Македонија
ВМРО-ДПМНЕ: Предизвиците во РЕК „Битола“ се резултат на менаџирањето на СДСМ со ЕСМ
СДСМ ја труе јавноста со неточни информации во обид да предизвика паника за наводни хаварии во РЕК Битола. Багерот КАУ 300 е оперативен и во функција, а во тек е краткотрајна замена на дел од транспортната лента на Главниот транспортен систем за јаглен. Исто така, производството на јаглен од рудниците ПЈС Суводол и од Брод-Гнеотино тече нормално и во континуитет, и покрај сите проблеми што новото раководство ги наследи, велат од ВМРО-ДПМНЕ како реакцијата кон СДСМ.
„Кадровските промени во одредени работни единици се во функција на целосно искористување и оптимизација на човечкиот потенцијал, со цел дополнително зајакнување на перформансите на комбинатот и се сосема нормална работа во секоја компанија која цели кон консолидација и подобри резултати.
СДСМ е најмалку повикана да коментира за состојби во РЕК Битола што ги предизвикаа нивните кадри поради несовесно работење во сите сегменти од најголемиот државен производен капацитет. Уште на стартот на грејната сезона во повеќе јавни настапи, новото раководство на АД ЕСМ и на РЕК Битола информираа дека нашиот најголем производител на електрична енергија е затекнат во катастрофална состојба, и во рудниците и во термоелектраните. Но СДСМ не остави пустош само во РЕК Битола, туку во цело АД ЕСМ. Компанијата ја оставија уништена – и во финансиска и во техничко технолошка смисла, а во тек се процеси на консолидација кои ќе се одвиваат во подолг временски период.
Патем, кога СДСМ се дрзнува да коментира за состојбите со рудниците и рударската механизација во РЕК Битола, ќе ја потсетиме јавноста дека за време на нивното менаџирање со комбинатот – токму Главниот транспортен систем за јаглен, беше нефункционален по целата должина. Очигледно, ним им одговарале таквите состојби со цел да го направат АД ЕСМ зависно од увозен јаглен потребен за производство на електрична енергија“, се додава во реакцијата.
„Заради систематско запушување на одводните канали од нивна страна, механизацијата во рудниците беше удавена и нефункционална со недели – после секој дожд или стопен снег.
Јавноста допрва ќе гледа кој, на каков начин и со која цел го уништувал имотот на една од стратешки најважните компании во Македонија. Случајот „Адитив“ е само капка во морето во однос на она што очекуваме да го презентираат надлежните органи и институции по завршените истраги. Сите виновници за затекнатите очајни состојби во АД ЕСМ и во производните капацитети, со акцент на РЕК Битола и на РЕК Осломеј – очекуваме многу брзо да бидат обелоденети со име и презиме и да сносат целосна одговорност.
Тоа што се уништи од претходните раководства во последните пет години – невозможно е да се надмине за неколку месеци. Вработените и раководството на комбинатот секојдневно се борат со проблемите што ги оставија СДСМ и нивните коалициони партнери“, потенцираат во реакцијата.
Во овој контекст, апелираме опозициските политичките партии да не го користат со лажни конструкции – РЕК Битола и генерално АД ЕСМ, за дневнополитички манипулации!-додадоа во реакцијата.
Дали РЕК „Битола“ е пред целосен колапс? – прашаа претходно од СДСМ денес тврдејќи дека главниот багер за ископ на јаглен во рудникот Суводол, КУ 300, е надвор од функција заради дефект на моторот, а главниот транспортен систем не работи заради хаварија во која се исцепило парче лента во должина од 4 километри. Нема маст за машините, нема масло за камионите и булдожерите, нема резервни делови…
„Ископот на јаглен во РЕК ‘Битола’ е на историски минимум! За одржување на минималното производство, потрошувачката на мазут е триплирана, за што се трошат баснословни суми пари. Наместо решенија за хаосот што сами го создадоа, раководствата на комбинатот и на АД ЕСМ, прават козметички промени во менаџерскиот тим. Разрешен е директорот на Рудници на РЕК ‘Битола’, Златко Шиниковски после само пет месеци откако беше назначен на функцијата. Променети се и неколку раководители на сектори во Рудници, што само потврдува дека неспособни кадри го водат комбинатот од кој зависи цела држава.
Овој некадарен тим кој го раководи РЕК ‘Битола’ во меѓувреме си донел одлука за плаќање на прекувремената работа и за нив, а не како што беше досега само за работниците. Така, сега платите на директорите, раководителите и советниците ќе достигнуваат над 2.000 евра, додека РЕК е во хаос. Срамно е ова што му се случува на РЕК ‘Битола’ за да се задоволат интересите на ВМРО–ДПМНЕ“, реагираа од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото) Филипче положи цвеќе на вечните почивалишта на претседателите Глигоров и Трајковски и премиерот Кљусев
По повод 8 Септември, Денот на независноста на Република Северна Македонија, претседателот на Социјалдемократскиот сојуз на Македонија, д-р Венко Филипче, заедно со заменик-претседателката на СДСМ, Фани Каранфилова Пановска, и генералниот секретар на партијата, Александар Димитријевиќ, положија цвеќе и оддадоа почит на вечните почивалишта на првиот претседател на независна Македонија, Киро Глигоров, поранешниот претседател Борис Трајковски и првиот премиер на државата, Никола Кљусев.
