Македонија
Владина делегација положи цвеќе на споменикот кај Карпалак и во Прилеп во чест на загинатите бранители
![](https://makfax.com.mk/wp-content/uploads/2023/08/thumbnail_08082023_VRSM_Karpalak-2.jpg)
Владина делегација предводена од советникот за одбрана, Драган Василевски, денеска положи свежо цвеќе на спомен-плочата кај месноста Карпалак на автопатот Скопје – Тетово, со што им оддадоа почит на загинатите десетмина припадници на Армијата во оружениот конфликт во 2001 година.
Во чест на загинатите бранители свежо цвеќе на спомен-обележјето кај Карпалак положи и делегација на Министерството за одбрана, предводена од министерката за одбрана, Славјанка Петровска, во состав со началникот на Генералштабот на Армијата, генерал-потполковник Васко Ѓурчиновски, и полковникот Новица Стојановски.
Владината делегација предводена од советникот Драган Василевски положи свежо цвеќе и на комплексот „Карпалак“ во Прилеп, каде што цвеќе положи и почит оддаде и делегација на Министерството за одбрана, предводена од државната советничка Мирјана Штеријова и претставници од Армијата.
На одбележувањето на 22-годишнината од трагичниот настан со државни почести почит оддадоа и државни и воени делегации, меѓу кои делегација од Кабинетот на претседателот на Република Северна Македонија, потоа делегации на политички партии, како и од здружението на бранители „Карпалак“.
На 8 август 2001 година на автопатот Скопје – Тетово во близина на селото Групчин, кај месноста Карпалак, од заседа беше нападнат конвој на Армијата, при што загинаа десет армиски припадници.
Во оружен конфликт во 2001 година, во трагичен настан кај месноста Карпалак, животот го загубија десетте припадници на резервниот состав на Армијата, сите од Прилеп и Прилепско: Нане Наумоски, Сашо Китаноски, Горан Миноски, Ердован Шабаноски, Љубе Грујоски, Бранко Секулоски, Дарко Вељаноски, Пеце Секулоски, Веби Рушидоски и Марко Деспотоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Лајка: Скопските општини и покрај обврската не ги исплаќаат парите, заглавени сме во стари долгови
![](https://makfax.com.mk/wp-content/uploads/2020/10/lajka-2.jpg)
Проблемот со бездомните кучиња за кој се почесто се говори не може да се надмине без системско решение, а законот со кој треба да се регулира несовесното сопствеништво и граѓаните што фрлаат миленици повеќе од четири години е во процедура за донесување.
Јавната свест за вдомување во Македонија е ниска, јавното претпријатие „Лајка“ кое треба да ги стерилизира е заглавено во стари долгови, бидејќи единствениот буџет кој го има е од Град Скопје, а скопските општини скоро воопшто не ги плаќаат средствата за кои имаат обврска да ги исплаќаат.
„Годишно секоја од скопските општини има обврска да исплати по два милиони денари за ЈП “Лајка“, а тие тоа не го прават. Како за пример од вкупно 10 општини во 2022 година средства исплатиле само 3, а за да има резултати Лајка треба да постапува во сите 10 општини. Ако сите општини си ги исполнуваат обврските, претпријатието ќе биде поефикасно. За жал сега штетата за каснување на територија на овие општини ја плаќаат ЈП „Лајка„ и градот Скопје, а општините своите финансиски обврски не ги исплаќаат. Доколку сите 10 скопски општини си ги плаќаат обврските, претпријатието ќе работи сигурно и одржливо, а со тоа би се решил и проблемот со исплаќање оштети за каснување од бездомно куче“, велат од Лајка.
Исто така состојбата се влошува со носењето на голем број бездомни кучиња со комбиња од другите градови во Скопје, затоа што на другите општини тоа им е најлесен и најевтин начин за справување со проблемот. За овој проблем има и пријави до Министерството за внатрешни работи, но досега нема никава интервенција од полицијата.
Дополнителен проблем се и селските кучиња кои имаат неодговорни сопственици и кои ги пуштат слободно се парат. Без соодветно законско решение за регулирање на сопствеништвото сопствениците ниту мораат да ги регистрираат, ниту плаќаат пенали за штетата што ја предизвикуваат.
Македонија
Гази Баба обезбедува бесплатни униформи за сите ученици
![](https://makfax.com.mk/wp-content/uploads/2024/07/uniformi-22.jpg)
Општина Гази Баба и оваа година обезбедува бесплатна униформа за сите ученици од општинските основни училишта.
Проектот за бесплатни униформи на учениците се воведе од минатата учебна година и истото беше ветување во изборната програма на градоначалникот Бобан Стефковски.
Во објава на својата официјална страна на фејсбук, градоначалникот Стефковски ги информираше граѓаните и напиша:
„Со почеток на учебната 2024 / 2025 година, сите ученици од општинските основни училишта на територија на општина Гази Баба ќе добијат бесплатна униформа.
Овој проект започна да се реализира во општина Гази Баба со моето доаѓање за градоначалник со што го исполнив ветувањето кое го дадов за време на изборите, дека сите ученици ќе добиваат бесплатни униформи.
Со реализацијата на овој проект се намалуваат социјалните разлики што ги има во секое општество и се постигнува чувство на еднаквост меѓу децата, без поделби и разлики меѓу нив во начинот на облекување, а притоа се намалуваат и трошоците на родителите на учениците“, напиша Стефковски.
Македонија
Акција на ЈП Водовод – Скопје за отплата на долгови без пресметка на камата до 31 јули 2024
![](https://makfax.com.mk/wp-content/uploads/2020/04/vodovod-skopje.jpg)
ЈП Водовод и канализација – Скопје ја известува јавноста и граѓаните на град Скопје, дека акцијата за отплата на долговите без пресметка на камата за задоцнето плаќање е во тек.
Акцијата за отплата на долговите на рати без камата за физички и правни лица е со определен временски рок, почнувајќи од 20.06.2024 заклучно до 31.07.2024.
„Ги повикуваме сите корисници кои имаат заостанат долг во овој период да аплицираат за склучување на договори за отплата на долговите на најмногу 48 рати за физички лица и 24 рати за правни лица, во зависност од висината на долгот, без пресметка на камата за задоцнето плаќање“, велат од ЈП Водовод и канализација – Скопје.
Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес.
По истекот на овој период одлуката престанува да важи.
За секоја дополнителна информација за услугите на ЈП Водовод и канализација – Скопје контактирајте на:
02 3073 010, Дежурно Информативен Центар; 02 3240 300, Дирекција; [email protected]; www.vodovod-skopje.com.mk; www.facebook.com/jpvodovod.skopje