Македонија
Владата објави како ќе работат моловите, автошколите, обложувачниците, центрите за обука…
Владата ги објави протоколите што произлегуваат од втората фаза од планот за намалување на рестриктивните мерки за спречување ширење на коронавирусот. Во нив е објаснет начинот за работа на автошколите, обложувачниците, потоа начинот за одржување тренинзи на спортисти во поединечни спортови, како и начинот за организација на работни состаноци, обуки, курсеви и семинари.
Протокол за тренинг на спортисти во поединечни спортови
1. Организацијата на тренинзите е дозволена единствено во спортски објекти кои може да ги задоволат техничките и сигурносни услови со можност за физичко растојание од 5 м помеѓу секој спортист, односно да е обезбеден простор од 20 м2 за спортист со организација на тренингот за најмногу 5 лица, вклучително и еден тренер, со минимален број технички лица (најмногу две лица);
2. Во спортскиот објект да се обезбедат сите санитарно-хигиенски услови;
3. Да се воспостави евиденција за тренингот со податоци за спортистите, тренерот, асистентот и други лица потребни за тренингот заради лесно следење на контактите;
4. Тренинзите се организираат по претходно направен распоред за време на тренинзи со список на спортисти и тренери;
5. Пред почеток на тренингот се прави термален скрининг и се забранува тренинг на лице со покачена температура и ако има, се отстранува;
6. Во случај на потреба на здравствен работник на тренингот при близок контакт со здравственото лице мора се користат заштитни маски, ракавици и визир од страна на здравствениот работник;
7. Спортистите и тренерите доаѓаат на тренинг одделно со свое возило и опрема и во опрема за тренинг, со што се избегнува користење на соблекувалните;
8. Во текот на тренингот се препорачува растојание од 5 м помеѓу секој спортист и тренер како минимално растојание;
9. Тренингот да се врши на отворен простор;
10. По завршување на тренингот, опремата за тренинг и реквизитите се дезинфицираат со средство кое е 70 отсто на база на алкохол;
11. Тренинзите во контактните спортови се препорачува секогаш да се одвиваат по принцип ист спортист со ист тренер;
12. Секој спортист мора да има сопствено со име обележано шише со напивки,
13. По завршување на тренингот, спортистите и тренерот заминуваат дома одделно, без туширање и без влегување во соблекувалните почитувајќи ги мерките за физичко растојание, еден по еден.
Протокол за отворање и работа на уплатно-исплатни места на приредувачите на игри на среќа во обложувачница
1. Користење заштитна опрема, маски и ракавици од страна на сите вработени на уплатно-исплатните места;
2. Одржување физичко растојание од 2 метра помеѓу присутните играчи во просторијата,
3. Влез со маски за сите играчи;
4. На масите поставени на уплатно-исплатните места има само по две столчиња;
5. На шалтер е присутен по еден играч со растојание од 2 метра со играчот што следен чека за уплата;
6. Средства за дезинфекција поставени на влезовите од обложувачниците и на пултовите за уплата;
7. Шанковите во рамките на уплатните места се без можност за послужување пијалаци;
8. Задолжително редовно вршење дезинфекција на масите и столовите и на другиот инвентар со дезинфекциско средство, кое влијае на вируси според упатството од производителот;
9. На крајот на смената задолжително механичко чистење и дезинфекција со средство што влијае на вируси според упатство од производителот, алтернативно може да се користи 0,05 отсто натриум хипохлорит (5 отсто белило за домаќинство, кое се користи во размер 1:100) или 70 отсто алкохол за дезинфекција на горните површини;
10. Редовно одржување на тоалетите со задолжително водење евиденција за спроведеното чистење и употреба на горенаведените дезинфекциски средства.
