Македонија
ВМРО-ДПМНЕ: Во Македонија на удар е секој што си ја сака државата
![](https://makfax.com.mk/wp-content/uploads/2018/02/vmro-dpmne-e1529134853108.jpg)
Република Македонија стана земја каде што власта не ги почитува ниту институциите ниту Уставот и законите, реагираат денеска со соопштение од опозициската партија ВМРО-ДПМНЕ.
Оттаму додаваат дека правната држава е заробена од страна на СДСМ, а судството се користи единствено како алатка за политички прогон на неистомислениците.
„Судството и државните институции се под страшен притисок и под контрола на човек обвинет за поткуп за што се увери и јавноста. Во Македонија веќе не се почитуваат конечни и извршни одлуки на Врховниот суд, кој е највисока судска установа. Власта со повторното апсење на веќе ослободените од притвор влева страв кај граѓаните со цел да ги онеспособи сите оние што не се согласуваат со нивните антидржавни и катастрофални политики“, се наведува во партиското соопштение.
Од ВМРО-ДПМНЕ истакнуваат дека Република Македонија е заробена држава и на удар е секој што си ја сака државата и не се согласува со власта.
„Неосновано се монтираат обвиненија само да се прикријат скандалите и криминалот на власта. Сето ова се прави со цел да се дефокусира јавноста од погубните и катастрофални политики на владата. Македонската економија предводена од СДСМ има 0 отсто раст и е убедливо последна на дното во Европа. Планот за реформи 3-6-9 стана план за антиреформи и доживеа тотално фијаско. Наместо реформи во правосудството, добивме заробено судство. Наместо борба против корупцијата, добивме борба за корупција. Наместо професионална администрација, добивме партизирана администрација. Наместо слобода, добивме монтирани случаи и погазена демократија“, стои во соопштението.
Од опозициската партија велат дека СДСМ преку штетните политики целосно ги уништила македонските институции и државата, а сметката за тоа со генерации ќе ја плаќаат граѓаните на Република Македонија. Оттаму додаваат дека колку побргу падне оваа власт, толку побргу Република Македонија ќе тргне на вистинскиот пат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Летен времен режим на сообраќај на државните патишта во Македонија
![](https://makfax.com.mk/wp-content/uploads/2023/07/DSC_4886-1.jpg)
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури, извести АМСМ.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.
Македонија
На Табановце и Богородица се чека најмалку 45 минути
![](https://makfax.com.mk/wp-content/uploads/2024/06/granica-bogorodica-1.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен.На граничниот премин „Табановце“ времето на чекање за влез во државата изнесува околу 45 минути. На граничниот премин „Богородица“ времето на чекање за излез од државата изнесува околу 45 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Распишан е тендер за компресорите, Таравари се надева дека до крајот на годината ќе се реши проблемот со хируршките сали
![](https://makfax.com.mk/wp-content/uploads/2024/07/hirurgija.jpg)
Почнува да се решава проблемот со хируршките сали, објавен е тендер за компресорите, истакна министерот за здравство, Арбен Таравари.
„Се надевам дека до крајот на декември ќе се завршат и комплетно и ќе се вратат во функционална состојба хируршките сали во Клиничкиот центар во Скопје. Во меѓувреме ќе инсистираме ако може што поскоро да се случи тоа“, рече Таравари.
Одговарајќи на новинарски прашања, министерот истакна дека од она што можел да го види, состојбата со салите на Клиничкиот центар не била добра, а според кажувањата исто е и на Клиниката „8 септември“. Најави дека по консултација со Министерството за финансии ако добие дозвола, и се изнајде начин плаќањето да се одвива во неколку години, ќе инсистира да почнат со реновирање.