Македонија
ВМРО-ДПМНЕ: Европскиот пат го блокираа СДС и Ковачевски – преземаа обврски, без можност да испорачаат
Европскиот пат го блокираше СДС и Ковачевски, преземаа обврски, без да имаат можност да испорачаат, велат од ВМРО-ДПМНЕ.
Во партиското соопштение се наведува дека Социјалдемократскиот сојуз и Ковачевски знаеле оти немаат две-третини мнозинство во Собранието за промена на Уставот, но и покрај тоа прифатија обврски за државата и свесно ја заглавија Македонија, само за да се сликаат еднаш и да кажат дека нешто направиле.
„СДС и Ковачевски немаат мандат за промена на Уставот, бидејќи граѓаните, ниту ним, ниту на било која друга политичка партија во парламентот не дале мандат за такво нешто. Не може да се носат стратешки одлуки за државата, кои ќе имаат национални последици, без за тоа да се праша народот.
СДС и Ковачевски знаеја дека ќе ја донесат државата во ќорсокак. Зошто го направија тоа треба самите да кажат. Единствен излез се предвремени парламентарни избори, на кои доколку се уверени во исправноста на своите политики за промена на Уставот нека настапат со истите како главно изборно ветување. СДС знаат дека народот нема да ги поддржи и затоа и бегаат од избори.
Ковачевски нема каде веќе да се крие, и пратеници од неговата партија се за избори, единствена пречка е неговата суета и политичка кариера, која знае дека ќе заврши во 21 часот на денот на гласање, зошто ќе освои најмал број гласови кои СДС некогаш ги освоил“, се наведува во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од неколку скопски населби без струја
Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа без напојување со електрична енергија ќе останат:
• од 06:00 до 07:00 часот, корисниците од населбите: Топанско Поле, Чаир, Бутел, Визбегово и Индустриската зона – Визбегово (Општина Чаир и Општина Бутел)
• од 08:30 до 12:00 часот, корисниците од населените места: Кожле, Бадар. Катлановско Блаце како и Тунелот Ктланово на автопатот Велес – Скопје. (Општина Петровец)
• од 09:00 до 14:00 часот, корисниците од улиците: Наум Чакаров и Борис Сарафов. (Општина Ѓорче Петров)
Македонија
Прекинато водоснабдување во Општина Гази Баба и Центар
Од ЈП Водовод и канализација – Скопје известуваат дека денеска (вторник), поради дефект на водоводна мрежа со пречник од ф-150 мм во парк шума Гази Баба, од 09:00 часот до санирање на дефектот, прекинато водоснабдување ќе имаат корисниците од улиците: 16-та Македонска Бригада, Трифун Хаџијанев, Ташко Караџа, Христо Ботев, Јани Лукровски и дел од Бапчор. (Општина Гази Баба)
поради изведување на водоводен приклучок -80 мм на ул. 9-ти Мај прекинато водоснабдување ќе имаат корисниците од следниве улици : 9-ти Мај, Христо Смирненски, Петар Попарсов, Костурски Херои, дел од бул. Теодосие Гологанов и Борка Талевски.
Водоснабдувањето ќе биде прекинато од 08:30 часот до завршување со работните активности. (Општина Центар)
Најавениот прекин во водоснабдувањето, зa 23.09.2024, односно санацијата на дефект на ул. Франклин Рузвелт 60 , поради технички причини се одложува за 24.09.2024. Прекинато водоснабдување ќе имаат корисниците на дел од ул. Франклин Рузвелт и потегот од Орце Николов до бул. Партизански Одреди од 09:00 часот до завршување со санација на дефектот. (Општина Центар)
Македонија
Без струја делови од Скопје
Од ЕВН – Скопје известуваат дека поради планирани зафати во електро дистрибутивната мрежа денеска, (вторник), без напојување со електрична енергија ќе останат:
од 06:00 до 07:00 часот, корисниците од населбите: Топанско Поле, Чаир, Бутел, Визбегово и Индустриската зона – Визбегово (Општина Чаир и Општина Бутел)
од 08:30 до 12:00 часот, корисниците од населените места: Кожле, Бадар. Катлановско Блаце како и Тунелот Катланово на автопатот Велес – Скопје. (Општина Петровец)
од 09:00 до 14:00 часот, корисниците од улиците: Наум Чакаров и Борис Сарафов. (Општина Ѓорче Петров)