Протокол за организација на работни состаноци, обуки, курсеви и семинари
1. Времетраењето се ограничува на најмногу 6 часа, со задолжителна пауза на секои 2 часа;
2. Пред почетокот на средбата учесниците задолжително да се известат дека доколку имаат респираторни симптоми (температура, кашлица, отежнато дишење), им се препорачува да не присуствуваат;
3. Се ограничува бројот на учесници во согласност со просторот, со цел да се обезбеди задолжително физичко растојание на учесниците од 1,5 до 2 метра, но не повеќе од 30 лица;
4. Организаторите, предавачите и учесниците задолжително да носат заштитни маски;
5. Во просторијата задолжително да се обезбеди средство за дезинфекција на рацете;
6. Да се почитуваат општите мерки за повисоко ниво на лична и општа хигиена (зачестено миење на рацете или употреба на дезинфекциско средство за рацете на база на алкохол);
7. Просторијата почесто да се проветрува, по можност за време на часовите и задолжително во текот на паузите;
8. За време на паузите се забранува групирање на присутните;
9. По завршување на настанот, просторијата да се исчисти и да се дезинфицира подот со средство што влијае на вируси според упатство од производителот, алтернативно може да се користи 0,05 отсто натриум хипохлорит (5 отсто белило за домаќинство, кое се користи во размер 1:100) или 70 отсто алкохол за дезинфекција за горните површини;
10. Во просторијата да се обезбеди канта за отпадоци со капак.
Протокол за одржување седници на органи на управување и конференции
1. Ограничен број учесници до максимум 30 лица во согласност со просторот, со цел да се обезбеди физичко растојание на учесниците од 1,5 до 2 м;
2. Учесниците задолжително да носат заштитни маски;
3. Во просторијата задолжително да се обезбеди средство за дезинфекција на рацете;
4. Да се почитуваат општите мерки за повисоко ниво на лична и општа хигиена (зачестено миење на рацете или употреба на дезинфекциско средство за рацете на база на алкохол);
5. Просторијата почесто да се проветрува, пожелно за време на часовите и задолжително во текот на паузите;
6. За време на паузите да се забрани групирање на присутните;
7. По завршување на настанoт, просторијата да се исчисти и да се дезинфицира подот со средство што влијае на вируси според упатство од производителот, алтернативно може да се користи 0,05 отсто натриум хипохлорит (5 отсто белило за домаќинство, кое се користи во размер 1:100) или 70 отсто алкохол за дезинфекција на горните површини;
8. Во просторијата да се обезбеди канта за отпадоци со капак.
Протокол за отворање и работа на моловите
1. Ограничено/скратено работното време (10-18 ч), затворени во недела
2. Регулирање на влезот на лица во затворениот продажен центар од страна на овластено лице, така што да не се дозволи групирање на луѓе во ходниците, ќе се дозволи по едно лице на 5 м2;
3. Ограничување за лицата над 65 години, со можност за пазарување до 12 часот;
4. Задолжително носење заштитни маски и ракавици на вработените;
5. Задолжително носење заштитни маски на купувачите;
6. Одржување физичко растојание меѓу купувачите и меѓу купувачите и продавачите од 1,5 до 2 м;
7. Поставени на јасно видливи места едукативно-информативни материјали за почитување на заштитните превентивни мерки: носење заштитни маски, одржување физичка дистанца, редовно дезинфицирање на рацете, правилна респираторна хигиена. Дополнително, преку разглас (на секои 30 минути) информирање на купувачите за почитување на овие превентивни мерки;
8. Регулирање на бројот на купувачи во согласност со квадратурата на продавницата, на 8 – 10 м² продажен простор по еден купувач;
9. Задолжително одредено лице од фирмата пред влезот на продавницата да го организира редот, но и бројот на купувачи;
10. Пред влезот на продавницата обезбедено средство за дезинфекција на рацете;
11. Во продавниците за облека забрането пробување на облеката – да се даде можност за пробување дома со можност за замена на купената облека;
12. Доколку на касите за плаќање не може да се обезбеди растојание од 1,5 до 2 м помеѓу продавачот (касиерот) и купувачот, да се постави бариера од плексиглас. Доколку има повеќе каси за наплата, да се обезбеди растојание од 1,5 до 2 м помеѓу касите во редот;
13. Пред касите да се обележи растојание (место за чекање) од 1,5 до 2 м меѓу купувачите;
14. Засилени санитарно-хигиенски мерки, односно зачестено чистење 4-5 пати во текот на денот со употреба на средство за дезинфекција што влијае на вируси според упатство од производителот, алтернативно може да се користи 0,05 отсто натриум хипохлорит (5 отсто белило за домаќинство, кое се користи во размер 1:100) за подот или 70 отсто алкохол за дезинфекција за горните површини. Редовно одржување на тоалетите со задолжително водење евиденција за спроведеното чистење и употреба на горенаведените дезинфекциски средства;
15. Редовно и зачестено одржување на хигиената на тоалетите, со задолжително водење евиденција за спроведеното чистење и употреба на горенаведените дезинфекциски средства.