„Со овој чин, СДСМ ја изразува својата благодарност и почит кон државниците кои со својата посветеност и визија оставија траен белег во создавањето на независна, суверена и демократска Македонија. Нивната мисија не беше лесна, но благодарение на нивната мудрост и државнички пристап, успеаја да го трасираат патот кон стабилна, современа и просперитетна држава“, велат од СДСМ.
Претседателот Филипче посочи дека Глигоров, Трајковски и Кљусев го трасираа патот по кој и денес чекориме, пат кој не смееме да го напуштиме, во 1991 се изборивме за независност, денес мора да се избориме за подобра иднина. Тоа не е ниту лесна, ниту брза борба, но е борба вредна за сите граѓани на Македонија, рече Филипче.
Одбележувањето на Денот на независноста не е само потсетување на минатото, туку и обврска за иднината – заедничка, праведна и европска Македонија, додаваат од СДСМ.
Македонија
(Видео) Филипче: Ова е држава на сите, мора да се бориме за нашиот дом
„Државата не е ничија сопственост. Не е сопственост на партиите, ниту на владата. Државата е на граѓаните. Таа е нашиот дом. За нашиот дом мора да се бориме сите“, вели претседателот на СДСМ, Венко Филипче, во видео-обраќањето по повод 8 Септември, Денот на независноста.
Филипче потсети дека пред 34 години, граѓаните со храброст и одговорност ја донесоа една од најважните одлуки во историјата на Македонија – одлуката да живееме во своја, независна држава. Таа независност не беше подарок, туку резултат на визија, мудрост и истрајност.
„Македонија е на тие што се борат со животот секој ден, на тие што се грижат за своите блиски, што работат, што плаќаат даноци, што не бараат привилегии. Македонија е и на тие што останаа овде, и на тие што заминаа, ама не заборавија.“
Во своето обраќање, Филипче предупреди дека денес државата е повторно пред закана – не од оружје, туку од корупцијата, неправдата, дискриминацијата и сиромаштијата. Тој укажа дека оваа власт ја претвора државата во сопственост на малкумина, а ја оддалечува од граѓаните.
„Сакам да ѝ порачам на власта – ова е земја на сите, за сите. Не е само ваша.“
Според него, патриотизам денес не значи само да се вее знаме, туку да се обезбеди фер судство, еднакви шанси за сите, поддршка за послабите, чист воздух за сите граѓани и отчетност во трошењето на јавните ресурси.
„Патриотизам е да се бориш за чист воздух, а не да палиш депонии. Патриотизам е да помагаш на послабите, а не да трошиш од државните ресурси за себе. Патриотизам е да си го средиме сопствениот двор, сопствениот дом, да се грижиме за заедничкото – оти заедничкото е и ваше и наше, и твое и мое.“
Претседателот на СДСМ подвлече дека социјалдемократската идеја била и останала двигател на најважните државни одлуки и историски моменти: Во 1991 и 2001, СДСМ ја сочува државата од војна, ги изгради институциите од нула, ја зголеми минималната плата од 9.000 на 25.000 денари, го зајакна социјалниот систем и вложуваше во граѓаните и го донесе членството во НАТО.
„Сè што имаме – институции, плати, социјална помош, НАТО – не ни беше подарено. Сè е изборено, со многу мака и отпор.“
Во финалниот дел од обраќањето, Венко Филипче ја упати пораката што СДСМ ќе ја носи и во наредниот период – повик за нова, обединета борба:
„Ако 1991 се изборивме за независност, сега треба да се избориме за иднина.“
Филипче потсети дека патот кон Европската Унија не е само геополитички избор, туку обврска кон граѓаните кои сакаат стабилност, правна држава, повисоки стандарди и модерна економија.
„Денес сме на чекор од Европа. Тој чекор мора да го направиме сами, но заедно и обединето. Бидејќи јас верувам дека сите на крајот го сакаме истото – сигурна иднина на оваа држава и на нашите деца“, заврши Филипче.
Македонија
Герасимовски: Независноста е аманет од нашите предци, должност е да ја чуваме и развиваме Македонија
Градоначалникот на општина Центар, Горан Герасимовски упати честитка до сите граѓани по повод 34 години од прогласувањето на незавноста на Македонија.
„На денешен ден, 8 Септември, со гордост се потсетуваме на историската одлука на нашиот народ, да зачекори на патот на слободата и самостојноста, да ја зацврсти својата државност и да ја испише најсветлата страница во современата историја на Македонија.
Овој ден е потсетник дека независноста е вечен аманет од нашите предци, наше е да ја чуваме татковината, да ја развиваме државата и да ја предаваме посилна и поуспешна на идните генерации.
Во време на предизвици, потребни ни се сплотеност, солидарност и меѓусебно разбирање. Само така можеме да изградиме општество во кое ќе владеат доверба, еднаквост и почит, држава во која секој граѓанин ќе се чувствува достоинствено и сигурно.
