Македонија
ВМРО-ДПМНЕ: Помина една недела откако Мерко е на црната листа на САД, а ДУИ и СДС сè уште го кријат својот миленик

Мерко веќе една недела се крие во глувчешка дупка, избегнува да се појави пред јавноста и медиумите, а за тоа очигледна поддршка има од неговата матична партија ДУИ и нивниот подизведувач во владата СДС, велат од опозициската ВМРО-ДПМНЕ.
„Од една страна секој ден устите им се полни со САД и ЕУ, а од друга страна кога нашите меѓународни партнери, ќе укажат директно со име и презиме на криминални активности, кои ги сторил нивен сопартиец, тогаш молчат, се кријат и не ги интересира нивното мислење“, реагираат од партијата на Мицкоски.
Според ВМРО-ДПМНЕ, дволичноста на ДУИ и СДС е јасна и лесно препознатлива кај граѓаните, кои нема да им простат на следните избори и тие ќе им пресудат.
Во соопштението подвлекуваат, дека правдата и одговорноста која ја бараат, ќе ја донесе ВМРО-ДПМНЕ, по формирањето на новата влада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.