Македонија
Владата: Во реставрацијата и санацијата на Старата чаршија се запазени сите процедури
Владата соопшти дека во реставрацијата и санацијата на автентичниот лик на Старата скопска чаршија запазени се сите процедури и дека градежната активност, која се финансира преку Проектот за локална и регионална конкурентност, се одвива во согласност со позитивните правни норми за зачувување на автентичноста на Чаршијата.
Оттаму се додава дека во рамките на Проектот за локална и регионална конкурентност (ПЛРК), Општина Чаир аплицирала со потпроектот „Промоција на чаршиски туризам во општина Чаир“.
Сите активности на потпроектот, како што наведуваат од Владата, предвидуваат клучни инвестиции во масовна туристичка дестинација со цел зголемување на привлечноста на Старата чаршија и нејзино промовирање како главна туристичка дестинација во градот за потребите на туристите.
Потпроектот предвидува санација на калдрмата на дел од главната улица Битпазарска, како и конзервација, реставрација и санација на повеќе дуќани кои го нарушуваат автентичниот лик на Стара чаршија, која со закон е прогласена како културно наследство од особено значење во „Службен весник на Република Северна Македонија“ бр. 130/08.
„Една од главните активности на проектот е и реновирање 39 дуќани лоцирани во Стара чаршија. Општина Чаир предложи замена на старите излози со нови, кои би го вратиле автентичниот изглед на Чаршијата. Фактичката состојба не е поволна затоа што фасадата и излозите на голем број дуќани во туристичката дестинација се дотраени или заменети со излози од ПВЦ-материјал или алуминиум. Овие користени материјали ја девалвираат вредноста на автентичната структура на Стара чаршија и ги менуваат планираната содржина и изгледот на Чаршијата.
Санација на калдрма – со текот на времето настанати се оштетувања на калдрмата на улицата. Оштетувањата се настанати од повеќе фактори: метеоролошки влијанија, моторен сообраќај, недоволен капацитет на каменот и парцијални ископувања на улиците. За таа цел проектот предвидува санација на калдрмата на главната улица (во должина од 200 м или вкупно 2.240 м2). Сите градежни материјали што се користат за реконструкцијата на излозите на дуќаните и калдрмата во споменичната целина: ‘Старата скопска чаршија‘ се автентични и одобрени од стручни лица од НУ Конзерваторски центар – Скопје и Управата за заштита на културното наследство.
Законот за прогласување на Старата скопска чаршија за културно наследство од особено значење („Службен весник на Република Македонија“ бр. 130/08) ги уредува клучните аспекти на заштита на споменичната целина и врши идентификација на односното добро во поглед на неговиот назив, категорија и режим на заштита и друго“, се додава во соопштението.
Од Владата појаснуваат дека од тие причини е формиран Национален совет за ревитализација на Старата чаршија, кој изготви и програма за ревитализација на Старата скопска чаршија (ССЧ), која содржи идентификација на сегашната состојба и насоки и мерки за ревитализација на Старата скопска чаршија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.