Македонија
(Видео) Јанчев од Левица: Носење на системски закон по скратена постапка е надвор од памет
Законот за организација и работа на органите на државната управа, претставува системски закон и преку овие измени, се менува организацијата и работата на Владата и министерствата, чија работа има директно влијание врз милиони судбини, велат од Левица.
Пратеникот од Левица, Сашко Јанчев, побара тргање од Дневниот ред на точката преку која мнозинството се обидува да прошверцува системски закон.
– Прво, основниот закон кој се планира да се менува има 73 члена. Предлогот на Мицкоски предвидува измена на 26 од тие 73 члена. Измена на една третина од основниот закон не може да се третира како едноставна и мала работа, туку како обемна и сложена, потенцираше народниот пратеник од Левица, Сашко Јанчев, од собраниската говорница на втората седница.
– Второ, со предлогот на Мицкоски се предвидува интервенција во половина од постоечките министерства и тоа бришење на надлежности, одземање на надлежности од еден ресор и додавање во друг, а се предвидуваат и четири нови министерства, истакна Сашко Јанчев.
– Трето, Уставот предвидува различни мнозинства за носење на закони, врз основа на битноста и материјата која ја уредуваат законите. Па така постои најмало мнозинство, тоа е обично мнозинство, средно односно апсолутно мнозинство и најголемото, а тоа е дво-третинско мнозинство, додаде Јанчев од Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Меџити на средба со Агелер: Испораката на правдата мора да биде неселективна
Министерот за животна средина и просторно планирање и прв заменик на Претседателот на Владата и на Република Северна Македонија, Изет Меџити оствари средба со амбасадорката на САД во нашата држава Ангела Агелер.
На средбата Меџити ги истакна клучните приоритети и стратешки определби на новата Влада и упати уверување до амбасадорката Агелер дека како владеачко мнозинство, Владата останува и понатаму максимално посветена на продлабочување на меѓусебните односи со најголемиот стратешки партнер и силен сојузник – Соединетите Американски Држави, а дека евроатлантската определба и полноправното членство во Европската Унија остануваат врвен приоритет.
Како прв Заменик на Претседателот на Владата на средбата, Меџити изрази искрена благодарност за поддршката и безрезервната помош што САД во континуитет ја пружаат во насока на реформирање на институциите и зацврстување на демократските капацитети и демократскиот амбиент во нашата држава. Заеднички беше ставот дека се потребни резултати во борбата против политичката корупција која е навлезена длабоко во порите на многу институции. Испораката на правдата мора да биде неселективна и согласно највисоките стандарди на владеење на правото. За да се случи ова, потребни се реформи во правосудниот систем и Владата е решителна оваа борба да ја спроведе до крај.
Двете страни се согласија дека прашањето на политичкиот легитимитет на новата Влада е затворено прашање. Периодот пред што предстои ќе биде искористен за спроведување на успешна транзиција и консолидирање на институциите во државата. Во овој процес од исклучително значење е поддршката на меѓународните партнери, пред се` на Соединетите Американски Држави.
Од позиција на министер за животна средина и просторно планирање Изет Меџити, ја информираше амбасадорката Агелер за клучните приоритети на Министерството во насока на безкомпромисната борба со загадувачите на амбиенталниот воздух, согласно највисоките европски стандарди и во рамки на планот за чист воздух. Тој изрази уверување дека заеднички ќе се посветиме на градење на обновливи извори на енергија кои што ќе обезбедат повисоки еколошки стандарди и дека како млада држава, имаме потреба од добри искуства и споделување и размена на знаења, а дека поддршката и помошта од страна на САД во нашите напори за подобрување на државните политики за обезбедување здрава животна средина е повеќе од добредојдена.
Меџити уште еднаш искажа уверување до нашиот стратешки партнер дека високо ги цениме сите досегашни инвестиции од САД, како економски, така и во насока на подигање на капацитетот на институциите и општествениот демократски развој.
„Остануваме сигурен гарант дека Република Северна Македонија ќе остане на стратешкиот курс“, истакна Меџити.
Македонија
Филков во посета на КПУ Идризово: Состојбата во затворите е алармантна
Министерот за правда Игор Филков го посети затворот во Идризово по вчерашниот инцидент кој се случи во затвореното одделение Амбуланта каде беа повредени припадници на затворската полиција и затвореници.
Состојбата во затворите е алармантна. Ресоцијализација и рехабилитација со лоши услови во затворите не може да има, се истакнува во информацијата од неговиот кабинет, по посетата на затворот.
Во разговорот со директорот на затворот, Зоран Јовановски, министерот беше информиран за настанот како и за проблемите со кои се соочува установата, пренатрупаноста, немањето соодветни просторни услови за сместување, недостигот на медицински персонал и лица задолжени за ресоцијализација.
„По извршениот претрес во одделението Амбуланта биле пронајдени 37 метални шипки, 21 дрвена рачка, 3 кабли, 12 штрафови, 15 ножеви, 4 штрафцигери, пластичен шприц со 2 игли, ножици, парчиња од скршено стакло и 3 полначи за мобилен телефон.
При физичката пресметка предизвикана е поголема материјална штета.
Во наредниот период потребно е да се донесат конкретни мерки за подобрување на состојбите и условите во затворите“, се истакнува во соопштениетот од кабинетото на министерот за правда.
Македонија
Јотова со порака: Сакаме да бидеме добри соседи, но да го почитуваме нашето заедничко културно наследство
Бугарија не го оспорува суверенитетот и јазикот на современите држави, изјави бугарската потпретседателка Илијана Јотова.
Јотова како што пренесуваат бугарските медиуми, вели дека не спречуваат никого во самоопределувањето, но ќе ги спречат обидите да се припише историјата.
„Ние не спречуваме никого во самоопределувањето ниту во нивниот јазик, но многу ќе ги спречиме токму овие обиди да се припише историјата, на соодветни факти. Сакаме да бидеме добри соседи, но да го почитуваме нашето заедничко културно наследство, бидејќи тоа е клучот за без спорови и конфликти. Науката, истражувањето, штити од искушението да се создаде фиктивна историја, што неминовно води до политички и билатерални или мултилатерални конфликти. Во последните неколку дена, во изјавите на некои политички и владини лидери на соседните земји за жал, токму тоа можеме да го видиме“, истакнува Јотова.
Бугарскиот премер Димитар Главчев е во Брисел. Тој за бугарските медиуми изјави дека Бугарија ќе инсистира Европскиот совет да ги потврди заклучоците за Северна Македонија и да ја повика земјата да ги почитува преземените обврски за да продолжи на својот пат кон ЕУ.
На прашањето дали разговарал со грчкиот колега за некакви заеднички активности во однос на позицијата на Скопје, Главчев одговори:
„Не сум разговарал со колегата од Грција за тоа прашање, но претпоставувам дека и тој нема да остане неактивен. ”