СДСМ сѐ што вети пред да дојде на власт погази, велат од опозицијата преку соопштение. ВМРО-ДПМНЕ обвинува дека даноците се зголемени, а бизнисите се селат во соседните земји. Додавa дека пензијата е покачена за само 36 денари, а нереализирани се и ветувањата за 500 километри автопат.

„Инвеститорите си бегаат од Република Македонија, а пример за тоа е изведувачот од шпанската компанија „Рубау“. Тие се спакуваа, ја напуштија и ја тужат Македонија за десетици милиони евра оштета.

Ветуваа правда и мир, а нарачките им ги извршуваат обвинители, судии коишто се длабоко со рацете во криминал фатени. Русковска обвинителство го заврши случајот „Рекет“ со само тројца осомничени коишто го направиле сето ова, го осмислиле и прибрале милиони евра. Русковска обвинителство ги заштити функционерите од власта со прикривање на докази.

Целокупните политики на криминогената влада се само како да направат за нив и за блиските до нив да им биде добро.

Потребна е генерација која што не ветува чуда, генерација која што сака да биде слуга на народот и која што заедно со граѓаните може да покаже дека Македонија можела поинаку и дека Македонија има капацитет за поинаку од ова темнило кое што денеска е секојдневие.

Време е да се врати достоинството на Македонија. Потребна е обнова на Република Македонија“, велат од ВМРО-ДПМНЕ во соопштението.