Македонија
ВМРО-ДПМНЕ: Водата од хидроакумулацијата ХЕЦ „Глобочица“ се прелива без притоа да произведе ниту еден кWh електрична енергија

Владата донесе одлука за прогласување кризна состојба во снабдувањето со електрична енергија на национално ниво поради недостиг на истата и состојбите на пазарите на електрична енергија, која стапи на сила од 1.9.2022 година во траење од 30 дена. Веќе без сомнение може да се констатира дека СДС и раководството на АД ЕЛЕМ/ ЕСМ се директни виновници за оваа кризна состојба во која се наоѓаме. Сето ова се потврдува, со нестручното, непрофесионалното и недомаќинското работење на раководството на АД ЕЛЕМ/ЕСМ, обвини ВМРО-ДПМНЕ.
„Замислете, во ваква енергетска кризна состојба АД ЕЛЕМ поради лошото планирање на производството и ненавремените ремонтни активности во ХЕЦ Глобочица овие денови се случува прелив, односно водата од хидроакумулацијата се прелива без притоа да произведе ниту еден кWh електрична енергија!
Во прилог е табелата на која јасно се гледа колку вкупно метри кубни во секунда се прелеани од хидроакумулација Глобочица без да биде произведена електрична енергија. Ова е недозволиво да се случува во нормални услови, а не пак во енергетска кризна состојба!
ВМРО-ДПМНЕ бара итна оставка од раководството на АД ЕЛЕМ/ ЕСМ!“, велат од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска во Собранието ќе ја примат државната награда „Мајка Тереза“.
„На 26 август 2025 година (вторник), во Кристалната сала на Собранието на Република Северна Македонија, во 11:00 часот, Одборот за доделување на државната награда „Мајка Тереза“ ќе ја додели државната награда „Мајка Тереза“ за 2025 година за особено значајни остварувања од интерес на државата во областа на хуманоста и човечката солидарност и за потикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери“, соопштија од Собранието.
Македонија
Без струја делови од Центар и Карпош

Без струја денеска ќе останат делови од Центар и Карпош, извести Регионалниот центар за управување со кризи на Град Скопје.
Поради технички зафати во електродистрибутивната мрежа на ден 26.08.2025 година (вторник), без електрична енергија ќе останат:
· од 08:00 до 15:00 часот, корисниците на бул. Партизански Одреди бр. 15, односно стамбените објекти околу објектот – Луна Бизнис Центар. (Општина Центар )
· од 11.00 до 15.00 часот, корисниците од дел од ул. Козле крак -22. (Општина Карпош)
Македонија
Патот Македонски Брод – Скопје сѐ уште е затворен за сообраќај

Поради пожар во националниот Парк Јасен, регионалниот пат Р1106 Македонски Брод – Скопје сѐ уште е затворен за секаков вид на возила, информира АМСМ.
Сообраќајот на останатите државни патишта се одвива непречено, по суви коловози.
Интензитетот на сообраќај на патните правци надвор од градските средини поради летните одмори е зголемен меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.