Македонија
ВМРО-ДПМНЕ: СДСМ нека бара одговорност за средбите на Џафери, Спасовски и Пендаровски со криминалците и наркобосовите
Очекуваме на следната прес конференција СДС да побара одговорност за средбите на Џафери, Спасовски и Пендаровски со криминалците и нарко босовите, во спротивно нека молчат и не се брукаат, реагира ВМРО-ДПМНЕ на прес-конференцијата на пратеничката Жаклина Лазаевска дека Христијан Мицкоски и ДПМНЕ стануваат засолниште на дилери и се опасност по безбедноста на децата
„Со внимание ја проследивме прес конференцијата на СДС и заклучивме дека обидот за нивната црна кампања кон лидерот на најголемата македонска партија ВМРО-ДПМНЕ Христијан Мицкоски е очајнички.
Се понискиот рејтинг и доверба на граѓаните во СДС, им создава фрустрација која резултира со нова глупост.
Нов ден, нова глупост од СДС.
Сметаме дека некој внатре во СДС сериозно се шегува и со Жаклина Лазаревска, Богданка Кузеска, и со другите членови на партијата кои треба да прочитаат еден лист хартија.
Сакаме да веруваме дека во СДС има некој сериозен лик кој што ќе им каже и ќе се спротивстави на ваквите неиздржани обвинувања.
Што се однесува за криминалците, епа да одиме по ред:
Прво, Талат Џафери, коалициски партнер во власта за кои СДС вели дека е добар и прифатлив предлог за технички премиер се состанувал по кафани со Јетон Кривањева Жила, нарко бос на групата од Грчец, кој беше убиен пред очите на присутните гости во Шиша бар.
Второ, Оливер Спасовски, актуелен министер за внатрешни работи од СДС, има 10тици фотографии со криминалци, кои би требало да ги апси. Искрено не сакаме да веруваме дека тоа му е во делокруг на работата и не разговарале за состојбите во министерството и безбедноста на државата и граѓаните.
Трето, Стево Пендаровски, претседателот на државата, за кој токму Димитар Ковачевски рече дека ги исполнува сите критериуми за да биде повторно кандидат за претседател, се сликал со ликвидираниот Орхан Бајрами Оки, лидер на нарко бос групата од Дуќанџик. Исто така сакаме да веруваме дека овие лица не му се верни пријатели на Пендаровски.
Се надеваме дека во следниот период од СДС ќе се отрезнат.
Очекуваме следната прес конференција на СДС да биде пред Мала Речица, пред претседателската вила на Водно или пред МВР, и да побараат одговорност од нивните функционери.
ВМРО-ДПМНЕ им ветува дека нема да реагира на таквата прес конференција напротив ќе им честита за храброста и одлучноста.
Во спротивно, подобро е СДС да молчи и да и не се брукаат, бидејќи излегуваат недоветни и несериозни пред граѓаните.
Во прилог им ги испраќаме фотографиите на нивните функционери со нарко босовите и криминалците, во случај да се одважат да одржат прес конференција и да ги приложат фотографиите, бидејќи нели, цело е кога има се“, се вели во реакцијата на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маричиќ: Оставаме во наследство подобра држава од онаа која ја затекнавме, но не доволно добра за очекувањата на граѓаните
Македонските гласачи синоќа избраа претседателка на државата и 120 пратеници во законодавниот дом. Им честитам на победниците за успехот, а на граѓаните и на институциите за демократските и мирните избори, напиша на социјалните мрежи вицепремиерот Бојан Маричиќ.
Оценува дека новата власт има доволно гласови и поддршка од граѓаните за да ги решава сите напластени проблеми, но и да ги продолжи европските реформи и да не застрани од патеката на европската интеграција и регионалната соработка, нешто што во повеќе наврати беше јавно промовирано и ветувано од нивна страна.
„Ние, како социјалдемократи, како прогресивни и принципиелни политичари, оставаме во наследство подобра држава од онаа која ја затекнавме, но не доволно добра за очекувањата на граѓаните. Ние како опозиција ќе бидеме постојано тука за потребите на развојот, да иницираме но и поддржиме тоа што им треба на граѓаните, да поддржиме европски реформи, да споделиме искуства, но и да критикуваме и да се бориме за демократија, слобода и социјална правда доколку новата власт се дрзне да се репризира себеси како во годините пред 2017.
Покрај тоа, јас лично, со цел свој капацитет, со цела своја енергија, посветеност и знаење, ќе се вложам во заздравувањето и реформите на СДСМ како партија која искрено ја сакам и со гордост и припаѓам, бидејќи во овој момент каузите за кои целиот свој живот сум се борел се загрозени и со ослабена подлога и база“, додава тој.
Вели дека нема компромис по однос на неговиот порив да продолжам да ги застапува европските реформи за членство на Северна Македонија во ЕУ, користењето на европските можности, солидарност, соработка и почитување на различностите.
„Ќе дејствувам со ум, со разум, со љубов и со посветеност, за подобра европска Македонија, за СДСМ кој води, а не заостанува.
Им благодарам за соработката на сите колеги од Владата, од партијата, од граѓанското општество и од бизнис секторот со кои имав можност да соработувам во изминативе седум години“, истакнува Маричиќ во напишаното.
Македонија
Варјехи: Очекувам со Силјановска да работиме на забрзување на реформите за преговорите со ЕУ
Еврокомесарот за проширување и соседска политика, Оливер Вархеји, и’ ја честиташе победата на Гордана Силјановска Давкова на изборите.
„Честитки за новата претседателка на Северна Македонија! Со нетрпение очекувам да работиме со претседателката Гордана Сиљановска Давкова на забрзување на потребните реформи за да се придвижи напред процесот на пристапни преговори“, наведе Вархеји во честитката на платформата „Икс“.
Congratulations to the new President of North Macedonia!
Looking forward to working w/ 🇲🇰President Gordana Siljanovska-Davkova to speed up the necessary reforms to move forward in the 🇪🇺accession negotiation process.@gogamkd
— Oliver Varhelyi (@OliverVarhelyi) May 8, 2024
Македонија
Радев: Набргу ќе се знае дали ВМРО-ДПМНЕ и Силјановска ќе работат за европската перспектива на Скопје
Бугарскиот претседател Румен Радев вели дека набргу ќе биде јасно дали новоизбраната претседателка на Република Северна Македонија, Гордана Силјановска, и партијата ВМРО-ДПМНЕ ќе работат за европската перспектива на Скопје.
„Секогаш сум ја поддржувал европската интеграција на Република Северна Македонија, но во согласност со принципите на добрососедство и, пред сѐ, Копенхашките критериуми за членство. А тоа би значело промена на Уставот и почитување на правата на македонските Бугари“, вели Радев.
Како што додаде, во изборната кампања се разгорел говор на омраза, кој треба да запре, а натаму е неопходна е ревизија на учебниците, почитување и заштита на бугарското културно и историско наследство.