Контакт

Македонија

Владата потпиша меморандум за разбирање со Меѓународната организација за миграции

Објавено пред

Дваесет години работа на Меѓународната организација за миграции (ИОМ) во Република Северна Македонија, денеска се одбележаа во просториите на Министерството за надворешни работи во присуство на владини претставници, дипломатскиот кор и други невладини организации.

dobivaj vesti na viber

На настанот со свој поздравен говор се обратија: Едмонд Адеми – министер без ресор, задолжен за дијаспора, Андреј Жерновски – заменик-министер за надворешни работи, Аргентина Сабадош, ИОМ, регионален директор за Југоисточна Европа, Источна Европа и Централна Азија, Росана Дуджак – резидентен координатор на ОН и Питер ван дер Овараерт, ИОМ – субрегионален координатор за регионот на Западен Балкан, а Соња Божиновска, шеф на канцеларијата на ИОМ во Северна Македонија ги претстави активностите на канцеларијата на ИОМ во земјата.

Жерновски во својот говор истакна дека одржливо и трајно решение може да се постигне само преку јасно дефинирани и координирани активности спроведени со заеднички напори на сите земји и меѓународни организации.

„Имајќи ја предвид определбата на нашата држава за почитување на основните човекови права и слободи и нивната соодветна заштита, поделбата на одговорноста и недискриминацијата, очекуваме во иднина продлабочување на соработката преку давање соодветна помош од страна на Меѓународната организација за миграција во насока на стратешко и техничко имплементирање на резолуцијата за миграциската политика прифатена од Собранието на РСМ, како и во однос на подготовка и имплементацијата на нови стратегии и акциски планови за прашања поврзани за миграција, усогласувањето со стандардите во согласност со законодавството на ЕУ, понатамошна поддршка во јакнењето на техничките капацитети во овој контекст“, рече Жерновски.

Во рамките на настанот, од страна на министерот без ресор задолжен за дијаспората, Едмонд Адеми, и регионалниот директор на ИОМ, Аргентина Сабадош, беше потпишан меморандум за соработка меѓу Владата на Република Северна Македонија и ИОМ.

Со меморандумот се продлабочува соработката од областа на дијаспората, која ќе вклучува советодавна поддршка за развој на стратешките политики за дијаспората.

„Владата и јас како министер задолжен за дијаспора силно работиме за развој на политики и реализација на мерки и активности во насока на ангажирање на дијаспората. За нас, дијаспората е составен дел од оваа држава. Сметам дека преку овој меморандум соработката помеѓу Владата и ИОМ дополнително ќе се интензивира. Владата во ИОМ гледа силен партнер во областа на миграциите и дијаспората, а денес тоа партнерство со овој чин го официјализираме“, истакна Адеми.

Република Северна Македонија стана членка на Меѓународната организација за миграции во 2014 година, а претходно имаше статус на земја набљудувач.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Ако не се извинат Ковачевски најави тужба за ВМРО-ДПМНЕ: Јас сум веќе две недели под константни напади

Објавено пред

Најдолни лаги според премиерот Димитар Ковачевски се обвинувањата од ВМРО – ДПМНЕ за тоа дека го избегнал служењето војска правејќи се неспособен и дека заедно со кумот ја направиле фирмата „Пиксел груп“ за да вртат милионски суми државни пари.

dobivaj vesti na viber

Премиерот Ковачевски одговарајќи на новинарски прашања денес на свеченоста за првиот академски час годинава, побара извинување од ВМРО – ДПМНЕ и најави тужба.

„Јас сум веќе две недели под константни напади од страна на ВМРО – ДПМНЕ и тоа со конструкција на најдолни лаги. Во однос на првата се обратив на Собранието, каде што точно можеа да чујат сите граѓани, а во однос на оваа сметам дека треба да се извинат, затоа што јас 22 години сум работел во приватниот сектор на најтранспарентен и најзаконски начин. Не може да прават конструкции од тоа како функционираат компании кои се независни во своето работење и кои функционираат врз основа на закони. Дали тоа значи дека ќе има тужби или не тоа не може да зависи од мене, јас не сум ниту правник ниту адвокат, но сепак сметам дека тоа треба да го направат бидејќи конструирале лаги“, рече премиерот Ковачевски.