Да продолжиме заеднички да го остваруваме сонот на генерациите пред нас – Македонија како современа, праведна и европска држава.
Нека ни е честит 8 Септември, Денот на независноста!“, истакнува Герасимовски.
(Видео) Филипче: Ова е држава на сите, мора да се бориме за нашиот дом
„Државата не е ничија сопственост. Не е сопственост на партиите, ниту на владата. Државата е на граѓаните. Таа е нашиот...
Три активни пожари во државата, еден под контрола, а 27 се изгаснати
Во последното денонноќие, до 07:00 часот утрово, на територијата на Р.С. Македонија имало вкупно 31 пожар на отворен простор, од...
Сиљановска-Давкова по повод 8 Септември: Денес, 34 години потоа, сè уште водиме битка за суверена, рамноправна, модерна, стандардна, европска, правна држава, членка на Европската Унија
Претседателката на Македонија, Гордана Сиљановска-Давкова упати честитка по повод 8 Септември – Денот на независноста. „На 8 Септември 1991 година,...
(Видео) Трамп прашан дали ќе нареди напади врз Венецуела: „Ќе дознаете“
Американскиот претседател Доналд Трамп вчера даде интересен одговор кога беше прашан дали би наредил воени напади врз Венецуела. „Па, ќе...
Министерот Мисајловски со честитка до македонските граѓани по повод 8. Септември – Денот на независноста
Министерот за одбрана Владо Мисајловски им упатува честитки на македонските граѓани, по повод 8. Септември, Денот на независноста. Во честитката,...
Гаши: Време е секој од нас да придонесе во зајакнувањето на мирот, стабилноста и соживотот
Претседателот на Собранието на РС Македонија, Африм Гаши на сите граѓани им ја честита 34-годишнината од независноста на државата. „Денот...
(Фото) Вечерашниот небесен спектакл нема да се повтори сè до 2029 година
Љубителите на астрономијата и набљудувачите на ноќното небо вечерва имаа можност да уживаат во небесен феномен. Во ноќта помеѓу 7...
Полициски хеликоптер и два ер трактори се борат со пожарот кај Раштак
Пожар попладнево изби над скопското село Раштак на Скопска Црна Гора. Чадот од пожарот се гледа од поголем дел од...
28-годишен струмичанец сексуално злоставувал малолетна роднина
Дваесет и осумгодишен струмичанец е приведен под сомнение дека се обидел да изврши обљуба врз малолетничка со која бил во...
Сите хоспитализирани од пожарот во Виница се во стабилна здравствена состојба, соопшти МЗ
Тринаесет лица се хоспитализирани по пожарот што вчера доцна попладне избувна во фабриката за кандирани производи и вафли „Макпрогрес“ во...
Се урна покрив на супермаркет во Германија, двајца се тешко повредени
Две лица се тешко повредени, а уште двајца се со полесни повреди при делумно уривање на покрив на супермаркет во...
Руските сили извршија нов масовен напад врз повеќе региони во Украина, меѓу загинатите е и бебе
Руските сили ноќеска извршија нов масовен напад врз повеќе региони во Украина, меѓу кои и главниот град Киев, каде е...
Во пожарот во „Винчини“ повредени се пожарникари, доброволци и вработени во фабриката
Медицинска помош во текот на синоќешниот пожар во фабриката Макпрогрес-Винчини побарале 16 лица, изјави градоначалникот на Општина Виница, Миле Петков....
Зеленски тврди дека речиси 60 проценти од оружјето што го користи украинската армија се произведува во Украина
Украинскиот претседател Володимир Зеленски изјави синоќа дека речиси 60 проценти од оружјето што го користи украинската армија се произведува во...
Подметнат е големиот пожар кој избувна кај селото Косово Дабје близу планината Голак
Пожарот кој синоќа околу 23 часот избувна кај селото Косово Дабје во Општина Делчево, е целосно изгаснат и ставен под...
Пожарот во фабриката „Винчини“ е под контрола, пожарникарите со часови се бореле со огнот
Ставен е под целосна пожарот што изби вчера во фабриката за кандирани производи и вафли „Макпрогрес“ во Виница позната по...
Руската вакцина против рак успешно ги помина претклиничките испитувања и е подготвена за употреба
Руската вакцина против рак успешно ги помина претклиничките испитувања и е подготвена за употреба по добивањето лиценца, објави Вероника Скворцова,...
Чизмите им останале заглавени во стопен шеќер, повредени неколку пожарникари, пожарот во „Винчини“ под контрола
Неколку пожарникари се здобиле со изгореници на стапалата додека го гаснеле големиот пожар во фабриката „Винчини“. Тие се заглавиле во...
(Видео) Фабриката „Винчини“ во пламен, ангажирани пожарникари од повеќе градови
Голем пожар ја зафати фабриката за слатки „Винчини“ во Виница, каде што огнените јазици уништија магацини и неколку производствени погони....
Пет лица повредени, една жена во критична состојба во сообраќајка во Скопје
Пет лица се повредени во сериозна сообраќајна несреќа што се случи вчера околу 19:30 часот на улицата Христијан Тодоровски Карпош...
