Македонија
ВМРО-ДПМНЕ бара власта да каже која е непостојната фирма што направила милионски профит од лифтови

Сѐ што треба да знаат граѓаните за Република Македонија и за оваа Влада, една непостојна фирма со сите придружни фалсификувани документи, да земе 90-ина тендери за лифтови во државните институции, изјави портпаролот на ВМРО-ДПМНЕ, Димче Арсовски, одговарајќи на новинарско прашање во врска со случајот што вчера излезе во јавноста во однос на набавка и сервисирање лифтови во државни институции од непостојна фирма.
Арсовски истакна дека владата треба да излезе и да каже која е таа фирма.
„Зошто ја кријат, зошто ја држат во тајност, зошто молчат? Непостојна фирма сервисирала лифтови, аплицирала на тендери во сериозни институции, како медицински установи, и притоа може да му се случи на некој од пациентите, може да настрада некој, бидејќи не знаеме дали таа фирма правилно ги направила работите во однос на лифтовите“, нагласи Арсовски.
Тој потенцира дека тоа е сѐ поради неспособноста на оваа Влада затоа што пред доаѓањето на СДСМ не сме слушнале дека имало непостојна фирма што зела тендери.
„Но, откако дојде СДСМ, бидејќи сѐ им е сведено на бизнис на тендери во 4 очи, криминал и корупција, сега гледаме дека над 90 тендери добила непостојна фирма. Треба да се види кој сѐ е вмешан, а Владата јавно да каже која е таа фирма, кој ја помагал, затоа што морало некој од власта да ја помага и ова е сериозен скандал. Доаѓа фирма што не постои и зела милионски профит“, рече Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.