Македонија
(Видео) ВМРО-ДПМНЕ не го поддржува новиот закон за Охридскиот Регион, смета дека власта можела да дејствува и досега

Пратеничката група на ВМРО-ДПМНЕ на денешната Комисиска расправа за усвојување на новиот предлог-закон за управување со природното и културното наследство на Охрид не го поддржа усвојувањето со образложение дека предвидениот мораториум за градба во Охрид и слични мерки владата можела да ги спроведе и со постоечкиот закон.
„Владата и сите надлежни институции можеа досега да донесат одлука за рушење на дивоградбите и без овој нов закон. Во оваа фаза на законот, колку и да сакаме да бидеме конструктивна опозиција, нема да го поддржиме“, рече Магдалена Манаскова од ВМРО-ДПМНЕ.
Лилјана Поповска од ДОМ, пак, тврди дека суштински промени во законот има и, како што рече, од Надзорната расправа констатирале дека стариот закон имал пропусти токму во прекршочните мерки.
„Не треба да коментираме дали новиот закон и во колку проценти е ист како стариот, важно е дека во него се имплементирани засилени мерки на заштита”, реплицираше Поповска.
Факт е дека Охрид се наоѓа во страшна состојба и затоа УНЕСКО бара од нас реална разработка на план со кој ќе се справиме со оваа голема криза, а одговорноста е на сите, рече Никица Корубин.
Според неа, „ние не сме ги почитувале постоечките закони и сме го довеле Охридскиот Регион во ваква состојба“.
„Сите сме виновни, и локалната и извршната власт, граѓаните не се информирани, а медиумите недоволно ја информираа јавноста. Но сега се плашам дека ако продолжуваме со напаѓање и собирање политички поени, а не се концентрираме на решенија, ќе влеземе во поголема криза. Законот треба што побргу да се донесе и да стапи на сила“, смета Корубин и нагласи дека ни е потребна странска експертска помош за да ја вратиме довербата од УНЕСКО.
Комисиската седница е прекината заради пленарната, а за продолжението на расправата ќе известат дополнително.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Немаат симптоми лицата кои биле во контакт со заразените со мајмунски сипаници

Контактите на лицата позитивни на мајмунски сипаници не развиле никакви симптоми на заболување.
Институтот за јавно здраваје информира дека нивни епидемиолози стапиле во комуникација со контактите и тие немаат симптоми, додека позитивните лица се во добра состојба.
Од тука велат дека нема нови сомнителни случаи кои што се испратени за тестирање, ниту нови позитивни случаи.
Институтот за јавно здравје денес отвара две нови телефонски линии за информирање за Mpox од кои едната за консултации на граѓани, а втората за консултација на здравствени работници
По двата потврдени случаи, се проценува дека засега ризикот за ширење на оваа болест во нашата држава останува низок.
Македонија
Собранието в среда ќе гласа за предлогот Трајко Славески да биде нов гувернер

В среда, 28 мај, ќе се одржи седницата за избор на гувернер на Народната банка (НБРМ).
Според информациите објавени на веб страницата на Собранието, сендицата ќе почне во 11 часот, а изборот на гувернер е прва точка на дневниот ред.
За оваа позиција претседателката Гордана Сиљановска-Давкова го предложи актуелниот претседавач на Советот на Град Скопје, професорот Трајко Славески. Од нејзиниот кабинет по предлогот истакнаа дека при носењето на одлуката, претседателката се водела од стручноста и компетентноста, дигнитетот и интегритетот, како и реалната можност за именување на кандидатот.
ВМРО-ДПМНЕ најави поддршка за Славески, додека опозициската СДСМ соопшти дека нема да го поддржи, нарекувајќи го партиски кадар.
Славески, доколку биде избран за гувернер, ќе си замине од функцијата во Град Скопје.
Македонија
„Марш за ангелите“ – во Кочани утре нов марш на семејствата на настраданите во пожарот

Седмиот „Марш за ангелите“ за настраданите во пожарот во дискотеката „Пулс“ ќе се одржи утре во Кочани.
Маршот на кои семејствата повторно ќе побараат неселективна правда ќе почне во 16:05 часот од Паркот на Револуцијата и ќе продолжи кон Трговскиот центар по што учесниците ќе се упатат кон општинската зграда, а оттаму кон Полициската станица и пред Основниот суд и Обвинителството во Кочани.
Поддршка на маршот даде и движењето „Кој е следен?” кое организира бесплатен автобуски превоз од Скопје до Кочани.