Тој смета дека лагите и конструкциите што се прават за него овие две недели се пуштаа за да се тргне вниманието на јавноста која бара одговори за тоа што се случувало со тендерот од 136 милиони евра во скопски „Водовод“, оти неговата партија го обвинила токму лидерот Христијан Мицкоски.

„Ниту јас го обвинив, ниту СДСМ го обвини. Него го обвини ВМРО-ДПМНЕ, партијата во која што е претседател, затоа што градоначалникот на Скопје е од ВМРО – ДПМНЕ. Данела Арсовска ја чекаа со трубачи во ВМРО ДПМНЕ, не ја чекаа во СДСМ со трубачи. На митинзи кој ја фалеше?“, рече премиерот откако новинарите му забележаа дека официјално, градоначалничката на Скопје, Данела Арсовска беше независен кандидат, поддржан од ВМРО – ДПМНЕ.

На митинзи кој ја фалеше?“, рече премиерот откако новинарите му забележаа дека официјално, градоначалничката на Скопје, Данела Арсовска беше независен кандидат, поддржан од ВМРО – ДПМНЕ.

Премиерот Ковачевски во Собранието објасни дека не служел војска оти имал абдоминални проблеми, а обвинувањата за компанијата „Пиксел“ смета дека се конструкција оти тој се повлекол од неа кога стапил на функција, а бил исклучително горд за создавање на компанијата за производство на фотоволтаични модули.

Прикажи повеќе...

Македонија

(ВИДЕО) Тренчевска: Дневниот центар за деца со попреченост во Липково ја потврдува успешноста на социјалната реформа

Објавено пред

Министерката за труд и социјална политика, Јованка Тренчевска, заедно со градоначалникот на општина Липково, Еркан Арифи, го посети специјализираниот центар за дневен престој на деца со попреченост, лоциран во населеното место Оризаре.

dobivaj vesti na viber

По приближно една година од добивањето на дозволата за вршење дејност од областа на социјалната заштита, во овој современ специјализиран дневен центар на дневно ниво престојуваат 14 деца, а има капацитет од 38 деца со попреченост од повеќе населени места во општината Липково.

Воспоставувањето на оваа социјална услуга и работата на овој дневен центар се дел од проектот за подобрување на социјалните услуги, што го имплементира Министерството за труд и социјална политика, со поддршка од Светскта банка.

„Многу ме радува што гледам дека овој центар работи успешно и што навистина имаме неверојатен напредок кај децата што престојуваат овде. Му честитам на целокупниот персонал, кој со својата посветена и стручна работа се грижи и овие деца со попреченост што живеат во помалите населени места да добијат еднакви можности да се интегрираат во образовниот и општествениот живот. Тоа се совпаѓа со заложбите на Владата и на Министерството, како и со основните цели на социјалната реформа, а тоа е да се овозможи пристап до неопходните социјални услуги на сите оние на кои тие им се потребни вклучувајќи ги најранливите групи во општеството, како и оние што живеат во руралните и оддалечените места во државата. Отворањето и успешното функционирање на овој центар е најдобар показател дека социјалната реформа е успешна“, изјави министерката за труд и социјална политика, Јованка Тренчевска.

Со центарот управува здружението „Имаго плус“, чии вработени, кои поседуваат лиценци за ваков вид дејност, преку индивидуален пристап обезбедуваат професионален и стручен третман за нега и рехабилитација на секое дете во центарот подготвувајќи ги успешно да се интегрираат во образовниот и општествениот живот. Услугата што ја добиваат децата во овој центар предвидува индивидуална, групна и окупациска терапија, која на децата им помага да го зачуваат и унапредат своето здравје и истовремено да го поттикнат нивниот интелектуален, емоционален и социјален развој. Покрај тоа, во овој центар се спроведуваат и стручни советувања и работилници за поддршка на родителите на децата.

