Македонија
ВМРО-ДПМНЕ: Апасиев, верниот слуга на СДС и ДУИ, го продаде македонскиот блок

Од опозициската ВМРО-ДПМНЕ оценуваат дека Димитар Апасиев тргнал во отворена кампања против нив за повеќе гласови за СДС и ДУИ.
„Апасиев се бори ВМРО-ДПМНЕ да нема 61 пратеник за повеќе гласови да одат кај СДС и ДУИ. Апасиев се бори за помал пораз на СДС и ДУИ. Освен што Апасиев е во коалиција со СДС и ДУИ во општините и советот на Град Скопје, им помага и на криминалната владата на Димитар Ковачевски и Али Ахмети, со напад кон ВМРО-ДПМНЕ. Апасиев и Левица одат директно против македонскиот народ оставајќи простор за условување при формирање на идна влада на ВМРО-ДПМНЕ“, истакнуваат од партијата на Мицкоски.
Според нив, Апасиев е верниот слуга на владата на ДУИ и СДС.
Велат дека глуми патриот на батерии, а е во коалиција со СДС и ДУИ кои работата на штета на интересите на Македонија и македонскиот народ.
„Колку и да се обидува Апасиев да ги спасува Ковачевски и Ахмети и криминалната влада, граѓаните знаат дека тој е само обичен фолирант и не поминува веќе кај народот“, се истакнува во реакцијата од страна на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.