Протокол за работа на школите за обука на возачи
1. Задолжително користење заштитна маска од страна на кандидатот и инструкторот при обука на терен со возило;
2. По секоја обука на поединечен кандидат, задолжителна е дезинфекција на внатрешноста на возилото;
3. Организирање теоретска настава во училница со почитување на мерките за физичко растојание помеѓу клупите од 1,5 до 2 м и задолжително носење заштитни маски од слушателите и предавачот;
4. Поставени средства за дезинфекција пред влезот во училницата и редовна дезинфекција и одржување на хигиената и проветрување по секое одржано предавање;
5. Три лица е максималниот број во возилото при спроведување на полагањата на кандидатот, со носење задолжителна заштитна маска на сите лица во возилото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Научно-технолошки парк ќе биде основан на техничкиот кампус на УКИМ
Владата на денешната седница ја разгледа и усвои Информацијата за отпочнување активности за основање Мултифункционален научно-технолошки парк, со цел поттикнување на постојан економски раст преку инкорпорирање на знаење, иновации и современи технологии за создавање производи и услуги со висока додадена вредност, конкурентни на домашниот и меѓународниот пазар.
Според извршените анализи, како најсоодветна локација за реализација на проектот е идентификуван техничкиот кампус на Универзитетот „Св. Кирил и Методиј“ во Скопје, кој нуди интеграција со академската средина, услови за трансфер и комерцијализација на знаење, добра инфраструктурна поврзаност (патна, железничка, автопатска и аеродромска), како и потенцијал за привлекување компании, инвеститори и стартапи.
Планирано е паркот да се состои од една или повеќе згради со современа електрична и телекомуникациска инфраструктура, како и флексибилен и ефикасен работен простор, со цел да се создаде регионален центар за иновации, развој и вмрежување.
Дополнително, Владата, а на предлог на Министерството за транспорт, ја разгледа и усвои Информацијата за отпочнување со реализација на неколку улици во Општина Гевгелија, и тоа: Реконструкција на главна улица во с. Моин, реконструкција на улица „Атанас Ѓуров“ во с. Прдејци и реконструкција на улица „Иван Марков Братот“ Богородица, како и проектот: Изградба на водоснабдителен систем во с. Љубанци и с. Љуботен во Општина Бутел.
Македонија
Со потврда од матичен лекар, невработените до четврток можат да се пријават за гаснење пожари за 24.000 денари месечно
Огласот за ангажирање 400 невработени лица за помош при гаснење пожари на Владата е отворен до четврток, потсети денес Стојанче Ангелов, директор на Дирекцијата за заштита и спасување (ДЗС). Единствен документ што им треба да пријавување е потврда од матичен лекар дека се здрави, а пријавувањето е во локалните центри за вработување.
„Ги повикувам сите заинтересирани лица за оваа владина мерка најдоцна до четврток да поднесат апликација во локалниот центар за вработување, во кој било град во државата. Таму ќе ги пополнат потребните документи. Значајно е дека треба да донесат медицинска потврда од матичниот лекар, во којашто се потврдува дека не боледуваат од тешки болести, кои би им пречеле во работењето на оваа исклучително одговорна задача. Други документи не се потребни. Од оние кои ќе покажат интерес за оваа работа ќе ги избереме најдобрите и ќе може да бидат примени како професионални пожарникари во локалните територијални противпожарни единици. Најдобрите од нив, особено оние кои што гравитираат во Скопје и околината, ќе имаат можност да конкурираат и да бидат дел од новата специјална единица за заштита и спасување, која што е во фаза на формирање“, рече директорот на ДЗС, Ангелов.
Мерката предвидува, невработените лица кои ќе бидат ангажирани за извршување јавни работи, со фокус на создавање противпожарни појаси и други активности за спречување и намалување на ризикот од пожари, да добиваат месечна плата од 24.000 денари. Владата ја најави оваа мерка минатата недела, директорот Ангелов рече дека иако платата на прв поглед не е примамлива, постои можност за професионално ангажирање на најдобрите.
Владата ја промовираше оваа мерка за да го намали хроничниот недостаток од пожарникари. Во моментов земјава има само околу 800 пожарникари од потребните 1500.
