Македонија
ВМРО-ДПМНЕ ги повикува граѓаните на протестен марш во Кичево
СДСМ и Зоран Заев се обидуваат преку манипулации да ги излажат граѓаните на Република Македонија дека нивното криминално и расипничко работење е по европски стандарди. СДСМ свесно поттикнува поделби во општеството со изјаснување кој е за и против НАТО или ЕУ поистоветувајќи ја западната ориентација со поддршката на капитуланскиот договор со Грција со кој што Заев се обидува да го покрие криминалот што го прави, се вели во соопштението на ВМРО-ДПМНЕ.
Според партијата, договорот со Грција не е ништо друго туку бришење на Република Македонија, македонскиот идентитет, откажување од традицијата, културата и историјата. ,,Договорот со Грција значи менување на Уставот, јазикот и откажување од Македонците не само надвор од границите на државата, туку и во неа. Срамниот договор на Заев е капитулација каква што не прифатил ниту еден политичар до сега. Таков капитулантски договор може да прифати само политичар кој нема ниту капацитет, ниту храброст, ниту образ да ги брани државните и национални интереси. Политичар кој е аболициран за криминал, кој продолжува да работи криминално и кој за да се спаси е подготвен да ја витка кичмата. Тоа не се европски вредности”, се додава во соопштението.
ВМРО-ДПМНЕ смета дека не се европски вредности делење на средства од Фондот за иновации на роднини на функционери во Владата. Не е европска вредност доделување на тендери вредни милиони евра на фирми кои се формирани една недела пред да го добијат тендерот
,,Бизнисите за марихуана и доделување на градежно земјиште не се европска вредност кон која треба да се стремиме. Македонија и македонскиот народ нема никогаш да прифатат, ниту да ги поддржат распродавање на националните интереси се со цел прикривање на криминалот. СДСМ и Зоран Заев треба да си заминат од власт. Само така Република Македонија ќе продолжи напред и на тој начин ќе ги достигне европските вредности кон кои се стреми од независноста па до сега. Затоа ги повикуваме сите граѓани да ни се придружат на протестниот марш кој што го организираме во Кичево во недела со почеток од 13 часот кај кружниот тек кај автобуската станица. Обединети, заеднички и сложно да и кажеме доста е на оваа ненародна власт, доста е со криминалите и доста е со распродавањето на државните и националните интереси”, се истакнува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.