Македонија
ВМРО-ДПМНЕ: Црно ѝ се пишува на македонската економија со Заев како министер за финансии
Државата е во опасност кога со нејзиниот буџет директно управува аболиран криминалец како Зоран Заев, велат од опозициската ВМРО-ДПМНЕ преку соопштение.
„На македонската економија црно ѝ се пишува сега кога Заев се самопрогласи за министер за финансии. Човек што еднаш е аболиран за економски криминал, а вториот пат амнестиран од заробеното судство, исто така за економски криминал, не смее да му се дозволи да управува со државната каса. Кланот Заеви, познат по матните зделки, сега е еден чекор поблиску до парите на граѓаните, еден чекор поблиску до државниот буџет“, смета опозицијата.
Од партијата додаваат дека власта манипулира со најавите дека парите ќе се вратат кај граѓаните преку повратот на ДДВ.
„Со повратот на ДДВ не ќе може да се плати ниту сметка за струја, а не, пак, 500 евра како што ветуваше Заев.
Благодарение на повратот на ДДВ, според потрошувачката кошничка, едно просечно четиричлено семејство ќе добие само 156 денари месечно или 1.872 денара во годината. Што значи дека на едно семејство ќе му бидат потребни 16 години за да ги добие назад 30-те илјади денари што ги ветуваше Заев. Очигледно е дека од оваа мерка единствено корист ќе имаат најбогатите“, нагласуваат од опозицијата.
ВМРО-ДПМНЕ додава дека на македонските граѓани им се потребни вистински проекти и мерки, кои ќе го подобрат животниот стандард, а на повеќе од 500 илјади граѓани што живеат со еден оброк на ден им е доста од, како што велат, погубните политики на власта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.