„Казните кои ги добија екс директорите Флориан Бесими и Артан Етеми, се доказ треба реформи во судството се потребни, веднаш! По 1,5 година казна затвор им беа досудени на Бесими и Етеми, за пожарот во Модуларната болница во Тетово во кој загинаа 14 луѓе“, велат од ВМРО-ДПМНЕ.

„Во секоја нормална држава, казнети ќе беа сите оние кои имаат некаков допир со трагедијата, но само кај нас не. Кај нас се штитат главните виновниците, а доколку некој мора да се пушти низ вода, добива по минимална 1,5 година.

Екс директорот Бесими, во својата одбрана истакна дека до него на обвинителна клупа треба да седне Венко Филипче, кој тогаш беше министер за здравство.

Зошто Филипче не е опфатен со истрагата? И зошто е заштитен како бела мечка? Да потсетиме дека тој дозволи градење на овие модуларни болници додека беше министер.

Реформи во судството на СДС и ДУИ, мора да има! Правда и одговорност, граѓаните мора да добијат!“, соопштуваат од ВМРО-ДПМНЕ.

„Во време кога граѓаните очекуваа резултати, стабилност и достојна европска перспектива, Владата на Мицкоски продолжува да јава на бранот национализам што го јавнаа за време на изборите, и веќе цела година нуди само пропаганда, поделби, понижување и неуспех. Со ова, безмалку веќе цела година, државата наместо да се движи напред, таа станува сѐ позаробена и сѐ повеќе внатрешно поделена“, велат од ДУИ.

„Иако најавен како приоритет број еден, процесот на интеграција во ЕУ е целосно блокиран, без никаков план или било каква предвидлива перспектива за негово одблокирање.

Нашите граѓани немо гледаат како Албанија, Црна гора, но веќе и другите земји од истокот фаќаат чекор со новата европска реалност и чекорат сигурно напред кон полноправно членство во Унијата.

Во исто време, Мицкоски и неговиот најблизок круг, наместо да честитаат на успехот на соседот, тие го засилуваат антиалбанскиот сентимент, навраќајќи се на некакви нивни лични предвидување дека „Албанија никогаш нема да стане дел од ЕУ“.

Наместо инвестиција во зајакнување на меѓуетничките односи, како клучниот столб на долгорочната стабилност на земјата, Мицкоски и неговиот најблизок круг ја засилуваат антиалбанската реторика, која преставува континуитет на нивната изборна мантра за „сместување на Албанците кај што им е местото“.

Овој опасен моноетнички проект во кој Мицкоски го вклучува и обвинителството, судството, олигархијата, дел од невладиниот сектор, длабоко ја дели и поларизира јавноста, процес кој ќе остави долгорочни последици во разнебитување на внатрешното ткиво на земјата.

Економскиот развој постои само во пропагандата на Власта, која ги извитопери сите статистички индекси само за да прикаже некакви позитивни бројки на хартија; во исто време граѓаните во реалноста секојдневно се справуваат со сѐ високи цени, ниски плати и масовно иселување на младите.

Социјалната правда не само што е етнички заробена, туку е и маргинализирана и институциите не одговараат на основните потреби на граѓаните.

На Мицкоски му остана да ја одржува својата политичка позиција со лажен патриотизам, евтин национализам и застарена реторика инспирирана од времето на Милошевиќ.

Оваа Влада е подготвена да направи сѐ за да го прикрие очигледното: недостаток на визија, знаење и храброст да се решаваат реалните предизвици на државата.

Но, Албанците се обединуваат. Наспроти оваа антиевропска и антиалбанска влада се формира достоинствен, национален и граѓански фронт кој бара еднаквост, стабилност и иднина за сите.

Дури и најжестоките политички противници ги оставаат настрана разликите за да го бранат достоинството, националниот интерес и да им го обезбедат на граѓаните она што тие го бараат: пристојна почит и европска перспектива.

Остатоците од Влен во Владата сѐ уште се водат од привилегиите со кои Мицкоски ги држи фатени од власта. Тие ќе останат како последни фигури на една период во заминување, период кој Албанците ќе го паметат по на понижување на нивното достоинство и блокирање на нивните аспирации“, се наведува во соопштението на ДУИ.

Директорот на Центарот за управување со кризи (ЦУК), Стојанче Ангелов, заедно со раководителот на Секторот за аналитика во ЦУК, Стевко Стефаноски, од денеска до петок престојуваат во работна посета на Јапонија.

Утрово во Токио одржаа работна средба со Ито Теројуки, Генерален директор на секторот за Глобална животна средина во Генералната дирекција на Агенцијата за меѓународна соработка на Јапонија (JICA), а во текот на денот ќе се одржат и средби со други високи претставници од оваа институција.

Во текот на утрешниот ден ќе реализираат работна посета на Јапонската вселенска агенција каде што ќе разговараат за можности за добивање корисни податоци и продукти преку јапонската сателитска мрежа во функција на управување со ризици од катастрофи, извести ЦУК.

Во Токио ќе остварат работни средби и во Агенцијата за менаџмент на пожари и катастрофи, каде што ќе се запознаат со јапонскиот генерален систем за менаџирање на катастрофи, понатаму, јапонскиот систем за временска прогноза и мониторинг на шумските пожари како и Системот за рано предупредување на вулкански активности и шумски пожари и Националниот институт за истражување на земјата и отпорност на катастрофи.

Во Кјото ќе ја посетат градската противпожарна служба.

Во Кобе ќе имаат работна средба во седиштето на Префектурата Хјого со цел да се запознаат со планирањето за заштита од природни непогоди и ќе се оствари теренска посета на планината Роко заради увид во технички градби за превенција од ерозија и свлечишта.

Целта на оваа работна посета е размена на искуства и добивање знаења во пресрет на националните активности за реформи на системот за управување со кризи и заштита и спасување, соопштуваат од ЦУК.