Македонија
ВМРО-ДПМНЕ: Филипче да им ги покачи платите на младите специјализанти 100 проценти

Министерот за здравство, Венко Филипче, да обезбеди пензиско и здравствено осугурување за младите специјализанти и да им ги покачи платите 100 проценти, порача Марија Пејовска од ВМРО-ДПМНЕ. Опозицијата укажува и на неопходноста за соодветно домување за сите што немаат каде да престојуваат, а се распоредени во ковид-центри надвор од местото на живеење.
Пејовска рече дека барањата на приватните специјализанти сè уште не се исполнети, дури и по еден и пол месец од нивната средба со министерот за здравство.
„Во време на пандемија, додека сите држави од Европа го наградуваат медицинскиот кадар со зголемување на платите од 100 %, ние говориме за елементарни услови за работа и остварување законски или човекови права“, вели Пејовска.
Барањата на специјализантите вклучуваат најпрвин да се платат 24-часовните дежурства, а потоа и здравствено осигурување за сите приватни специјализанти, како здравствено така и пензиско осигурување, субвенции за домување на специјализантите, како и израмнување на коефициентот специјалисти/супспецијалисти во интернистичките и хируршките гранки. Овие барања, како што посочи Пејовска, биле доставени до министерот на 29 септември 2020 година и нивното исполнување било ветено од страна на министерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот на државните патишта се одвива по наместа влажни коловози

Сообраќајот на државните патишта се одвива по наместа влажни коловози, извести АМСМ.
На патниот правец Тетово – Попова Шапка се уште е активна забраната за тешки товарни возила, а за останатите видови на возила задолжителна е употреба на зимска опрема (ланци).
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Според известување од Виадукт Треј Дооел – Гостивар од 09.04.2025 година(Среда), ќе се врши реконструкција на дилатациони спојки на дел од автопатот Неготино-Велес (клучка Неготино), каде сообраќајот ќе се одвива во една сообраќајна лента во правец од Неготино кон Велес во времетраење од 15 дена, соопшти АМСМ.
Македонија
Посебен режим на сообраќај во Скопје

Од денеска до 11 април во официјална посета на Македонија ќе присуствува Н.Е. Уршка Клакочар Зупанчиќ, Претседател на државниот збор на Словенија.
Од тие причини Единицата за безбедност на патниот сообраќај ќе преземе мерки за посебен режим на сообраќајот на подрачјето на град Скопје.
СВР Скопје апелира до сите граѓани учесници во сообраќајот да ги почитуваат наредбите што ќе ги даваат полициските службеници.
Македонија
Неколку скопски општини денеска без струја

Од ЕВН Македонија АД известуваат дека денеска без електрична енергија ќе останат:
– 09:00 до 11:00 часот, корисниците од С.Чајлане (Општина Сарај);
· Oд 09:30 до 11:00 часот, дел од ул 2 .(Општина Сопиште).
· Oд 09:30 до 11:00 часот, дел од ул 4 .(Општина Сопиште)
· Oд 09:30 до 14:00 часот Рилски Конгрес, Славејско Арсов Христо Чернопов.(Општина Центар)
– Oд 12:30 до 14:30 часот Дел од корисниците на ул. Мечкин Камен ул.Петко Јанчевски од бр.32 до бр,60(Општина Ѓорче Петров)