Македонија
ВМРО-ДПМНЕ: Власта да го поддржи предлогот за намалување на акцизата на горивата за 50 отсто

Предлогот на ВМРО-ДПМНЕ за намалување на акцизата на горивата за 50 отсто е на дневен ред во Собранието, СДСМ и ДУИ да го поддржат, порача опозициската ВМРО-ДПМНЕ преку соопштение.
„СДСМ да го прифати предлогот за намалување на акцизата на горивата за 50 отсто, а не да брка дневен популизам. Предлог-законот за намалување на акцизата на горивата за 50 % денес е на дневен ред во Собранието. Пратениците на СДСМ и ДУИ да го поддржат предлогот, во спротивно ќе потврдат дека бркаат само дневен популизам“, велат од ВМРО-ДПМНЕ.
Од партијата образложија дека намалувањето на акцизата за 50 отсто ќе влијае за намалување на трошоците за производство во земјоделството, индустријата, но и ќе влијае позитивно и врз буџетот на граѓаните.
„Во последната една и пол година цените на горивата поскапеа и до 100 проценти. Единствен начин да се спречи спиралата на поскапување е намалување на акцизата на горивата за 50 отсто. Квазимерката на СДСМ, со која цените на горивата се намалуваат 30 проценти, не е доволна“, велат од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).