Македонија
ВМРО-ДПМНЕ: Башибозукот на командирот, кој пукаше со „калашников“ на веселба, покажува што направил Спасовски од полицијата

„Оливер Спасовски треба да си поднесе оставка затоа што криминалот владее со државата. Затоа што тој како министер 8 години дозволи башибозук во Македонија. Затоа што убијци слободно се шетаат. Затоа што командирите и началниците кои тој ги поставува наместо да го гонат криминалот ги кршат законите“, велат од ВМРО-ДПМНЕ.
„Впрочем последен таков случај беше во Ропотово каде што среде веселба, среде толпа, командир на полициска станица пукал од автоматско оружје и со тоа ги довел во прашање животите на присутните.
Да биде уште пострашно на лиуце место биле присутни високи полициски службеници и никој не реагирал. Дури и автоматската пушка од која било пукано не е пронајдена, што значи дека се работи за нелегално оружје.
Ова ли се европските стандарди? Ова ли е безбедност на една НАТО земја? Како може нелегално, автоматско оружје да поседува и користи еден полициски службеник, кој треба да го спроведува законот?
Ова е одговорност на Спасовски кој 8 години замајува со некаков ветинг, а всушност дозволи целосен башибозлук во министерството за внатрешни работи. Оставката на Спасовски е првиот чекор кон унапредување на безбедноста и мирот на граѓаните“, соопшти ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Пристигнаа првите ученички униформи, во тек е дистрибуција до сите основни училишта во Центар

Општина Центар за прв пат обезбеди училишни униформи за сите ученици во општинските основни училишта. Првите униформи пристигнаа во ООУ „Киро Глигоров“, а во тек е нивна дистрибуција до сите основни училишта на територијата на Центар, соопштија од општината.
„Денеска започна дистрибуцијата на првите ученички униформи во основните училишта во Центар. Униформите се со одличен квалитет, со лого на општината и со име на секое училиште поединечно. Во понеделник, сите ученици ќе ги добијат униформите на првиот училишен ден, верувам дека тие ќе бидат среќни и горди што ќе ја носат оваа униформа“, изјави градоначалникот Горан Герасимовски.
Со оваа активност, како што е нагласено Општина Центар го подигнува квалитетот на основното образование, што вклучува и инвестиции во училишна инфраструктура, дигитализација и безбедност.
Македонија
Мицкоски: Има раст на откупот на земјоделски производи, земјоделците со добра заработка, продолжува поддршката

„Колку повеќе произведуваме, толку помалку увезуваме. Македонија во минатото беше позната како земја производител и извозник на храна, посебно на земјоделски производи“, вели Христијан Мицкоски претседател на Владата на Република Северна Македонија одговарајќи на новинарско прашање.
Мицкоски потенцираше дека согласно Државниот завод за статистика во вториот квартал има околу 60 милиони евра повеќе споредено со она што беше во минатото.
„Во вториот квартал имаме околу 60 милиони евра повеќе споредено со она што беше во минатото. Имаме над 26-27% повеќе откупени земјоделски производи споредено со истиот период минатата година коишто како количина се за 7% повеќе споредено со истиот период лани. Земјоделците се еден од приоритетите на оваа Влада, тоа го покажавме изминативе 14 месеци. И очекувам во таа насока да продолжиме и во иднина затоа што производството на храна ни е исклучително важно“, додаде Мицкоски.
Македонија
На ГП Табановце се чека 30-ина минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори, се бележи зголемена фрекфенција на возила, на ГП Табановце времето на чекање за излез од државата е 30-ина минути, а на другите граничните премини од македонска страна нема подолги задржувања за влез и излез од државата.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.