Липково беше една од општините, која во партнерство со здружението „Имаго плус“ аплицира на првиот јавен повик и доби средства од проектот за подобрување на социјалните услуги, што овозможи да се воспостави и развие услугата нега за децата со попреченост што живеат на територијата на оваа општина.

„Благодарение на блиската соработка со Министерството за труд и социјална политика и ‘Имаго плус’ успеавме, по повеќе од десет години, да го завршиме и активираме овој центар, со што и децата со попреченост од нашата општина почнаа да добиваат современ третман и неопходна грижа, која секако ја заслужуваат. И покрај ограничените финансиски средства што ги имаме како рурална општина, а кои во услови на енергетска криза сè повеќе се намалуваат, ние и понатаму на секаков можен начин ќе го помагаме овој центар овозможувајќи на тој начин негово непречено и успешно функционирање во полза на децата“, рече градоначалникот на иопштина Липково, Еркан Арифи.

Здружението „Имаго плус“, кое управува со дневниот центар во Оризаре, има повеќегодишно искуство во работата со деца со попреченост. Од неодамна овој центар ги исполни неопходните услови, со што финансирањето на социјалните услуги, кое досега се реализира преку проектот, во иднина ќе продолжи да се реализира преку системот за централно финансирање од државниот буџет.

„Задоволни сме што како тим, преку стручен и професионален пристап и со поддршката што ја добиваме од надлежните институции на централно и локално ниво, уште во првата година од работата на центарот создадовме соодветни услови и можности за децата со попреченост од населените места во општина Липково. Досегашните резултати во работата, како и влегувањето во системот на централно финансирање од буџетот, дополнително нè охрабруваат да продолжиме да се развиваме и понатаму, со цел да им ја овозможиме најдобрата грижа и поддршка на децата“, истакна Земријет Бела Весели, претседателка на „Имаго плус“.

За негата, третманот и за секојдневните активности на децата што престојуваат во дневниот центар се грижи стручен тим составен од пет специјалисти, и тоа: рехабилитатор и едукатор, логопед, психолог, социјален работник и физиотерапевт.

„За нас како луѓе што својот професионален живот го посветиле да им помогнат на оние на кои тоа им е најнеопходно, а посебно на децата со попреченост, претставува огромна сатисфакција кога ги гледаме плодовите од нашата работа. Среќни сме од досегашниот напредок што го постигнавме во работата со децата што престојуваат во нашиот дневен центар и веруваме дека она што ќе го постигнеме овде заеднички ќе им помогне на децата да имаат успешен личен и професионален развој и квалитетен живот понатаму“, објаснува координаторката на дневниот центар, Аринета Нухија.

Во рамки на проектот за подобрување на социјалните услуги, што е еден од инструментите за поддршка на социјалната реформа, која ја спроведува Министерството за труд и социјална политика, досега се поддржани 22 проекта во 27 општини во земјата. Најголем дел од овие проекти е наменети за помош и нега на стари лица во нивните домови, а преостанатиот дел е за услугите: дневен престој за стари лица со активно стареење, дневен престој за деца со попреченост и рехабилитација, како и дневен престој, рехабилитација и реинтеграција на лица со попреченост и советување. За давање на овие социјални услуги, досега се обучени и лиценцирани над 300 лица, кои обезбедуваат соодветна грижа за речиси 700 корисници.

Прикажи повеќе...

