Македонија
(Видео) Љутков: Со пари на граѓаните СДСМ задоволува политички барања во културата
Годишната програма за култура за 2020 година е повеќе од скандалозна. Критериумите по кои се делат парите на граѓаните се политички, а политиката и културата не одат заедно. Затоа, три години не постои ниту „к“ од културата, која во континуитет тоне, обвини Зоран Љутков.
„Кај уметниците и културните работници се јавува сомнеж како се одлучувало кој проект да добие, а кој да не добие средства и поддршка. Така, на пример, имаме случај во кој на меѓународниот фестивал „Пеце Атанасовски“ во Долнени, кој е 46-то издание по ред годинава, му се доделуваат помалку пари од 29-тото издание на фестивалот на преработени и стилизирани албански песни „Кенге јехо“, исто како и на КУД ‘Лулет е Малсис’ – ‘Јануарски пламен 2020’. За ‘Гоце фест’ се одвоени само 100.000 денари, а годинава е 35-годишен јубилеј. И само за споредба, ако за ‘Гоце фест’ се одвојуваат ситни суми, милиони се доделуваат на проекти, како „Контрапункт“, во износ од 1 милион денари, Факултет за работи што не се учат од 1 милион и 250 илјади, „Јадро“ во износ од 1 милион и 100 илјади, „Локомотива“ во износ од 1 милион, Центар за современи уметности Скопје во износ од 650 илјади и слично. Овде нема ниту логика ниту јасна поддршка на културата во Македонија“, рече тој.
За жал, додаде Љутков, оваа година како и изминатите тригодишни програми сме сведоци на скандалозни одлуки, со кои, како што рече, наместо унапредување на културата и јакнење на институциите, гледаме поткусурувања со партиска и политичка заднина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маричиќ: Европската интеграција на Северна Македонија е важен стратешки план и приоритет за државата и за сите граѓани во неа
Првиот заменик-претседател на Владата за европски прашања, Бојан Маричиќ, денес одржа средба со амбасадорот на Република Унгарија, Андраш Клајн, заменик-амбасадорката Кристина Тиханји и претставникот Золтан Марки.
На средбата унгарската делегација ги презентира приоритетите на унгарското претседателство со цел зајакнување на процесот на европските интеграции во претстојниот период. Унгарија претседава со Советот на Европа од 1 јули 2024 до крајот на годината.
Маричиќ со заложба дека европеизацијата на државата мора да продолжи со засилен тек ја истакна важноста од носење важни одлуки за понатамошно реализирање на стратешките цели на Северна Македонија и регионот.
Aмбасадорот Клајн се заблагодари за досегашниот успех и постигнатите резултати од процесот на евроинтеграција, скрининг-процесот, почнувањето на преговорите за државата и комплетната подготовка за реализација на европската агенда на државата.
„Европската интеграција е важен стратешки план и приоритет за државата и за сите граѓани во неа“, истакна Маричиќ.
Македонија
Давкова официјално ќе го применува уставното име, а во јавните настапи има право да каже Македонија како чин на самоопределување, велат од нејзиниот кабинет
Во своите јавни настапи македонската претседателка има право да го употребува името Македонија како чин на лично право на самоопределување и самоидентификација почитувајќи ги основните човекови права и слободи и во согласност со европските вредности и начела, велат од Кабинетот на претседателката Гордана Силјановска-Давкова.
Од тука наведуваат дека Давкова ќе се придржува до официјалната примена на уставното име. Во согласност со Уставот, како што беше подготвена од службите на Собранието, свечената заклетва беше потпишана со користење на уставното име.
Македонските институции во последните 5 години речиси целосно ги исполнија обврските од преспанскиот договор и претседателката очекува сите македонски партнери да ги почитуваат билатералните и мултилатералните обврски, кои ги презеле кон земјата.
Македонија
Во важечкиот Изборен законик стои Македонија во делот на свечената изјава – Каракамишева вели дека Силјановска го кажала она што било напишано
Во важечкиот Изборен законик, со прочистен текст во март оваа година, во делот на свечената изјава стои Македонија, а не Северна Македонија.
Професорката по уставно право и политички систем, Тања Каракамишева, на социјалните мрежи го објави делот од Изборниот законик со коментар дека новата претседателка Гордана Силјановска-Давкова го кажала името на државата во свечената изјава, онака како што стои во текстот.
„Член 123 од важечкиот Изборен законик го содржи текстот на свечената изјава што претседателката на Македонија, проф. д-р Гордана Силјановска-Давкова, требаше да го каже во својата заклетва и го кажа“, пишува Каракамишева.
Во членот 123 стои: „Изјавувам дека функцијата претседател на Република Македонија ќе ја вршам совесно и одговорно, ќе ги почитувам Уставот и законите и ќе ги штитам суверенитетот, територијалниот интегритет и независноста на Република Македонија“.
Вчера, претседателот на Собранието, Јован Митрески, во читањето на текстот на свечената изјава државата ја именува Севрена Македонија по што Силјановска повторуваше, но без делот Северна.
Грција и ЕУ реагираа дека уставното име мора да се почитува во согласност со договорот со Грција.