Македонија
Владина делегација на состанок со Могерини и Хан во Брисел
Заменик-претседателот на Владата задолжен за европски прашања, Бујар Османи, ја продолжува својата работна посета на Брисел, каде што заедно со министерот за надворешни работи, Никола Димитров, ќе учествува на четиринаесеттиот состанок на Советот за стабилизација и асоцијација помеѓу Република Македонија и Европската Унија.
На состанокот се очекува да бидат разгледани темите за односите меѓу Република Македонија и Европската Унија во рамките на Спогодбата за стабилизација и асоцијација, подготовките и предизвиците што произлегуваат од временската рамка за почеток на преговорите, која неодамна ја усвои Советот на ЕУ, како и другите теми поврзани со европските интеграции на земјава.
На состанокот делегацијата на ЕУ ќе ја предводат високата претставничка на ЕУ и потпретседателката на Европската комисија, Федерика Могерини, и еврокомесарот за проширување, Јоханес Хан, а по завршување на состанокот, планирано е одржување и на заедничка прес-конференција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бебе почина на Клиниката за детски болести во Скопје
Рано утринава на Клиниката за детски болести во Клиничкиот центар „Мајка Тереза“ во Скопје, почина 14-месечно девојче. Околу 04.50 часот на Детската клиника во Клинички центар „Мајка Тереза“, (В.С.) 29-годишен маж од село Гошинце и неговиот брат, оштетиле инвентар во болницата откако починало детето на В.С., информира МВР.
Бебето било донесено со Итна медицинска помош во болницата околу 03.45 часот, а причините за смртта дополнително ќе се утврдуваат.
„Денеска (05.10.2024) во СВР Скопје е пријавено дека околу 04.50 часот на Детската клиника во Клинички центар ‘Мајка Тереза’ В.С. (29) од с. Гошинце и неговиот брат Б.С. (35) од с. Гошинце оштетиле инвентар во болницата откако починала едногодишната ќерка на В.С., која, според пријавеното, била донесена со Итна медицинска помош во болницата околу 03.45 часот. Се преземаат мерки за расчистување на настанот“, велат од МВР.
Македонија
Поплави во Тетово, над 20 повици за помош добиле пожарникарите
Над 20 повици добиле ноќеска пожарникарите од Тетово за интервенци и испумпување на вода од поплавени куќи, дворови, подруми и улици. Најголем дел од поплавените куќи се во селата Мала Речица и Голема Речица. Интензивниот дожд траеше повеќе часа, а претпладнево нема врнежи.
Силниот и интензивен дожд што вчера попладнево и вечерва ја зафати Општина Тетово е причина за зголемување на бројот на повици до пожарникарите од страна на луѓе кои имаат потреба од нивна интервенција. Пожарникарите во текот на вчерашниот ден извлекуваа и неколку возила кои заглавиле кај поплавените подвозници.
Пред две недели, на 20 септември, силен дожд предизвика делумно поплавување на улици, дворови и куќи во градот како и во Мала Речица.
Македонија
Нормализиран е сообраќајот на патот Струмица-Валандово
АМСМ информира дека од 10 часот сообраќајот на регионалниот пат Струмица – Валандово, на излез од селото Костурино, е нормализиран.
Поради сообраќајна несреќа утрово од 6:40 часот регионалниот пат Струмица – Валандово беше затворен.