Македонија
ВМРО-ДПМНЕ: Ковачевски кукавички се крие зад партиската работна група за уставни измени, целиот процес е без кредибилитет
Ковачевски кукавички се крие зад работната група за уставни измени. Работната група за уставни амандмани нема кредибилитет, вистинските експерти со време се оградија, се вели во реакцијата од ВМРО-ДПМНЕ.
Оттаму велат дека професорите од областа на Уставното право, луѓе од професијата на уставната материја и научници од сродни области, кои имаат голема професионална кариера не сакаат да бидат дел од аматеризмот наречен работна група за уставни амандмани, затоа што за уставни промени нема консензус.
– Уставни измени можат да се случат само со широк народен консензус, туркање на уставни промени спротивно на волјата на народот од една тесна политичка клика само носи поделби во општеството и дополнително негодување. Кога СДС и ДУИ видоа дека немаат експерти за во работната група, прибегнаа кон ангажирање на пензионирани луѓе, кои се родители на нивни функционери, како што е примерот со Бранко Наумовски, татко на поранешниот градоначалник на Ѓорче Петров, сестри на функционери од ДУИ, како што е примерот со Беса Арифи, сестра на Теута Арифи и луѓе кои се јавуваат како дежурни пропагатори на политиките на власта во дебатни емисии или во колумни како Ана Чупеска, велат од ВМРО-ДПМНЕ.
Од опозициската партија додаваат дека „на листата на таканаречени експерти се најде и поранешниот претседател на Уставниот суд, Сали Мурати, кој им ги зголеми платите на судиите, под изговор дека се гладни, а тој самиот на имотен лист имаше пријавено цело богатство, два стана и куќа. На листата се и Јетон Шасивари, Марија Пендевска и Бајрам Положани, кои не пропуштаат дебатна емисија да ја пофалат власта, а дел од нив беа и поддржувачи на криминалното СЈО“.
Колку СДС не знае што прави покажува фактот дека во работната група ја ангажирале и Јагода Митревска, која самата се фали дека има искуство со кампањи и следење на избори во Русија. Па така од набљудувач на кампањи во Русија до креатор на Уставни измени во Македонија, стои во соопштението од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Започнува третото издание на „Маалски фестивал“
Со изложби, креативни работилници, концерти, базари, саеми и други културни настани стартува третото издание на „Маалски фестивал“. Градоначалникот на Општина Центар Горан Герасимовски вели дека со фестивалот општината гради традиција на различни културни вредности.
„Маалски фестивал е уникатен сам по себе затоа што нуди навистина различни аспекти од културното изразување на уметниците и Здруженијата кои имаат учество во фестивалот. Станува збор за тридневен фестивал кој е во организација на Културниот Центар Јадро. Истиот започнува во петок има навистина богата програма за сечиј вкус и за секоја возраст. Овој мултимедијален и инклузивен колаж од збиднувања има за цел да ги анимира и инспирира граѓаните, односно уметниците и публиката кои заеднички ќе учествуваат во создавање на една неповторлива и автентична маалска приказна“, вели Герасимовски.
Герасимовски најавува дека Фестивалската програма започнува во петок на 27 септември со Креативна работилница за изработка на све и свашта за у Маало која започнува во 10 часот, а потоа и работилница за изработка на урбана опрема под водство на Никола Писарев.
Маалскиот фестивал вклучува танц, музика, книжевност, прошетки по маало, филмски промоции, театарски претстави и уличен базар. Овој мултимедијален и инклузивен колаж од збиднувања има за цел да ја анимира и инспирира локалната заедница.
Скопје
Дел од неколку скопски населби без струја
Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа без напојување со електрична енергија ќе останат:
• од 06:00 до 07:00 часот, корисниците од населбите: Топанско Поле, Чаир, Бутел, Визбегово и Индустриската зона – Визбегово (Општина Чаир и Општина Бутел)
• од 08:30 до 12:00 часот, корисниците од населените места: Кожле, Бадар. Катлановско Блаце како и Тунелот Ктланово на автопатот Велес – Скопје. (Општина Петровец)
• од 09:00 до 14:00 часот, корисниците од улиците: Наум Чакаров и Борис Сарафов. (Општина Ѓорче Петров)
Македонија
Прекинато водоснабдување во Општина Гази Баба и Центар
Од ЈП Водовод и канализација – Скопје известуваат дека денеска (вторник), поради дефект на водоводна мрежа со пречник од ф-150 мм во парк шума Гази Баба, од 09:00 часот до санирање на дефектот, прекинато водоснабдување ќе имаат корисниците од улиците: 16-та Македонска Бригада, Трифун Хаџијанев, Ташко Караџа, Христо Ботев, Јани Лукровски и дел од Бапчор. (Општина Гази Баба)
поради изведување на водоводен приклучок -80 мм на ул. 9-ти Мај прекинато водоснабдување ќе имаат корисниците од следниве улици : 9-ти Мај, Христо Смирненски, Петар Попарсов, Костурски Херои, дел од бул. Теодосие Гологанов и Борка Талевски.
Водоснабдувањето ќе биде прекинато од 08:30 часот до завршување со работните активности. (Општина Центар)
Најавениот прекин во водоснабдувањето, зa 23.09.2024, односно санацијата на дефект на ул. Франклин Рузвелт 60 , поради технички причини се одложува за 24.09.2024. Прекинато водоснабдување ќе имаат корисниците на дел од ул. Франклин Рузвелт и потегот од Орце Николов до бул. Партизански Одреди од 09:00 часот до завршување со санација на дефектот. (Општина Центар)