Македонија
ВМРО-ДПМНЕ: Градоналаниците од ВМРО-ДПМНЕ сè уште ги санираат и плаќаат сметките на нивните претходници од СДСМ

Градоначалниците од ВМРО-ДПМНЕ уште ги санираат штетите и плаќаат сметките за скапо јадење на нивните претходници од СДСМ, велат од опозициската партија.
Оттаму додаваат дека градоначалниците од СДСМ кога ги напуштале општините се погрижиле нив да ги остават со празни каси, или дури и сметки во минус, но и многу побарувања за плаќање на скапите јадења со кои се гоштевале низ рестораните.
„ Градоначалниците на ВМРО-ДПМНЕ во сите скопски општини ги исчистија дивите депонии и хаосот кој го оставија нивните претходници. Градоначалникот на Битола го продолжи проектот за изградба на стадионот, кој беше почнат уште во време на ВМРО-ДПМНЕ, а СДСМ 4 години не го направи. Во Охрид се почнаа нови улици, во Илинден ново училиште. Во секоја нова општина се почна со проекти.
Но ако граѓаните се прашуваат со што друго беа соочени градоначалниците на ВМРО-ДПМНЕ тоа се скапите сметки како таа што ја направил командирот на скопската пожарна нарачувајќи телешки бифтеци, медалјони и скапи нарачки како фрути ди маре од 8.600 денари порција. Како изговор за ова скапо гоштевање е дека правеле прослава за скалата која ја купија дупло поскапо од тоа што ја купи Град Загреб“, се вели во соопштението.
Вакви енормни сметки, како што велат, се правеле по ексклузивни ресторани и за време на изборите.
„ На 22 октомври Љубица Јанчева, тогашен претседател на Советот на Град Скопје, потрошила 39.700 денари за едно јадење во ексклузивен локал на Кејот на Вардар. Овие и многу други сметки кои се плаќани со пари на скопјани и граѓаните на другите општини се дел од проблемите со кои се соочија градоначалниците од ВМРО-ДПМНЕ. Времето на криминал и јадење на скапи јадења на сметка на народот заврши“, порачаа од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: Меѓусебната заштита на Коцевски со СДС и ДУИ е причина за 2% доверба во судството

СДС ги штитат корумпираните обвинители и судии бидејќи им овозможуваат закрила на нивните функционери, велат од ВМРО-ДПМНЕ.
„Клиентелизмот на Коцевски е гаранција за заштита и неказнивост на функционерите од СДС и ДУИ.
Поддршката што Коцевски ја доби од Филипче е меѓусебна заштита која ја гуши правдата во државата. Бидејќи доколку падне Коцевски, ќе се отворат врати за истраги како против Филипче така и за останатите функционери од СДС и ДУИ.
СДС со негласањето на интерпелацијата целосно се разголи, и на виделина пред јавноста излезе спрегата помеѓу СДС, ДУИ и Коцевски.
Очигледно е дека СДС и ДУИ стојат зад заштитата на Коцевски, кој за возврат не презема ништо за наводните злоупотреби и сомнежи за висоока корупција како и сомнителни тендери поврзани со Филипче, Заев и Ахмети.
Со одбивањето да ја поддржат интерпелацијата, СДС и ДУИ јасно покажаа кој го поставал Коцевски и кој го одржува на функцијата, јавниот обвинител Коцевски.
Се додека Коцевски е на позицијата, довербата во правосудството ќе биде помала од 2%, а одговорност за криминалите поврзани со СДС и ДУИ нема да има.
Доколку постои грам морална одговорност кај Коцевски, треба да ја препознае пораката од јавноста и да си поднесе оставка.
На Македонија и се неопходни темелни реформи во судството, правосудство растеретено од политички влијанија каде судиите и обвинителите ќе носат одлука врз основа на законите и Уставот а не под влијание на партиските интереси на СДС и ДУИ.
Во Македонија неопходно е правдата да завладее, неопходни се коренити реформи и трансформација на судскиот систем“, пишува во соопштението на ВМРО-ДПМНЕ.
Македонија
Времето денеска сончево со мала до умерена облачност, попладне локален пороен дожд и грмежи

Времето денеска ќе биде сончево со мала до умерена локална облачност.
Ќе дува слаб до умерен ветер претежно од југоисточен правец.
Попладне ќе има изолиран развој на нестабилна облачност со локален пороен дожд и грмежи.
Минималните температури ќе се движат од 12 до 20, а максималните од 26 до 36 степени целзиусови.
Во Скопје, сончево со мала до умерена облачност. Ќе дува слаб ветер од југоисточен правец. Минималната температура ќе биде 17, а максималната дневна ќе достигне 36 степени.
Македонија
Бендевска: Да го продолжиме заветот од Илинден и пораката од АСНОМ

По повод 2 Август – Денот на Републиката, во име на претседателот на Собранието на Република Северна Македонија, Африм Гаши, потпретседателката на Собранието на Република Северна Македонија, Весна Бендевска, заедно со собраниска делегација во состав: Бране Петрушевски, Никола Коњановски, Даниела Николова и Даниел Стојчевски, одбележа 81 година од Првото заседание на АСНОМ, во Меморијалниот центар АСНОМ во Пелинце.
„На хероите на двата Илиндена кои се жртвуваа за денес да можеме да бидеме свои на своето, да им ветиме уште еднаш дека денешните генерации нема да го заборават заветот што ни го оставија. Да ги насочиме нашите погледи, стремежи и напори од заедничкото минато, кон заедничката сегашност и иднина. Да го продолжиме заветот од Илинден и пораката од АСНОМ“ – порача потпретседателката Бендевска.