Македонија
(Видео) Јанушев: Хаваријата во „Охис“ е најдобар пример за тоа како власта ги третира граѓаните
Вчерашната хаварија и незаинтересираноста на власта во случувањата со „Охис“ е можеби најдобар пример за како криминално рекетарската власт на Заев ги едноставно третира граѓаните на Република Македонија, изјави генералниот секретар на ВМРО-ДПМНЕ, Игор Јанушев, од Свети Николе.
„Денеска сме во Свети Николе разговорите за „Обнова на Македонија“ продолжуваат. Имаме огромна посета од страна на Светиниколчани дојдени овде да поразговараат, да си ги кажат маките и проблемите кои што ги имаат во секојдневниот живот. Она што ни се повторува што е веќе видена глетка во сите градови во Република Македонија, се случува и овде. Нема буквално нити едно реализирано ветување. На лагите и на криминалот буквално им нема крај. Ветената гасификација на Свети Николе онака како што е затекната така е и во овој момент, иако беше ветено дека истата ќе заврши во 2019-та година“, рече тој.
Тој обвини дека не е почната ниту изградбата на спортската сала во училиштето „Кочо Рацин“, градинките и пензионерскиот дом.
„Меѓутоа како што многу пати сме кажале до сега, воопшто и не сме изненадени од таквиот пристап бидејќи станува збор за убедливо најнеспособната власт. Една власт која што владее на исклучиво еден криминално рекетарски начин. Она што го гледаме на државно ниво особено во последниов период во она што го прават со набавката на хеликоптерите, 72 милиони евра кои што се обидуваат да ги испумпаат од државниот буџет на еден криминален начин. Вчерашната хаварија и незаинтересираноста на власта во случувањата со „Охис“ е можеби најдобар пример за како криминално рекетарската власт на Заев ги едноставно третира граѓаните на Република Македонија“, рече Јанушев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерот Тошковски претседаваше со конститутивната седница на Управувачкиот комитет за координација и управување со системот за управување со кризи
Министерот за внатрешни работи Панче Тошковски денес како претседавач на Управувачкиот комитет за координација и управување со системот за управување со кризи, присуствуваше на конститутивната седница на комитетот која се одржа во просториите на Центарот за управување со кризи.
На седницата присуствуваа и министерот за надворешни работи и надворешна трговија Тимчо Муцунски, министерот за одбрана Владо Мисајловски, министерот за здравство Арбен Таравари и министерот за земјоделство, шумарство и водостопанство Цветан Трипуновски.
На средбата, директорот на ЦУК Стојанче Ангелов информираше за мигрантската кризна состојба на јужната и северната граница, кризната состојба во КПУ „Идризово“, како и за бројот на пожари на отворен простор и ресурсите за нивно гаснење.
„Продолжуваме посветено да работиме на надминување на овие предизвици, обезбедување брза и ефикасна реакција во кризните ситуации, се со цел поголема безбедност за нашите граѓани“, потенцираше министерот Тошковски.
Македонија
Средба Муцунски –Лудва: изразен интерес за искористување на потенцијалот за натамошно развивање на економската соработка меѓу двете земји
Министерот за надворешни работи и надворешна трговија Тимчо Муцунски, денес оствари средба со амбасадорот на Чешката Република, Јарослав Лудва.
На средбата беше истакнато взаемно задоволство од одбележувањето на 30-години од воспоставувањето на дипломатските односи меѓу двете земји, кои се карактеризираат со развиена соработка во многу сфери и отворен и продлабочен дијалог по сите клучни прашања за двете земји.
Министерот Муцунски се заблагодари за силната чешка поддршка за процесот за интеграција на нашата земја во ЕУ, особено нагласена и преку Вишеградската и Групата на пријатели на проширувањето, како и преку т.н. Славков формат. Притоа, ја потенцира цврстата определба на новата влада за забрзување на евроинтеграцискиот процес и спроведување на клучните реформи.
Министерот изрази интерес за искористување на потенцијалот за натамошно развивање на економската соработка меѓу двете земји во повеќе области, меѓи кои и во енергетскиот сектор и земјоделството. Притоа, изразувајќи задоволство од порастот на трговската размена во изминатите години, Муцунски ја нагласи важноста од натамошен фокус на унапредувањето на бизнис релациите, што ќе биде меѓу приоритетите на Министерството во следниот период.
Македонија
Зголемена фреквенција на возила на „Табановце“ и „Богородица“, се чека околу 30 минути
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. Нa ГП Табановце и Богородица има зголемена фреквенција на возила за излез од Мaкедонија, време на чекање околу 30 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.