Македонија
Од септември за прв пат образовни асистенти ќе има и во основните и во средните училишта, најмногу досега, соопшти МОН
„Во новата учебна година за прв пат образовни асистенти ќе има не само основните, туку и во средните училишта, за што, актуелната Влада предложи, а пратениците усвоија ново законско решение кое значи унапредување на инклузивноста на националниот образовен систем“, велат од МОН
„Веројатно ова е болката во редовите на политичката партија СДСМ, каде откако им пропаднаа обидите да ја манипулираат јавноста со обвинувања дека од септември ќе нема учебници, сега се преориентираат и обидуваат со нови измислици да ги вознемируваат родителите и старателите на учениците со попреченост, а со тоа да влијаат на креирање на јавното мислење за работењето на актуелното раководство на Министерството за образование и наука.
МОН реагира на обвинувањата дека образовните асистенти се отпуштаат од работа и процесот на вработување се партизира, како и дека се ангажираат несоодветни кадри.
Ангажирањето на образовните асистенти е целосно транспарентен процес и не го спроведува министерството, туку го спроведуваат раководствата на основните и средните училишта со ресурсни центри, од кои, дел се поставени токму во времето кога владееше СДСМ, партијата што денес го оспорува нивното работење, додека МОН верува во нивната стручност и професионалност.
Нивниот ангажман е на определено време, а тоа е така затоа што бројот на потребен кадар секоја година е различен и зависи од потребите кои ќе ги пријават родителите/старателите на учениците со попреченост. Секој образовен асистент за секоја следна учебна година, повторно аплицира на јавен повик за да биде ангажиран.
Новото раководство на министерството иницираше проширување на нормативот за овој тип на стручен кадар, за да може да се ангажираат доволно образовни асистенти, лица со соодветно образование и да се задоволат потребите на сите редовни основни, а за прв пат и на редовни средни училишта во кои има ученици со посебни образовни потреби.
На јавно објавените огласи се пријавуваат многу кандидати, а се примаат оние кои ги исполнуваат условите и се најдобро рангирани од страна на комисиите кои, повторно напоменуваме, ги формираат училишните раководства. Како што посочивме, во најголем дел, тоа се кадри кои биле ангажирани и во изминатите учебни години, со оглед дека станува збор за област со кадровски дефицит.
Иако, примарната улога на еден образовен асистент е да обезбедува поддршка на наставникот во начинот на пристапување и задоволување на посебните образовни потреби на учениците во еден клас, сепак, ја разбираме сигурноста на родителите/старателите кога детето има образовен асистент кој целосно му е посветен само нему, секој училишен ден. И затоа, направени се измени на правната регулатива, да се излезе во пресрет на сите ученици, родители/старатели. Училиштата со ресурсни центри согласно законските прописи прават напори образовниот асистент да продолжи да работи со ученикот на кој и до тој момент му обезбедувал асистенција за полесно совладување на наставната материја и секојдневните обврски.
Напоменуваме и дека оваа година за прв пат, огласите за ангажирање образовни асистенти се објавени во месец јуни, за изборот да биде завршен пред почеток на учебната година и навремено да ја започнат својата работа во училиштата.
СДСМ со вакви неосновани обвинувања и лиферување лажни вести за да ја поткопа довербата на јавноста кон институциите, всушност го губи сопствениот кредибилитет меѓу народот. Би било добро да слушнеме некоја конструктивна идеја во следниот период и да видиме прогрес во редовите, наместо да гледаме лет во место“, соопштуваат од МОН.
Со потврда од матичен лекар, невработените до четврток можат да се пријават за гаснење пожари за 24.000 денари месечно
Огласот за ангажирање 400 невработени лица за помош при гаснење пожари на Владата е отворен до четврток, потсети денес Стојанче...
Кривична против лекар во струшката болница: со истечена лиценца 4 години примал плата и додатоци
42-годишен лекар од Струга, четири години земал плата и додатоци на плата, иако немал валидна лекарска лиценца, извести МВР. „ОВР...
„Анима мунди“: Феликс не беше само куче, беше жртва. Стана симбол, а од денес и преседан
„Првпат во Македонија убиство на животно завршува со затворска казна. Основниот кривичен суд – Скопје го осуди Љубе Крстевски на...
