Македонија
ВМРО-ДПМНЕ: Тендер министерот Филипче заедно со Заев стана милијардер

„Филипче очигледно не знае кај се наоѓа збунет е заради парите и луксузот во кој живее збогатен на сметка на граѓаните посебно на тие за кого сега наводно загрижено констатира дека немало платите да им се зголемат, па да го потсетиме:
Наследивме банкротирана држава, сиромаштија, празна ограбена каса.
Да го потсетиме Филипче да не заборавил случајно опиен од богатството кое го дели со Заев како тој работел и кој е епилогот од неговото мешетарење и лоповлук.
Мртви во модуларната заради што до ден денес не одговарал. Го заштити Зоран Заев како што го заштити и Кочо Анѓушев;
Мртви од погрешно справување со ковид;
Мртви заради пљачката која ја овозможуваше на Онкологија;
Хаос во здравството и задолжени клиники;
Инфлација највисока во Европа;
На врв сме во Европа по корупција заради него и неговиот духовен татко Зоран Заев со кого заедно си купуваат исти коли, исти вили, исти часовници.
Уште малце од што е заљубен во Заев сака да се прекрсти во Зоран Филипче.
Статусот на ФБ му го пишувало некое дете кое формално е вработено во Мамас, надзор му прави синчето на Ѓорги Спасов за некоја сума на пари, пошто тие што ги земал од Град Скопје не му се доволни очигледно, а тој, се сонча на некое монденско место кое сите што ги наброја за кои наводно се секира може да го гледаат само на интернет. Затоа го повикуваме нека не глуми наводна грижа туку да каже како заедно со Зоран Заев станаа милијардери и како е можно да нема грижа на совест за сите кои заради неговата лакомост ги загубија животите.
Тендерхирургот на Заев мора да одговара. Лидерското место во СДС не смее да е негова закрила и обвинителството кое се уште е во скутот на Заев и ДУИ, мора да поведе постапки за сите малверзации кои овој доктор за криминал неврохирург на кланот Заеви ги направил“.
Соопштение на ВМРО-ДПМНЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Јанев на заокружување на обуката „Истрага на местото на настанот“, насочена кон унапредување на истражните капацитети на полициските сили

Директорот на Бирото за јавна безбедност Александар Јанев присуствуваше на свеченоста за доделување на дипломите, што се одржа во Центарот за обука на полицијата во Идризово, заедно со помошник министерот за внатрешни работи и началник на Центарот за обука, Влатко Митковски, како и со амбасадорот на Италија во нашата земја, Н.Е. Паоло Палминтери.
Обуката беше реализирана од Вишиот институт за истражни техники на карабинерите на Италија, со организациска поддршка од Италијанската амбасада во Скопје.
Учесниците на курсот имаа можност да стекнат напредни знаења и практични вештини за истражување на место на настан, притоа следејќи современи европски и меѓународни стандарди.
“Посебна благодарност упатувам до италијанските експерти за нивниот професионален ангажман и пренесеното знаење и сакам да истакнам дека како институција, особено ја цениме оваа соработка што претставува значаен чекор кон унапредување на капацитетите на нашата полиција и поддршка на владеењето на правото”, истакна директорот Јанев, додавајќи дека ова е уште еден показател за успешната и стратешки ориентирана билатерална соработка со Италија во областа на безбедноста и претставува дел од заедничките напори за градење побезбедно и посилно општество.
Македонија
Николоски учествува на висок министерски форум во Истанбул

Вицепремиерот и министер за транспорт Александар Николоски денеска и утре учествува на Форум за министри за транспорт што се одржува во Истанбул.
Во планираната агенда е предвидено обраќање на вицепремиерот Николоски на панелот насловен ,, Иновативни можности и решенија за финансирање на транспортни коридори” .
На Форумот ,,Глобална Транспортна Поврзаност” предвидено е да се обрати претседателот на Турција, Реџеп Таип Ердоган, министерот за транспорт на Турција, Абдулкадир Уралоглу како и други министри од Европа и светот.
На настанот ќе земат учество и бројни министри како што се министерот за транспорт на Шпанија, на Албанија, на Саудиска Арабија, Сингапур, Црна Гора, Обединетите Арапски Емирати, како и многу други високи претставници од институции од областа на транспортот.
Македонија
Сиљановска-Давкова прими припаднички на Армијата кои успешно завршија обука во САД

Претседателката Гордана Сиљановска-Давкова ги прими капетанката Неда Волчева и поручничката Сара Тасевска кои успешно го завршија седуммесечниот курс „Maneuver Captain’s Career Course“во Џорџија, САД, организиран од американскиот тренинг центар „Fort Moore”.
На средбата на којашто присуствуваа началникот на Генералштабот на Армијата, генерал-мајор Сашко Лафчиски и американската амбасадорка Анџела Агелер, двете припаднички на Армијата ја запознаа претседателката со фазите, содржините и квалитетот на воено-образовната обука и ги споделија нивните натамошни планови, заложби и амбиции за кариерен напредок.
Препознавајќи во нив потенцијал за идни генерали, Сиљановска-Давкова им честиташе на Волчева и Тасевска за успешно завршената обука и изрази уверување дека стекнатите знаења, вештини и експертиза ќе ги применат во интерес на македонската армија.
Според неа, реализацијата на оваа програма претставува влог во македонско-американското партнерство и е посебно значајна за промоција на земјава како лојален и кредибилен сојузник во НАТО.
Признавајќи ги одличните резултати што ги постигнуваат жените, соговорниците се согласија дека нивното партиципирање во меѓународните обуки треба да биде редовна пракса.
Сиљановска-Давкова на средбата ја реафирмираше својата заложба за формирање на Регионален центар за извонредност за жени, мир и безбедност со седиште во Скопје, заради промоција на жените во безбедноста и одбраната во регионот.