Македонија
ВМРО-ДПМНЕ: Власта како раштиман оркестар, велеа дека имаат мнозинство, а сега им фалат 8 пратеници

Опозициската партија ВМРО-ДПМНЕ коментира дека владејачкото мнозинство делува како раштиман оркестар.
Коментарот следи по денешниот брифинг со новинарите, на кој министерот за надворешни рабои, Бујар Османи рече дека фалат околу осум пратеници за гласање на уставните измени.
Според ВМРО-ДПМНЕ, секое излегување на министерот на јавната сцена е посмешно и поконтрадикторно од претходното.
„Еднаш велеа дека имаат мнозинство за уставни измени, а сега им фалеле само осум пратеници“, велат од ВМРО-ДПМНЕ, притоа додавајќи дека вистината е сосема поинаква, односно пратеници од мнозинството, меѓу кои и од Социјалдемократскиот сојуз застануваат на страната против уставните измени, под овие услови.
ВМРО-ДПМНЕ коментира дека разногласие има и во самата ДУИ, па додека собранискиот спикер Џафери вели дека уставните измени може да не се стават на гласање во август, друго говори министерот Бујар Османи.
Опозицијата повтори дека решение е спроведувањето на предвремени избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Дел од Карпош денеска без вода

Од ЈП Водовод и Канализација известуваат дека денеска поради дефект во шахта на улицата Шекспирова бб (во близина на Тинекс маркет), општина Карпош, прекинато водоснабдување ќе имаат корисниците од истата улица.
Водоснабдувањето ќе биде прекинато од 09:00 часот до завршување со санација на дефектот.
Македонија
Сончево со мала до умерена облачност, температурата до 37 степени

Времето денеска ќе биде сончево со мала до умерена локална облачност. Ќе дува слаб ветер од променлив правец.
Минималната температура ќе биде во интервал од 9 до 20, а максималната ќе достигне од 28 до 37 степени.
Во Скопје, сончево со мала до умерена облачност и со слаб ветер од променлив правец.
Минималната температура ќе се спушти до 15, а максималната ќе достигне до 34 степени.
Времето во наредните денови
Во среда и четврток ќе биде променливо облачно, наместа нестабилно со пороен дожд и грмежи, локално во форма на невреме. Потоа следи стабилизирање на времето.
Македонија
Мицкоски за предлогот на Филипче: Немам добиено никаков документ, ако добијам ќе дадеме наш инпут

„Па да го видиме документот, јас тоа велам да го видиме документот којшто ќе го поднесат. Се надевам дека ќе дозволат и ВМРО-ДПМНЕ и пратеничката група од владејачката коалиција да дадат свој инпут на сето тоа. Да го видиме документот, да видиме што е тоа што ќе понудат ново.“, вели Христијан Мицкоски, претседател на Владата одговарајќи на новинарско прашање како го коментира предлогот на Венко Филипче.
Премиерот Мицкоски додаде дека многу такви декларации предложени од СДСМ се само обично слово на хартија и воопшто не се почитувале.
„Иако мора да кажеме дека во минатото декларациите на СДСМ се декларации коишто на крај завршуваат како обично слово на хартија, воопшто не се почитуваат. Имавме многу такви декларации во минатото како што кажав, но за жал СДСМ сето тоа коешто го декларира апсолутно не го почитуваше кога имаше кревка можност да управува со владата. Така што еве да го видиме тој документ, па да дадеме и ние наш инпут врз основа на тоа што ќе го видиме.“, изјави премиерот Мицкоски.