Македонија
ВМРО-ДПМНЕ: Се прави театар од случајот „Рекет“
 
																								
												
												
											Русковска-обвинителството диригирано од аболираниот Зоран Заев прави театар од случајот „Рекет“, единствено за да ги покрие трагите што водат до врвот на власта, велат од ВМРО-ДПМНЕ преку соопштение.
Од опозицијата коментираат дека секојдневно на површина излегуваат информации што потврдуваат дека обвинителката Вилма Русковска, наместо да води детаљна истрага, го развлекувала случајот.
„Уште на почетокот на судењето се дозна дека Катица Јанева не зела 50.000 евра, како што стои во обвинението, туку 350.000 евра. Русковска не ја интересира ниту што имало на снимките од домот на обвинетиот Боки 13, кои може да доведат до одговорот каде завршила торбата ‘луј витон’ полна со евра.
Се дозна и дека владин министер присуствувал на средби помеѓу Боки 13 и жртвата, информација што Обвинителството ја криеше од јавноста.
Јавноста треба да знае за што разговарале Венко Филипче, жртвата и Боки 13 во истиот период кога се случувал рекетот.
Зошто Русковска ја затвори истрагата, без да побара одговори на клучните прашања?
Каде завршила торбата „луј витон“ со 1,5 милион евра, по која патека се движела и кај кои лица завршиле тие пари?
Кои други бизнисмени биле рекетирани од криминално-рекетарската банда и колку пари од нив биле изнудени?
Дали со парите од „Рекет“ била финансирана кампањата на Стево Пендаровски и СДСМ за претседателските избори?
Што толку големо поседува жртвата за Зоран Заев што е доволно за го сруши?
Зошто покрај сите индиции и информации, обвинението остана само за Катица Јанева, Боки 13 и Зоран Милески-Кичеец?
Целата македонска јавност знае и слушна дека Зоран Заев знае сè. Никој не верува дека обвинетите рекетирале без да имаат поддршка од врвот на власта.
Катица, Боки и Милески се само пипалата, а на сите им е јасно дека главата на тој октопод се вика Зоран Заев.
Дека цел случај ќе биде фарса, се виде уште на самиот почеток кога Русковска им даде доволно време на обвинетите заедно со Заев да ги бришат доказите и да влијаат врз сведоците само за да не се дознае вистината.
Вистината и правдата ќе ги видиме кога оваа криминално-рекетарска банда на чело со СДСМ и Зоран Заев ќе замине од власт.
Граѓаните на Република Македонија ќе ја дознаат вистината и ќе ја видат правдата по 12 април кога ќе победи ВМРО-ДПМНЕ и ќе почне обновата на Македонија“, велат од ВМРО-ДПМНЕ во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Македонија
Луксузен хотел во центарот на Скопје крадел струја: Електродистрибуција пронајде нелегални кабли
 
														Откриена голема кражба на електрична енергија во центарот на Скопје. Хотел со четири ѕвезди на улицата „Луј Пастер“ бил нелегално приклучен на електромрежата, објави Електродистрибуција на социјалните мрежи.

„При техничка контрола во станбена зграда која граничи со хотел на улицата „Луј Пастер”, нашите екипи пронајдоа три нелегални и изгорени кабли како последица на преголема оптовареност.
Каблите веднаш беа исклучени бидејќи претставуваа директна и огромна општа опасност од настанување на пожар. За време на дополнителна контрола се утвди дека хотелот повторно бил приклучен на еден од нелегалните кабли.
Екипите беа попречени во вршењето на должноста при влезот во хотелскиот објект.
Случајот е документиран и за истиот е поднесена Пријава за нелегално приклучување на мрежа и предизвикување на општа опасност од пожар до Министерството за внатрешни работи“, се додава во објавата од Електродистрибуција.
Македонија
Закани за убиство кон градоначалникот на Неготино и обид да се изнудат пари: обвинение против едно лице
 
														Основното јавно обвинителство Кавадарци обезбеди докази и поднесе обвинение против едно лице осомничено за кривични дела – Изнуда од член 258 став 1 во врска со член 19 (во обид), како и Загрозување на сигурноста од член 144 став 4 во врска со став 2 и став 1 од Кривичниот законик.
Со намера за себе да прибави противправна имотна корист, обвинетиот на 2 септември упатил сериозна закана дека ќе нападне по животот и телото на оштетениот – градоначалник на Општина Неготино и неговото семејство, обидувајќи се да му изнуди сума од 3.000 евра. Оштетениот не постапил по барањето и случајот го пријавил во полиција.
Во периодот од 04.09-18.09, обвинетиот испраќал заканувачки пораки до градоначалникот со намера да го вознемири и заплаши, а дел од пораките ги адресирал и до официјалната адреса на општината, до адреси во МВР и до новинари. Со тоа кај оштетениот предизвикал чувство на несигурност, загрозување и страв и за сопствената, но и за безбедноста на неговото семејство и за безбедноста на граѓаните на Неготино.
Надлежниот јавен обвинител со обвинението побара продолжување на претходно определената мерка притвор за обвинетиот, за кој постои реален ризик од бегство, бидејќи дел од неговото семејство живее во странство. Исто така, постојат околности кои укажуваат на опасноста тој да го повторува делото, па дури и да ги реализира заканите и изнудата. Јавниот обвинител го имаше предвид и фактот дека истото лице веќе е осудено за кривични дела присилба и демнење на градоначалникот за кои му е изречена условна осуда и која обвинителството ќе побара да биде отповикана, бидејќи се уште не е поминат периодот на проверка, а обвинетиот врши нови кривични дела.
Македонија
Данела Арсовска повторно во судница, се соочува со вториот напаѓач од инцидентот во Чаир
 
														Град Скопје сооопшти дека градоначалничката во заминување, Данела Арсовска, денеска се соочува со вториот насилник кој на 11 јули 2025 година ја нападна за време на увид на терен во Општина Чаир, на локација каде се гради дивоградба спроти полициската станица.
Напаѓачот бил спречен од полицијата пред да се случи физички напад, но, како што наведува Град Скопје, има долга историја на сериозни кривични дела и повеќегодишни затворски казни.
По инцидентот, Министерството за внатрешни работи, врз основа на безбедносна проценка од Агенцијата за национална безбедност, ѝ додели 24-часовна заштита на градоначалничката.
За истиот настан, на 2 септември Основниот кривичен суд Скопје донесе пресуда со која обвинетиот Сулејман Љамалари беше прогласен за виновен за кривично дело насилство и осуден на две години затвор. Тој, како што велат од Градот, не покажал каење и со своето однесување го исмејувал судот и јавноста.


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											