Македонија
ВМРО-ДПМНЕ: СДСМ троши 100.000 евра за партиска забава во Струмица, а глуми загриженост за граѓаните

Владејачката ВМРО-ДПМНЕ ја обвини СДСМ за лицемерие, тврдејќи дека партијата троши огромни суми пари на забави, додека во јавноста глуми загриженост за економската состојба на граѓаните.
„Додека СДСМ оди по маркети и се преправа дека ја интересира како живеат граѓаните, истата таа партија троши околу 100.000 евра за настан кој го нарекуваат манифестација за Денот на жената. Ова е врв на нивното лицемерие“, велат од ВМРО-ДПМНЕ.
Партијата прашува кој ги платил трошоците за организацијата на овој настан, вклучително и партискиот марш во Струмица.
„СДСМ да одговори кој ги плаќаше сметките по кафеаните и кафулињата во Струмица? Кој ги покри трошоците за автобусите од Скопје, како и за најмените десетина комбиња?“, прашуваат од ВМРО-ДПМНЕ.
Од партијата додаваат дека додека биле на власт, функционерите на СДСМ „краделе од народните пари“, а сега, според нив, со тие исти пари финансираат партиски забави.
„СДСМ треба да престане да ги лаже граѓаните и да даде конкретни одговори“, порачуваат од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.