Македонија
ВМРО-ДПМНЕ го поддржа протестот на новинарите: Да се тргнат стегите на слободната мисла и изразувањето, власта е изворот на цензурата

ВМРО-ДПМНЕ соопшти дека го поддржува протестот на новинарите. Сметаат дека е потребно да се тргнат стегите на слободната мисла и изразувањето. Власта е изворот на цензурата, обвинуваат од опозициската партија.
„Недостоинствено и непрофесионално е што се етикетираат медиуми и тоа што власта и политички поединци кон медиумите гледаат непријатели. За ваквиот амбиент во најголема мера одговорна е Владата на Ковачевски, која веќе подолг период ги шиканира новинарите, кои гласно ја говорат вистината, медиумите се ставени на отстрел како на Ковачевски и министрите така и на Али Ахмети.
Дури 61 % од граѓаните сметаат дека во државата нема демократија. Ова е резултат на непочитувањето на човековите права, скратувањето на правото на слободно изразување и говор, секојдневното цензурирање и заканите кон медиумите.
За една година, резултатите на прашањето „Дали Македонија е демократска земја“ се дека незадоволството и негативниот одговор се зголемиле 21 %. Во 2021 година оцена 1 и 2 дале 40 % од граѓаните, 2022 година 61 % од граѓаните. Власта само декларативно зборува за слобода и права, а во реалноста ги оневозможува медиумите и новинарите во нивната работа“, соопшти ВМРО-ДПМНЕ.
Оваа власт нема капацитет за да се смени на подобро, со оваа власт медиумската слобода и правата може да бидат само повеќе загрозени, потребни се промени и нова влада со нов пристап и загарантирани човекови права и слободи, порачаа од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.