Русија: Подготвени сме за преговори, но не прифаќаме ултиматуми
По претходната изјава од Кремљ, рускиот заменик-министер за надворешни работи Сергеј Рјабков изјави дека Москва е подготвена за разговори откога...
„Фајненшл тајмс“: Трамп го праша Зеленски дали може да ги нападне Москва и Санкт Петербург
Според „Фајненшл тајмс“, американскиот претседател Доналд Трамп наводно ја повикал Украина да размисли за напад подлабоко на руска територија и...
(Видео) СДСМ до Јаневска: Дали може мирно да спиете знаејќи дека учениците со попреченост на 1 септември нема да го имаат својот образовен асистент до себе
„ВМРО-ДПМНЕ го партизира секој сегмент од општеството, дури и онаму каде што најмалку треба да има политика- во образованието. Ова...
Мицкоски: ГРЕКО потврди, Македонија ја напушта ерата на селективна правда и политичка недопирливост
Работата на Националниот комитет за спречување насилен екстремизам и борба против тероризам има особено значење за стабилноста, безбедноста и отпорноста...
Димитров: ЕУ дозволи она што за нас беше најважно и што го обезбедивме со преспанскиот договор сега да биде нападнато од Бугарија
„Европа мора да биде доследен, конзистентен и принципиелен партнер, партнер што испорачува и исполнува ветувања. Партнер кој е гласен кога...
ДУИ за Коридорот 8: Тие што го саботираа, денес се фалат
Демократската Унија за Интеграција го поздравува ентузијазмот со кој актуелната Влада го промовира реализирањето на стратешките проекти во земјата, како...
Медведев за ултиматумот на Трамп: На Русија не ѝ е гајле
Најновите изјави на американскиот претседател Доналд Трамп за можното воведување 100 % царини за стоки увезени од Русија претставуваат театарски...
Зеленски: Имав многу добар разговор со Трамп, му се заблагодарив за неговата подготвеност да ја поддржи Украина
Украинскиот претседател Володимир Зеленски изјави дека имал многу добар разговор со американскиот претседател Доналд Трамп по неговата објава за испраќање...
Алијансата за Албанците: Политичката групација „Флен“ потоната во конфузија и зафатена од политичка апатија
Политичката групација „Флен“, потоната во конфузија и зафатена од политичка апатија, во понеделникот изјави дека нивната борба е за затворање...
(Видео) Њујорк под вода, поплави во метро-станиците, луѓето заглавени во вагоните
Повеќе од 50 милиони Американци во североистокот се под притисок од поплави, а тие предизвикаа значителни застои во сообраќајот во...
Трамп за Би-би-си: Разочаран сум од Путин, но сè уште не сум се откажал од него
Американскиот претседател Доналд Трамп изјави дека е разочаран, но не и дека завршил со Владимир Путин, во ексклузивно телефонско интервју...
Трамп ѝ постави ултиматум на Русија: Украина добива врвно оружје, вредно милијарди
Американскиот претседател Доналд Трамп го претстави новиот безбедносен план со кој ѝ се заканува на Русија со сериозни секундарни царини,...
Радев вели дека Македонија самaта си се блокира, хрватскиот претседател порача спорот е внатрешно прашање
За време на средбата со својот бугарски колега Румен Радев, хрватскиот претседател го критикуваше ставот кон земјите од Западен Балкан...
Блерим командува, Данела удира по Албанците: сценарио на ДУИ, велат од „Вреди“
Да расветлиме една од најболните приказни за злоупотреба на институциите против граѓаните, приказната за мрежата што ја создадоа Блерим Беџети...
(Видео) Филипче: Македонија не смее да остане жртва на странски дестабилизациски операции
Претседателот на СДСМ и претседавач со Националниот совет за евроинтеграции, Венко Филипче, на денешната седница на која се презентираше Програмата...
МВР со детали за пожарот во Злокуќани: опожарени шест куќи, малолетник е повреден, а неколкумина побарале лекарска помош поради вдишување чад
Вчера, во 20 часот, во СВР Скопје е пријавено дека на улицата Скупи во Скопје настанал пожар, во кој биле...
До крајот на август ќе бидат пуштени уште 18 километри од автопатот Кичево – Охрид, целосно во употреба во 2027 година
За речиси еден и пол месец, премиерот Христијан Мицкоски очекува во употреба да бидат пуштени уште 18 километри од автопатот...
