот глас, Јанушев вели дека не сака да се занимава со нивната автентичност затоа што, како што рече, нив требало да ги истражи пропаднатото СЈО.
Запрашан дали е дел од груевистичката ВМРО-ДПМНЕ бидејќи во снимките се слуша како разговара со Миле Јанакиески, Јанушев на оваа гледа како на провокација затоа што тој бил во ВМРО-ДПМНЕ уште од времето на Љубчо Георгиевски.
„Секако дека сум дел уште од стариот систем на Љубчо Георгиевски. Бидејќи кога сум се зачленил во партијата во 1998 година, претседател бил Георгиевски. Ако сакате да алудирате на какви било инсинуирани обиди дека некој е дел од нешто, во најмала рака тоа ќе го сметам за провокација бидејќи ние овде во ВМРО-ДПМНЕ не сме поради некој човек, тука сме поради државата бидејќи веруваме во оваа идеологија“, додаде тој во интервјуто за „Макфакс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).