Македонија
ВМРО-ДПМНЕ: Анѓушев да каже дали влезе во Владата за да добива тендери и привилегии

СДСМ и Анѓушев немаат одговор на прашањата кои ги имаат граѓаните за низата скандали од невидени размери во кои е вмешан вицепремиерот за економски прашања, реагираат од опозициската ВМРО-ДПМНЕ на денешното соопштение испретено од вицепремиерот Анѓушев.
„Анѓушев мора веднаш да одговори дали единствената причина поради која стана дел од владата на СДСМ е да добива тендери и привилегии за да го отплати енормниот долг од 26 милиони евра кон своите доверители. Анѓушев, Заев и Тевдовски за 11 месеци ‘сработија’ 0 проценти раст на БДП за 2017 година, пад на градежништвото, како и енормен пораст на корупцијата. Ова се ‘придобивките’ од животот кој Анѓушев и СДСМ го донесоа за македонската економија“, сметаат од ВМРО-ДПМНЕ.
Оттаму додаваат дека за разлика од просечниот граѓанин и бизнисмен во Македонија, животот дефинитивно дошол за Анѓушев и неговите компании.
„Животот дојде за компанијата на вицепремиерот ‘Фероинвест’, која доби тендер од државната компанија ЕЛЕМ во вредност од неверојатни 2,6 милиони евра. Ветениот живот дојде и за неговата компанија ‘Брако’, која од владата доби ослободување од царински давачки за увоз на јонско-литиумски акумулатори, кои единствено ги користи фирмата на Кочо Анѓушев во Македонијa“, се наведува во партиското соопштение.
Како што се вели, останува и дилемата дали има поврзаност околу лицитирањето со името и продажбата на неговата компанија за трговија со електрична енергија ЕДС на грчкото електростопанство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Тошковски: Партнерството со САД носи силна поддршка за реформи во МВР

Министерот за внатрешни работи Панче Тшоковски денес оствари тет-а-тет средба со амбасадорката на САД, Анџела Агелер.
„Средбата ја потврди блиската соработка и заедничката посветеност за јакнење на институциите и модернизацијата на системот, како темел за поуспешно справување со криминалот и корупцијата“, соопштија од МВР.
„Партнерството со САД ни носи силна поддршка за нашите реформи во МВР насочени кон професионална и ефикасна полиција, која ќе овозможи зголемена безбедност, правда и доверба кај граѓаните.“, потенцираше министерот Тошковски.
Македонија
Општина Центар: Дератизацијата не е опасност за кучињата и мачките, да не се шират дезинформации

Општина Центар ги отфрла шпекулациите дека дератизацијата претставува опасност за животните.
„Ве информираме дека дератизацијата се спроведува редовно и исклучиво од стручни лица од Центарот за јавно здравје, со употреба на методи и средства кои се безбедни и не претставуваат закана за кучињата, мачките и другите домашни миленици. Апелираме до граѓаните да не подлегнуваат на непроверени и неточни информации кои во јавноста се пласираат од одредени неквалификувани и нелиценцирани лица или организации. Ваквите дезинформации неосновано предизвикуваат страв и паника кај граѓаните и непотребно ја вознемируваат јавноста“, велат од Општината.
Македонија
СДСМ: Мицкоски пак манипулира, со инфлација од 4,8%, реалниот раст на БДП е -1,4%

Со инфлација од 4,8% повисока од растот на БДП, реалната економија оди надолу од -1.4%, а граѓаните тонат во сиромаштија, велат од СДСМ.
„Македонија е далеку од 4-та економија во Европа како што сака Мицкоски да прикаже. Неговите фалби немаат врска со реалноста. Граѓаните не живеат од статистички бројки туку од сопствениот џеб. А таму реалноста е сурова: повисоки цени, пониски приходи и намален квалитет на живот. Македонскиот БДП по жител, според куповната моќ, е само 42% од просекот на ЕУ, повисок просек од нашите граѓани има дури и земјите во регионот, Србија со 51%, Црна Гора со 53%“, се наведува во соопштението.
Од СДСМ велат дека странските инвестиции се преполовени на 221 милиони евра, од 573 милиони евра минатата година.