Македонија
ВМРО-ДПМНЕ: Општина Аеродром подига зеленило

Откако од СДСМ повикаа градоначлникот на Општина Аеродром да обезбеди чист воздух за жителите, од ВМРО-ДПМНЕ велат дека Општина Аеродром максимално го штити зеленилото.
„На директно барање на општината дури и се отстранети од ГУП и од ДУП неколку објекти со чија изградба ќе се предизвикаше намалување на зелените површини. Општина Аеродром не само што не дозволува да се гради во зеленилото, туку и самата подига нови зелени површини и со изградбата на 10 нови урбани паркови на површина од околу 200.000 квадратни метри го има заслужено епитетот најзелена општина во Република Македонија во која има 28 м2 зеленило по глава на жител’, велат од партијата.
Појаснија дека со „Денот на дрвото“, акцијата „Македонија земја на розата“ и голем број други еколошки акции во последните четири години се насадени над 50.000 листопадни и зимзелени садници од видот платан, бреза, даб, каталпа, јасен, чемпрес, јавор, туја и други видови и цвеќиња, во соработка со заедниците на сопственици и со јавните претпријатија „Паркови и зеленило“ и „Македонски шуми“.
Единствено каде што се гради во општината, се вели во партиското соопштение, се локации на кои постојат веќе станбени објекти, или пак станува збор за локации во приватна сопственост.
„Тоа се фактите кои манипулантите од СДСМ не сакаат да ги признаат за точни, бидејќи се навикнати да лажат со ноторни измислици и да се надеваат дека граѓаните ќе им поверуваат“, велат од ВМРО-ДПМНЕ./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.