Македонија

Обвинетите за убиството на Тот имале гризење на совеста и чувство на вина, сведочеше психијатарот Марцикиќ

Објавено пред

Дваесет и еден ден по убиството на ракометарот Денис Тот, сега обвинетите Анџело Ѓорѓиевски, Клементина Лефковска и Андреј Костовски имале гризење на совеста и чувство на вина. Ова го констатира Александар Марцикиќ, психијатар, кој изработил вешт наод за нив. Тој ги опиша сите обвинети како психички здрави личности, со уредна интелигенција. Сите биле загрижени поради настанот, смртниот исход, реперкусиите, кривичната постапка и притворот. Но, и покрај ова вештачење на докторот, тие на првото рочиште рекоа дека не гледаат вина кај себе за смртта на Тот.

dobivaj vesti na viber

„При прегледот ниту еден од обвинетите не манифестира какви било знаци на пасивна или активна агресивност, како што опишав – кај нив беше актуелна психичката реакција на исходот од настанот и реперкусиите од нив, сите имаа слични манифестации, како гризење на совеста, чувство на вина, видлива вознемиреност поради исходот од случувањето и кривичната постапка против нив, страв или анксиозност од самата постапка и последиците врз нив, пред сè, социјалните последици“, изјави докторот говорејќи за вештиот наод изработен 28.4.2022.

Обвинетата Лефковска е единствената од тројцата што претходно имала психички проблеми и се лекувала. Психијатарот посочи дека пиењето алкохол придонело обвинетата да биде похрабра во своите чекори. Тој опиша дека при пиење алкохол обвинетата е склона кон конфликти и е поарогантна.

Адвокатот Бојан Василевски, бранител на обвинетата, праша: „Кажувате во вештиот наод дека Клементина пиела 2-3 жестоки пијалаци. Дали ако таа била трезна, ќе ги презела истите дејства?“

„За пиењето алкохол, исказите на обвинетата не се поткрепени со други материјални докази, пред сè, мислам на лабораториско иследување на присуство и концентрација на алкохол во крвта. Моето толкување според нејзините искази се описни. Си дозволив да го коментирам овој податок во склоп на обид што пообјективно да ја опишам нејзината психичка реакција при самиот настан. Не можам да претпоставам како би реагирала доколку наводно немала алкохол во себе.

За обвинетиот Андреј Костовски, психијатарот Марцикиќ рече: „Не констатирав патолошка потреба за искривување на вистината. При самиот преглед обвинетиот Костовски немаше знаци на агресивно однесување“.

Прашања за вештото лице имаше првообвинетиот Анџело Ѓорѓиевски. Го интересира како алкохолот можел да влијае врз неговите постапки, на што вештакот додаде: „Можел да влијае, не можам да кажам како зошто не знаеме колку имал испиено“. Наспроти толкувањето за Лефковска, каде што таа кажала дека испила 2-3 чаши алкохол, а се дава објаснување како влијаел на нејзе, психијатарот Марцикиќ тоа го нема направено за Ѓорѓиевски.

На 7 април пред ноќен клуб во Градскиот парк во Скопје обвинетите заеднички го лишиле од живот оштетениот Денис Тот, тврди скопското Обвинителство. По кратка расправија, сите тројца му нанеле повеќе удари и тешки телесни повреди, од кои кај оштетениот најпрвин настанала коматозна состојба, а следниот ден починал.

Прикажи повеќе...

Најново

Регион15 минути

(Видео) Вучиќ од Будимпешта: Србија нема да биде паркинг за мигрантите

Денеска во Будимпешта се одржува трилатералниот самит на Унгарија, Србија и Австрија за мигрантската криза. Се работи за заедничка акција...

Македонија41 минута

Обвинетите за убиството на Тот имале гризење на совеста и чувство на вина, сведочеше психијатарот Марцикиќ

Дваесет и еден ден по убиството на ракометарот Денис Тот, сега обвинетите Анџело Ѓорѓиевски, Клементина Лефковска и Андреј Костовски имале...

Македонија2 часа

Тупанчески на првиот академски час: Не учете за оцена! Учете да научите! Учете за да знаете!

Министерот за правда, Никола Тупанчески, се обрати на првиот академски час на Правниот факултет „Јустинијан Први“. На идните студенти им...

Економија2 часа

Бонус до 3.000 евра ќе добијат вработените во Германија поради инфлацијата

Вработените во Германија ќе може да добиваат регреси и премии до 3.000 евра годишно, без даноци и придонеси, за полесно...

Свет3 часа

Рамзан Кадиров ги испраќа своите малолетни синови во војна

Лидерот на Чеченија, Рамзан Кадиров, најави дека тројца негови малолетни синови набргу ќе заминат на фронтот во Украина. „Тоа што...

Свет3 часа

Русија ќе го тестира новото оружје „Посејдон“, предупреди НАТО

Како што напредува војната во Украина, има сè повеќе информации за нов тип на оружје што го користат двете завојувани...

Економија4 часа

Меѓународната агенција за енергетика со совет до ЕУ: „Штедете гас“

Меѓународната агенција за енергетика (ИЕА) ја советува Европската Унија да штеди гас за да се избегнат празните магацини и ризикот...

Свет4 часа

Си-ен-ен: Времето на Путин истекува и тој тоа го знае

Времето на рускиот претседател Владимир Путин истекува и тој тоа го знае. Во меѓувреме, неговиот бомбастичен настап продолжува – објавувајќи...

Македонија4 часа

Без струја утрово во скопски Карпош, граѓаните во страв дека рестрикциите се почнати

Жители на Карпош 1, 2, 3 и 4 утрово пријавуваат дека останале без струја. Речиси еден час траел прекинот, а...

Свет6 часа

Бројот на загинати од ураганот Јан се искачи на повеќе од 80, штетата е проценета на десетици милијарди евра

Бројот на загинати од ураганот Јан во САД се искачи на повеќе од 80 бидејќи жителите на Флорида и Јужна...

Свет6 часа

Саливан вети дополнителна американска поддршка за Украина

Американскиот советник за национална безбедност, Џејк Саливан, вчера во Истанбул се сретна со Андриј Јермак, шеф на кабинетот на украинскиот...

Свет6 часа

Руски гувернер: Половина од мобилизираните во регионот вратени дома, командантот разрешен

Командантот на руската област Хабаровск е сменет од должност кога половина од мобилизираните мажи биле испратени дома бидејќи не ги...

Европа6 часа

Карл Нехамер: Ако ЕУ не дејствува, самите ќе треба да се заштитиме од илегалната миграција

Сè додека ЕУ не презема ефективни мерки, ние мора сами да дејствуваме и затоа Австрија прави сè за да се заштити...

Свет6 часа

Поранешниот шеф на ЦИА, Дејвид Петреус, испрати предупредување до Русија

Соединетите Американски Држави и нивните сојузници ќе ги уништат руските војници и опремата во Украина и ќе ја потопат нејзината...

Свет7 часа

Најмалку седум лица починаа од колера на Хаити поради недостиг на чиста вода за пиење

Најмалку седум лица починаа од колера на Хаити откога болеста ненадејно се врати поради недостиг на гориво и чиста вода...

Регион16 часа

Петков го призна поразот, нема да коалицира со ГЕРБ на Борисов

Коалицијата ГЕРБ-СДС преводена од Бојко Борисов победи на предвремените парламентарни избори во Бугарија. Излезните анкети на бугарските агенции предвидуваат освојување на...

Топ17 часа

Девет земји меѓу кои и Македонија го поддржаа членството на Украина во НАТО, Зеленски им се заблагодари

Украинскиот претседател Володимир Зеленски денеска на Твитер објави дека девет земји од Централна и Источна Европа го поддржуваат членството на...

Свет21 час

НАТО: Украинците го ослободија Лиман благодарение на храброста, но и на американското оружје

Украинското ослободување на градот Лиман докажува дека украинската армија напредува и може да ги потисне руските сили, изјави денеска за...

Македонија23 часа

ЛДП го предлага Пенов за нов министер за локална самоуправа

Централниот одбор на ЛДП на синоќешната седница ја разгледа оставката на министерот за локална самоуправа Горан Милевски, и го прифати...

Македонија1 ден

Радев: Бугарија е подготвена да го зголеми извозот на струја во Северна Македонија

Бугарија е главен извозник на струја во регионот и подготвени сме да го зголемиме извозот во Северна Македонија, изјави бугарскиот...